arabic.uz (hikmatlar)

13342. “Чошгоҳ билан қасам”, Зуҳо сураси, 1-оят. Аллоҳ таоло фақат улуғ нарса билангина қасам ичади. Сизлар зуҳо намозини лозим тутинглар. Албатта у аввобинлар намозидир. Изоҳ: Расулуллоҳ саллоллоҳу алайҳи ва саллам: «Кимки ўн икки ракаат зуҳо намози ўқиса, Аллоҳ унга жаннатда олтиндан бир қаср бино қилгайдир», дедилар. Имом Термизий, ибн Можа ва Байҳақийлар ривояти. 🟢Зуҳо намозининг вақти қуёш тўла чиққандан тахминан 3 соат ўтгач бошланади ва пешин вақтидан 10-15 дақиқа аввал (бу вақтда қуёш тиккага келади ва намоз ўқиш макруҳ саналади) тугайди. Энг афзал вақти – пешин вақти киришидан 30-45 дақиқа аввалги вақтдир. @arabicuz iOS | Android Instagram | Facebook | Twitter | Tiktok | Youtube

13341. Расулуллоҳ соллаллоҳу алайҳи васаллам: «Албатта, Аллоҳ мен учун ерни йиғиб (яқинлаштириб) кўрсатди. Бас, мен унинг шарқию ғарбини кўрдим. Ва албатта, менинг умматимнинг мулки (ҳукмронлиги) мен учун йиғиб кўрсатилган жойларгача етиб боради», дедилар. Абу Довуд ривояти. 🟢Изоҳ: Имом Муслимнинг ривоятида қуйидагича келади: “Савбон розияллоҳу анҳудан ривоят қилинади: «Расулуллоҳ соллаллоҳу алайҳи васаллам шундай дедилар: «Аллоҳ менга ер юзини яқинлаштириб берди, мен унинг машриқларию мағрибларини кўрдим. Умматимнинг ҳукмронлиги менга яқинлаштириб берилган ергача етиб боради. Менга қизил ва оқ икки хазина (олтин ва кумуш) берилди. Мен Роббимдан умматимни ёппасига қаҳатчилик билан ҳалок қилмасликни ҳамда уларни таг-туби билан йўқотиб юборадиган ёт душманни уларнинг устига ҳукмрон қилмасликни сўрадим. Роббим шундай деди: «Эй Муҳаммад, Мен бирор ҳукм қилсам, у асло қайтарилмас. Мен сенга умматингни ёппасига қаҳатчилик билан ҳалок қилмасликни ҳамда ернинг чеккаларидагилар [ёки «чеккалари орасидагилар»] уларга қарши тўпланса ҳам, уларни таг-туби билан йўқотиб юборадиган ёт душманни уларнинг устига ҳукмрон қилмасликни ато қилдим. Аммо улар бир-бирини ҳалок қиладиган, бир-бирини асир оладиган бўлиб кетишади». @arabicuz iOS | Android Instagram | Facebook | Twitter | Tiktok | Youtube

13340. Баъзан Аллоҳнинг кушойишини қаршингиздаги очиқ эшикдан кутасиз, лекин тўсатдан у сизнинг назарингиздаги ёпиқ эшикдан келади. Аллоҳнинг лутф-марҳаматлари ҳамиша сизга энг умидсиз, энг хавотирли ва энг қийин лаҳзангизда келади. Мен ўқиган энг ажойиб сўзлардан: “Аллоҳ сабаблар билан ҳам ризқ беради ва сабабларсиз ҳам ризқ етказади, ҳатто сабабларнинг зиддида ҳам. Биздан эса фақат саъйи-ҳаракат қилишдир”. Аллоҳим, бизни дунё ва охират яхшиликларини билан ризқлантир!

