POSTDA|Rasmiy kanal

Тақдимот: “Аччилик Абдусаттор қозининг аччиқ қисмати” Ички ишлар вазирлиги, Қатағон қурбонлари хотираси музейи ҳамда “Шаҳидлар хотираси” жамоат фонди ҳамкорлигида Ўзбекистон Ёзувчилар ва Журналистлар уюшмаси аъзоси, юридик фанлари доктори, профессор Абдуғофур Саттаров ва меҳнат фахрийси Аъзам Шукуровнинг ҳаммуаллифликдаги “Аччилик Абдусаттор қозининг аччиқ қисмати” китобининг тақдимоти бўлиб ўтди. Тадбирда ИИВ соҳавий хизмат раҳбарлари, фахрийлар, ёзувчи ва журналистлар, ИИВ таълим муассасалари тингловчи ҳамда курсантлари, оммавий ахборот воситалари вакиллари иштирок этди. Тақдимотда сўз олганлар томонидан мустабид тузум давридаги қатағонлар миллатнинг қанчадан-қанча асл, билимли ўғлонларининг умрига зомин бўлганлигини таъкидланди. Ватан озодлиги йўлида фидойилик кўрсатган авлодлар номи тилга олинди. Якунда эса, иштирокчиларга Қатағон қурбонлари хотираси музейи томонидан ишланган Абдусаттор Шукуров ҳақидаги ҳужжатли фильм намойиш этилди. Ўз мухбиримиз. 👉 @postdarasmiy

Zehningizni sinab ko‘ring! Aleksandr Makedonskiy (Iskandar Zulqarnayn) Savol: Iskandar Zulqarnayn Hindiston yurishi paytida o‘zining eng yaqin "do‘sti" uchun alohida shahar barpo etgan. Bu "do‘st" aslida kim yoki nima edi? Ushbu savolga Mansur Jumatayev, Raushan Rustemovna, Shamsiyev O., Xalitov Baxtiyor, Sultonbek, Azamat Axmatov, Ramziddin, Isroil Ergashev, Nuriddin Kamolov kabi o'quvchilarimiz to‘g‘ri javob yoʻllashdi. Ofarin! Bilimdonlarga keyingi jumboq savollarda ham omad tilab qolamiz. Javob: Uning sevimli oti. Butsefal jangda halok bo‘lgach, Iskandar uning xotirasiga shahar qurgan. 👉 @postdarasmiy telegram kanalimizga a’zo bo‘ling.

Берберин нима? Берберин — айрим доривор ўсимликлар таркибида учрайдиган табиий биологик фаол модда бўлиб, асрлар давомида халқ табобатида қўлланиб келинган. У асосан зирк (барбарис) ва шу каби шифобахш ўсимликлар таркибида мавжуд. Мутахассислар таъкидлашича, берберин қондаги қанд миқдорини меъёрлаштиришда муҳим аҳамиятга эга. У инсулин сезгирлигини ошириб, қандли диабетнинг иккинчи тури хавфини камайтиришга ёрдам беради. Шу билан бирга, моддалар алмашинувини яхшилаб, ортиқча вазн тўпланишининг олдини олади. Шунингдек, юрак-қон томир тизими фаолиятини қўллаб-қувватлаб, холестерин ва ёғ моддаларининг камайишига хизмат қилади. Унинг антибактериал ва яллиғланишга қарши хусусиятлари ичак фаолиятини яхшилаш, иммунитетни мустаҳкамлашда ҳам самара беради. Бугунги кунда берберин турли биологик фаол қўшимчалар таркибида қўлланилмоқда. Батафсил👉🏻 👉 @postdarasmiy

