شعر شعبي عراقي💔

كالولي عنج حلوة وانتي الگمر جنج وكالولي حتى الورد ماخذ عطرة منج بس اني راح اختلف وية الحجو عنج انتي مو جنج گمر لچ هوة الگمر منچ

وهاذ العيد كرب وانته مو وياي حضت بيك المكابر وخذتك مني يماي عيوني والله هواي الك مشتاك لأن انته الوحيد الجنتَ فاهمني .

وَبيّن على عيوني حُبك ‏ثارَي هيّج الشَوك فاضَح ‏انتَ حُبك مِثل عطري شَلونْ اضَمه؟ ‏العَاشك تفَضحه المَلامح

وانت اخر نفس وشكد عزيز تصير وبلحضه لموت تريدنا نملك خيط على جرح بلحم صرت وياي لو كل جروح طيب ماافلك تعرف كلشي بيه وماعرفت شبيك لغز حلك لغز من يكدر يحلك واشرد حتى اجيك ومدري ليش خوف

عَودتني وواعدِتني وتالي مِن ردتَك مِشيت وفَارگتني ليش كِل عُمري أكابر حتى أعيش، متاني باچِر وهُو باچِر بلا عيونَك شِنهو لذته وهُو گلبي بلِايه حُبَك شتسَوة دَگته.

أنا انغشيت لا تحسبني مغلوب مبين من شكلهم وادم اجواد وحرگت فراشي اليلمني من احاچيه وذبيت الهدايا بسد المخاد .

السواتِر وَالحَرب تعرُفنَة زين طَابعيّن اجدامّنَه بخدهِن وشِم عِدنة مِثل العَافية الطگ وَالرصَاص الدمَه يصهِل حَافره يخضر زلم

امة تشوفه جا وانا لشامه تعبت هم كربت ريه لشامه الشلع گلبي ارد اوصفنه عسى من الله وانصفنه من اديته تستحي الحنه سنه يغار من سنه الشامه مگابله الشامه يمشي وهن جدامه يتلثم فضحن الثامه زعل وتگربن شامه لشامه ابتسم واتفارگن من صد عليه

بس نرضيك ردنه وأنت ما راضي والبالون صدك داخله فاضي على كيفك مَعود أذكر الماضي اللي يكسر حطب لا ينسه فضل الفاس هاي عيونه من السهر حمره لتتكبر على الفقره..

نفرض شككتهن خاف مااطيب شك الثوب فوك الميت شفاد ثلث سنين طيفك لو ادري يغيب جا ماخيطت راسي ويي المخاد

عيونچ کبار شگد عُمرهن اسم الله عليهن خاف اضرهن صح صابني بس صوابهن خير كون الله لا يجفيني شرهن

ليش غيرك يكعد يفـل الكصيبه واني جنت مرايتـك مو بس حبيبه ليش يـم غيري واصحيلك تعال كلبـي ما يطيـني اخـونك بـحلال ليش مو حتى بـسواد عيوني شيـبه اني جنت مرايتك مو بس حبيـبه

عيونك كبار تورطت كتلك عود سويت كلشي وما ترست عيونك و داعت بياض كليبك عفوا لا لا كلبك اسود وحك لون سنونك واصل لحد قمة ضياعي بيه بجي يفشل النواعي بجفاك كد ما يسرح البال ضليت اشك بالبال راعي

انا ما ناسي گلشي وهذا السوار ما اغفة اذا ما بيدي اشوفه اتخيل ملتزم حتى بهداياه بعيداً عن ظروفي وعن ظروفة لو ما ادري بي وي غيري يرتاح اصلاً ما افكر لحضه اعوفه

‏وچانت الصفنة على وجهك ‏هيّ صحوة وهيّ غفوة ‏چنت بس انتَ الوحيد اليمّة احس ما عندي قوّة ‏چنت گاضيها اعتذرلك ‏حتى لو چان السبب ما يسوة ‏چان وياك يسوة