Ният 📜Дунё тўрт нафарникидир… Абу Кабша Анморий розияллоҳу анҳудан ривоят қилади. Расулуллоҳ соллаллоҳу алайҳи васаллам: «Албатта дунё тўрт нафарникидир: 1.🟢 Бир бандага Аллоҳ бойлик ва илм беради. У Раббига тақво қилади, силаи раҳм қилади ва унда Аллоҳнинг ҳаққини билади. Бу энг афзал даражадир! 2. 🟢Яна бир бандага Аллоҳ илм беради, аммо бойлик бермайди. Шунга қарамай унинг нияти тўғри, агар Аллоҳ менга ҳам бойлик берганида фалончининг амалини қилган бўлардим, дейди. У ниятига яраша (ажр) олади ва у иккисининг савоби бир хил. —————————————————— 3. 🟢Яна бир бандага Аллоҳ бойлик беради, аммо илм бермайди. У молини илмсиз ҳолида исроф қилади, Раббига тақво қилмайди, силаи раҳм қилмайди ва унда Аллоҳнинг ҳақларини билмайди. Бу энг ёмон даражадир! 4. 🟢Яна бошқа бир бандага Аллоҳ бойлик ҳам, илм ҳам бермайди, шунга қарамай, агар менда ҳам бойлик бўлганида фалончи(учинчи)нинг амалини қилардим, дейди. Бас, у ниятига яраша олади. У иккисининг гуноҳи бир хилдир”, дедилар. Имом Термизий, имом Аҳмад ва Ибн Можалар ривояти. @arabicuz iOS | Android Instagram | Facebook | Twitter | Tiktok | Youtube

13339. Тобеинлардан Қосим ибн Муҳаммад ибн Абу Бакр Сиддиқ: “Киши билмайдиган нарсасига фатво берганидан кўра жоҳил яшагани яхшироқ”, деди. “Тарихи Абу Зуръа Димашқий” китобидан. @arabicuz iOS | Android Instagram | Facebook | Twitter | Tiktok | Youtube