TARTIB TUSHUNTIRILDI Namangan viloyati IIB JXX YHXB mas’ullari Namangan tumanidagi avtomaktabda haydovchilikka nomzodlar bilan uchrashuv o‘tkazdi. Tadbirda A toifadagi haydovchilik guvohnomasi olish tartibi, hujjatlar topshirish jarayoni, imtihon bosqichlari va amaliy mashg‘ulotlar bo‘yicha batafsil ma’lumot berildi. Uchrashuv davomida yo‘l harakati qoidalaridagi yangiliklar, xavfsizlik talablari hamda mototransport vositalaridan to‘g‘ri foydalanish bo‘yicha tavsiyalar ham yetkazildi. Targ‘ibot ishlari viloyatning boshqa hududlarida ham izchil davom etmoqda. O‘z muxbirimiz. 👉🏻 @postdarasmiy

“Ёнғин хавфсизлиги ойлиги” доирасида

Тошкент вилояти Қўриқлаш бошқармасида ис газидан заҳарланишни олдини олиш ва биринчи тиббий ёрдам кўрсатиш буйича профилактик суҳбат ўтказилди.

“Ёнғин хавфсизлиги ойлиги” доирасида ташкил этилган тадбирда ёнғин хавфини келтириб чиқариши мумкин бўлган омиллар, уларга қарши кўриладиган чоралар, бошланғич ёнғин ўчириш воситаларидан тўғри фойдаланиш ҳамда фавқулодда ҳолатларда ҳаракатланиш тартиби бўйича мутахассислар томонидан маълумотлар берилди. Шунингдек, ис газидан заҳарланишда биринчи тиббий ёрдам кўрсатиш, газ ва электр жиҳозларидан нотўғри фойдаланиш, шунингдек чақнаш ва бошқа бахтсиз ҳодисаларнинг олдини олиш бўйича батафсил йўриқномалар ва тушунтиришлар берилди. 👉🏻 @postdarasmiy

Соғлом авлод – мустаҳкам миллат Соғлом авлодни шакллантириш ва миллат генофондини сақлаш келажак авлод манфаатини таъминлашнинг асосий омилидир. Шу сабабли, уларни профилактика қилиш ва самарали ҳимоя чораларини ишлаб чиқиш бугунги куннинг долзарб масаласи. Айни мақсадда Навоий шаҳридаги 16-сонли мактабининг ўқувчилари билан ҳамкор ташкилотлар ҳамда соҳавий хизматлар иштирокида мактаб инспектор психологи томонидан “Соғлом авлод – мустаҳкам миллат!" шоири остида кенг қамровли тарғибот тадбири бўлиб ўтди. Тадбир давомида мавзуга оид кўрик танлов ҳам ўтказилиб ўқувчилар мукофотланди. Маҳлиё Холова, Ўз мухбиримиз. 👉🏻 @postdarasmiy

Zehningizni sinab ko‘ring! Aleksandr Makedonskiy (Iskandar Zulqarnayn) Savol: Iskandar Zulqarnayn Hindiston yurishi paytida o‘zining eng yaqin "do‘sti" uchun alohida shahar barpo etgan. Bu "do‘st" aslida kim yoki nima edi? Ushbu savolning javobini to‘g‘ri topsangiz, bugun soat 17:00 da telegram kanalimiz orqali e’lon qilamiz. Javobni quyidagi manzilga yo‘llashingiz mumkin: https://t.me/postda_muloqot 👉 @postdarasmiy telegram kanalimizga a’zo bo‘ling.

«Postda-На посту» газетасининг 2025 йил 18 декабрь кунги 51 (4745)-сони мутолаа учун ҳавола қилинади. Шунингдек, газетанинг интернетдаги http://postda.uz веб-сайтини ҳам кузатиб боришингиз мумкин. ©️ Газета таҳририят томонидан тақдим этилди. 📰 Мутолаа энг севимли машғулотингизга айлансин! 〰️〰️〰️〰️〰️ Kanalga ulanish👇👇👇 https://t.me/gazetalar_sharhi https://t.me/postdarasmiy

БИРИНЧИ ҚОР Фалакнинг тоқидан пир-пир учмоқда Оппоқ капалаклар укпар қанотли. Талашиб, тортишиб юзим қучмоқда, Биринчи бўсадек ёқимли, тотли. Йиллар ўтаверар қолдириб изин, Оппоқ қорлар узра қолган из мисол. Ягона тилагим сенга, азизим, Биринчи қордан боз юз йиллаб завқ ол. ✍🏻Темир ҚУРБОН 👉🏻 @postdarasmiy

75 MILLION SO‘MLIK PIROTEXNIKA Toshkent shahar IIBB tezkor-qidiruv xizmati xodimlari tomonidan pirotexnika buyumlarining qonunga xilof ravishda tarqatilishining oldini olish maqsadida muntazam ravishda profilaktik tadbirlar o‘tkazib kelinmoqda. «Xavfsiz va sog‘lom yurt” tadbirlari doirasida o‘tkazilgan navbatdagi holatda Bektemir tumani Birlik ko‘chasida “Kobalt” rusumli avtoulov tekshiruv uchun to‘xtatilgan. Батафсил ўқинг👉 👉 @postdarasmiy телеграм каналимизга аъзо бўлинг.

Югуришда эҳтиёт бўлинг!

Бирон бир тайёргарликсиз тез югуриш тизза бўғимларига зарар етказиши мумкин. Чунки айнан шу жадал ҳаракат натижасида бўғимлар босимга учрайди. Сабаби – югуриш пайтида инсон тана оғирлигини бир оёғидан иккинчисига ташлайди ва бу жараёнда энг кучли босим тизза бўғимларига тушиб, мос равишда, хавф остида қолган ҳам улар бўлади.

Бўғимлар зарарланиши тезроқ юз беради, негаки югуриш чоғида тана оғирлигидан ташқари тезлашишга ҳам зўр куч сарфланади. Одам қанчалик тез югурса, бўғимларга таъсир ҳам шунчалик салбий бўлади. Тизза бўғимлари учун фойдали жисмоний ҳаракатларга, жумладан, гимнастика, сузиш, сувда аэробика билан шуғулланиш, велосипед ҳайдаш ёки унинг ўрнини босувчи тренажердан фойдаланиш киради. Бунда бўғимлар зўриқмайди, уларга оғирлик ва босим тушмайди. Гулчеҳра АЗИМОВА тайёрлади. 👉 @postdarasmiy

Тунда овқатланиш қандай салбий оқибатларга олиб келади? Баъзиларда куни бўйи тўпланган чарчоқ ва стресс оқибатида кечаси уйқуга ётишдан аввал ширинлик ёки фастфуд ейиш истаги кучаяди. Бу эса керакcиз калория қабул қилиш ва ичак микрофлорасининг мувозанатини бузишга олиб келади.

Тунги тамаддилар сонини камайтириш учун кечки овқатни уйқудан 2–3 соат аввал қилиш мақсадга мувофиқ. Рационда оқсил ва секин сўриладиган углеводлар бўлиши лозим. Агар очлик ҳисси барибир кетмаса, кефир, творог, банан ёки оз миқдорда пишлоқ каби енгил маҳсулотларни ейиш мумкин. Ширинлик, чипс ва нон маҳсулотлари эса кечки овқатга умуман тавсия этилмайди.

Агар кечки пайт овқатланиш истаги тез-тез безовта қилса, бу овқатланиш бузилишининг клиник белгиси бўлиши мумкин. Ушбу муаммони ҳал қилиш учун мутахассис шифокорларга — гастроэнтеролог, эндокринолог ёки психотерапевтга мурожаат қилиш ва комплекс даволаниш ўтказиш зарур. 👉 @postdarasmiy

Xizmat intizomi va qonunchilik talablariga rioya etishga bag‘ishlandi Ichki ishlar vazirligi Malaka oshirish institutida "podpolkovnik" va “mayor” maxsus unvonini berish uchun maxsus malaka oshirish o‘quv kurslari tinglovchilari bilan vazirlik Shaxsiy xavfsizlik bosh boshqarmasi ta’lim muassasalari bo‘yicha bo‘limi xodimlari tomonidan xizmat intizomi va qonunchilik talablariga rioya etishga bag‘ishlangan davra suhbati o‘tkazildi. Tadbirda tinglovchilarga xizmatga sovuqqonlik bilan qaramaslik, poraxo‘rlik va tamagirlik hamda korrupsion holatlarga yo‘l qo‘ymaslik, vakolatdan chetga chiqmaslik, fuqarolar bilan muloqotda xushmuomalada bo‘lish yuzasidan zaruriy tushuntirishlar berildi. Shundan so‘ng, “Nafsning so‘nggi manzili” nomli film namoyish etildi. 👉 @postdarasmiy