Чин тавба ҳикояси 📜Асмоий ва қароқчи ‏بينما كان الإمام "الأصمعى" فى طريقه إلى مكة لحج بيت الله الحرام ، خرج عليه قاطع طريق ، قائلا له : «قف ، من أنت ؟!!». ‏قال له: «أريد حج بيت الله». ‏وسأله قاطع الطريق الذى يريد سرقته عن عمله. ‏فقال "الأصمعى" : «أُحفّظ أولاد المسلمين القرآن». ‏قال له قاطع الطريق : «اقرأ على القرآن». ‏فقرأ عليه قوله تعالى : {وَفِي السَّمَاءِ رِزْقُكُمْ وَمَا تُوعَدُونَ}. ‏فقال الأعرابى قاطع الطريق : «أهذه الآية فى القرآن ؟!!». ‏فما كان منه إلا أن رمى الخنجر والسكين على الأرض ، ثم قال : «ضمن لى رزقى فى السماء وأنا أعصيه فى الأرض !! والله لا أعصيك بعد اليوم أبدا يارب». ‏وأكمل "الأصمعى" طريقه إلى بيت الله الحرام. ‏وذات ليلة بينما يطوف بالبيت وجد رجلاً قد أخذ ركناً من أركان البيت ويعلو صوته بالنحيب والبكاء ، ويقول ‏«يارب أقبلت توبتى فأهنئ نفسي ، أم رددتها على فأُعزى نفسي ، أنا واقف بجنابك ، ألوذ برحابك ، فلا تطردنى من بابك». ‏فتمنى" الأصمعى" أن يكون فى إخلاص هذا الرجل لله ، وعندما إقترب منه قال له : «هل أنت قاطع الطريق؟!». ‏قال : «نعم». ‏فقال له الرجل: «وهل أنت من قرأت على {وَفِي السَّمَاءِ رِزْقُكُمْ وَمَا تُوعَدُون}». ‏قال : «نعم». ‏قال: «إقرأ على مرة أخرى». ‏فقرأ عليه "الأصمعى" : {فَوَرَبِّ السَّمَاء وَالْأَرْض إِنَّه لحق مثل مَا أَنكُمْ تنطقون}. ‏وعندما سمع قاطع الطريق التائب هذه الآية ، قال : «من الذى أغضب الجليل حتى جعله يقسم». ‏وما هى إلا لحظات وفاضت روحه إلى بارئها. ‏ثم رآه "الأصمعى" فى المنام ، فقال له : «كيف حالك بعد لقاء الله ؟». ‏قال له : {إِنَّ الَّذِينَ آمَنُوا وَعَمِلُوا الصَّالِحَاتِ كَانَتْ لَهُمْ جَنَّاتُ الْفِرْدَوْسِ نُزُلًا}. 📕 Имом Асмоий Байтуллоҳни ҳаж қилиш учун Маккага кетаётганларида, бир қароқчи, йўлтўсар у зотни олдиларидан чиқди ва: «Тўхта, сен кимсан?!» деди. Асмоий: «Мен Аллоҳнинг Уйини ҳаж қилиш ниятига кетаётган инсонман», дедилар. У зотни тунамоқчи бўлган қароқчи нима иш қилишларини сўради. Асмаъий: «Мен мусулмонларнинг фарзандларига Қуръон ёдлатаман, таълим бераман», дедилар. Қароқчи: «Унда менга Қуръондан ўқиб бер-чи», деди. Шунда Асмоий унга Аллоҳ таолонинг ушбу оятини ўқидилар: “Ва осмонда ризқингиз ҳамда сизга ваъда қилинаётган нарса бор”, Зориёт сураси, 22-оят. Йўлтўсар аъробий: «Қуръонда шундай оят борми?!» деди. (Тасдиқни олгач) у пичоғи ва ханжарини ерга ташлади-да: «Ризқимни осмонда кафолатлаб қўйган бўлса-ю, мен ерда Унга исён қиламанми?! Аллоҳга қасамки, эй Раббим, бугундан кейин Сенга ҳеч қачон осий бўлмайман», деди. Сўнгра имом Асмоий Аллоҳнинг Байти томонга йўлларида давом этдилар. Бир куни тунги вақтда Асмоий тавоф қилаётган эдилар, Каъбанинг бурчакларидан бирини ушлаб олиб, йиғи ва фарёди баландлаган бир кишини кўриб қолдилар. У шундай дер эди: «Ё Раббим, тавбамни қабул қилдингми, ўзимни муборакбод этайми? Ёки рад қилдингми, ўзимни таъзия, тасалли берайми? Мен Сенинг даргоҳингда турибман, Сенинг ҳузурингга бошпана излаб келдим. Энди мени эшигингдан асло ҳайдама!». Асмоий бу одамнинг Аллоҳга бўлган ихлосига эга бўлишни орзу қилдилар. Унга яқинлашганларида (уни таниб қолиб) сўрадилар: «Сен ўша қароқчимисан?!» У: «Ҳа», деди. Сўнгра у киши яна сўради: «Сен менга: “Ва осмонда ризқингиз ҳамда сизга ваъда қилинаётган нарса бор”, оятини ўқиб берган одаммисан?» Асмоий: «Ҳа», дедилар. У киши: «Менга яна бир бор ўқиб бер», деди. Асмаъий унга ушбу оятни ўқидилар: “Осмону ернинг Робби ила қасамки, албатта, у (ваъда) худди сиз нутқ қилаётганингиз каби ҳақиқатдир”, Зориёт сураси, 23-оят. Тавба қилган қароқчи бу оятни эшитганда: «Жалил Зотни (Аллоҳ) ким шунчалик ғазаблантирди-ки, У Зот қасам ичди?!» деди. Орадан бир неча лаҳза ўтиб, унинг руҳи Роббиси ҳузури томон йўл олди. (жони чиқиб, вафот қилди). Бу воқеадан бироз вақт ўтиб Асмоий ўша кишини тушда кўрдилар ва ундан: «Аллоҳга йўлиққанингдан кейин ҳолинг қандай?» деб сўрадилар. У жавоб бериб, ушбу оятни ўқиди: “Албатта, иймон келтирган ва солиҳ амалларни қилганларга Фирдавс жаннати манзил бўлгандир”, Каҳф сураси, 107-оят. @arabicuz iOS | Android Instagram | Facebook | Twitter | Tiktok | Youtube

13338. Солиҳларнинг сўзларидан: “Кимнинг илми ва амали зиёда бўлганида Роббисига ифтиқор, муҳтожлиги ва Унинг халқига нисбатан камтарлиги ошмас экан, бас у ҳалок бўлувчидир”. Абулҳасан Шозилий роҳимаҳуллоҳ. @arabicuz iOS | Android Instagram | Facebook | Twitter | Tiktok | Youtube