ПИРОТЕХНИКА ОЛИБ ЮРГАН ЎСМИРЛАР Фарғонада ўтказилаётган "Хавфсиз ва соғлом юрт" кенг қамровли тезкор профилактик тадбири доирасида ўз ёнида пиротехника воситаларини олиб юрган ўсмирлар аниқланди. Масалан, ППХ отряди 4-гуруҳ ходимлари Фарғона шаҳрининг Юксалиш кўчасида хизмат олиб бораётган вақтида вояга етмаган шахс текширувдан ўтказилди. Текширув жараёнида унинг сумкасидан 50 дона “Микки Маус” номли пиротехника воситалари борлиги маълум бўлди. Шаҳарнинг А. Яссавий кўчасида эса ўқувчилардан бирининг сумкасидан тахминий қиймати 70 000 сўм бўлган 170 дона “Титаник” номли пиротехника воситалари топилди. Мазкур пвоситалар холислар иштирокида расмийлаштирилиб, вояга етмаган шахсларнинг ота-онасига нисбатан Ўзбекистон Республикаси Маъмурий жавобгарлик тўғрисидаги кодексининг 47-моддасига мувофиқ маъмурий баённома расмийлаштирилиб, жарима жазоси тайинланди. Абдувосит СИДИҚОВ, ўз мухбиримиз. 👉 @postdarasmiy

Пробация назоратидаги шахслар билан учрашув “Тошкент механика заводи” мажлислар залида Яшнобод тумани ИИОФМБ масъул ходимлари томонидан пробация назоратидаги ҳамда муқаддам судланган шахслар билан профилактик учрашув ташкил этилди. Учрашув давомида “Хавфсиз ва соғлом юрт” ойлиги доирасида амалга оширилаётган профилактик тадбирлар мазмун-моҳиятига тўхталиб ўтилди. Шунингдек, гиёҳвандлик воситалари айланмаси, экстремизм ва терроризм ғояларига қарши кураш, кибержиноятчиликнинг олдини олиш масалалари атрофлича муҳокама қилинди. Масъул ходимлар томонидан қонунбузарликларнинг салбий оқибатлари, жамиятда қонунийлик ва тартиб-интизомни таъминлашнинг аҳамияти ҳақида тушунчалар берилди. Учрашув якунида иштирокчилар билан очиқ мулоқот ўтказилиб, уларни қизиқтирган саволларга батафсил жавоблар қайтарилди. 👉 @postdarasmiy

Xizmat intizomi va qonunchilik talablariga rioya etishga bag‘ishlandi Ichki ishlar vazirligi Malaka oshirish institutida "podpolkovnik" va “mayor” maxsus unvonini berish uchun maxsus malaka oshirish o‘quv kurslari tinglovchilari bilan vazirlik Shaxsiy xavfsizlik bosh boshqarmasi ta’lim muassasalari bo‘yicha bo‘limi xodimlari tomonidan xizmat intizomi va qonunchilik talablariga rioya etishga bag‘ishlangan davra suhbati o‘tkazildi. Tadbirda tinglovchilarga xizmatga sovuqqonlik bilan qaramaslik, poraxo‘rlik va tamagirlik hamda korrupsion holatlarga yo‘l qo‘ymaslik, vakolatdan chetga chiqmaslik, fuqarolar bilan muloqotda xushmuomalada bo‘lish yuzasidan zaruriy tushuntirishlar berildi. Shundan so‘ng, “Nafsning so‘nggi manzili” nomli film namoyish etildi. 👉 @postdarasmiy

Бу қизиқ! Машҳур одамлар шарафига аталган таомлар. Улар қандай яратилган?

“Оливье” салати

Оливье Люсьен (французча Lucien Olivier) франциялик ошпазнинг исми бўлиб, ўзининг бу салатини у биринчи марта 1860 йилда Москвадаги ресторан очилишида оммага тақдим этган. Дастлаб, салат рецепти сир сақланиб келинган. Ўнлаб йиллар ўтгач, кенг оммага маълум бўлди ва яратувчиси шарафига ўз номини бериб, уни дунёга машҳур қилди. Батафсил👉🏻 👉 @postdarasmiy

Ilmiy-amaliy konferensiya Shaxsga qarshi jinoyatlarning oldini olish: muammo va yechimlar O‘zbekiston Respublikasi Kriminologiya tadqiqot institutida “Shaxsga qarshi jinoyatlarning oldini olishni takomillashtirish: muammo va yechimlar” mavzusida respublika ilmiy-amaliy konferensiyasi bo‘lib o‘tdi. Konferensiyada shaxsga qarshi jinoyatlarning zamonaviy ko‘rinishlari va tendensiyalari, zo‘ravonlik jinoyatlarining ijtimoiy-ruhiy omillari, shaxsga qarshi jinoyatlarning kriminologik tahlili va profilaktikasi, jabrlanuvchilarni himoya qilish mexanizmlarini kuchaytirish, xalqaro tajribani o‘rganish va milliy amaliyotga tatbiq etish yo‘llari muhokama qilindi. Tadbir yakunida ishtirokchilar shaxsga qarshi jinoyatlarning oldini olish tizimini takomillashtirish, idoralararo hamkorlikni kuchaytirish hamda profilaktikaning zamonaviy va ilmiy asoslangan usullarini joriy etish bo‘yicha qator taklif va tavsiyalar ishlab chiqdilar. 👉 @postdarasmiy

БАЙРАМНИ ОСОЙИШТА ЎТКАЗИШ МАҚСАДИДА... Юртимизнинг барча ҳудудларида бўлганидек, Фарғонада ҳам Янги йил байрами шукуҳи кезиб юрибди. Вилоят маркази бўлган Фарғона шаҳридаги 3 та истироҳат боғига ва шаҳар-туман марказларига байрам арчалари ўрнатилиб, фуқароларимизга муносиб шарт-шароитлар яратилмоқда. Жумладан, Ислом Каримов номидаги санъат саройи, Экошаҳар амфитеатри ва Аҳмад Фарғоний номидаги истироҳат боғи олдига ўрнатилган байрам арчаларининг ҳолати, ҳудудда амалга оширилган хавфсизлик чоралари мутасадди раҳбарлар томонидан мунтазам назорат қилиб бориляпти. Арча ўрнатилган майдонлар рақамли технологиялар ёрдамида кузатувга олинган бўлиб, ички ишлар, миллий гвардия ҳамда фавқулодда вазиятлар бошқармаси ходимлари ҳамкорликда туну кун хизмат олиб боришяпти. Истироҳат боғларига элтувчи йўлларда ҳаракат хавфсизлигини таъминланиб, тирбандликларнинг олди олинмоқда. Абдувосит СИДИҚОВ, ўз мухбиримиз. 👉 @postdarasmiy

Oʻzbekiston Respublikasi Ichki ishlar vaziri huzurida ichki ishlar organlari faoliyatini yanada takomillashtirish, jamoat tartibini saqlash va aholi xavfsizligini taʼminlashga qaratilgan dolzarb masalalar koʻrib chiqildi ▶️ Batafsil ——— Ўзбекистон Республикаси Ички ишлар вазири ҳузурида ички ишлар органлари фаолиятини янада такомиллаштириш, жамоат тартибини сақлаш ва аҳоли хавфсизлигини таъминлашга қаратилган долзарб масалалар кўриб чиқилди ▶️ Батафсил ——— Под руководством министра внутренних дел Республики Узбекистан были рассмотрены актуальные вопросы, направленные на дальнейшее совершенствование деятельности органов внутренних дел, охрану общественного порядка и обеспечение безопасности населения ▶️ Подробно Телеграм канал