Эълон #hikmatlar 📚 Янги ва тўлдирилган 2- қисмли "Ҳикматлар энциклопедияси"- саодатга етакловчи ҳикматлар" китоби нашрдан чиқди Имом Шофеий раҳимаҳуллоҳ: «Ким илмни яхши кўрмаса, унда яхшилик йўқдир», деганлар. Илмни яхши кўриш, уни ўрганишни яхши кўриш, уни ўргатувчи илм аҳли, устозларни яхши кўриш, албатта кишини яхшиликка элтади, саодатга етаклайди. Муҳтарам китобхонларимизга маълумки, 2008 йилда асос солинган arabicuz сайти ва каналида бериб бориладиган ҳикматлар асосида тайёрланган ва “Саодатга етакловчи ҳикматлар” аввал 4 та китоб ҳолида нашр этилган ва ундаги ҳикматлар сони 4000дан кўпроқни ташкил этарди. 🔖 Бугун сизларга тақдим этмоқчи бўлган хушхабаримиз шулки, "Munir" нашриёти томонидан устоз Анвар Аҳмад муаллифлигида "Ҳикматлар энциклопедияси"- саодатга етакловчи ҳикматлар" номида, янги кўриниш ва дизайнда, сараланган, тўлдирилган ҳикматлар 2 та катта китоб ҳолида нашр этилиб дунё юзини кўрди. Улар совғабоп қутига жойланган бўлиб, икки китобдан жой олган ҳикматлар сони 12500га яқинни ташкил қилади. Эътиборли жиҳати, ҳикматлар тўплами бундай шаклда илк марта нашр этилмоқда. Китоб айни дамда сотувга чиқди. Марҳамат, китоб дўконларига ташриф буюриб, ҳикматларни ўқишдан ҳузурланинг. @arabicuz iOS | Android Instagram | Facebook | Twitter | Tiktok | Youtube

13337. Ўлим олдидан шаҳодат(Лаа илааҳа иллаллоҳ)ни талаффуз қилиш на садақа ва на омаддир. Балки у хизматнинг (ҳаёт давомида Аллоҳ учун қилинган ибодат ва солиҳ амаллар) якуний мукофотидир. Унга эса фақат қабул аҳлигина эришади. @arabicuz iOS | Android Instagram | Facebook | Twitter | Tiktok | Youtube

Қалб 📜Гуноҳларда ҳаддан ошиш ва улардан тавба қилмасликнинг хатари Абу Ҳурайра розияллоҳу анҳудан ривоят қилинади: «Расулуллоҳ соллаллоҳу алайҳи васаллам: «Мўмин киши гуноҳ иш қилса, қалбида бир қора нуқта пайдо бўлади. Агар тавба қилиб, у гуноҳдан бутунлай қайтса, истиғфор айтса, қалби покланади. Агар (гуноҳга) қайтса, (қора ҳам) зиёда бўлади, ҳатто қалбини тўлиқ эгаллаб олади. Мана шу Аллоҳ азза ва жалла Қуръонда зикр қилган моғордир. «Йўқ! Уларнинг қилган касблари қалбларига моғор бўлиб ўрнашиб қолгандир»*, дедилар». Имом Аҳмад ва Термизийлар ривояти. *Мутоффифун сураси, 14 -оят. 🟢Ҳасан Басрий раҳимаҳуллоҳ: ««Роона» – моғор нима эканини биласизларми? Банда гуноҳ кетидан гуноҳ қилади, сўнгра гуноҳ кетидан гуноҳ қилади, ҳатто қалби ўлади», деди. Ибн Абу Дунёнинг "Тавба" асаридан. @arabicuz iOS | Android Instagram | Facebook | Twitter | Tiktok | Youtube

13336. Чин дўстлар, биродарлар эҳтиёж (қийинчилик) пайтида билинади. Чунки фаровонлик (енгиллик)да ҳамма одамлар дўстдир. Ибн Ҳиббон раҳимаҳуллоҳ, “Ровзатул ъуқало” асаридан. @arabicuz iOS | Android Instagram | Facebook | Twitter | Tiktok | Youtube

13335. Дунёнинг ғам-ташвишларидан халос бўлиш учун: *“Ҳасбияллоҳу лаа илааҳа иллаа ҳува ъалайҳи таваккалту ва ҳува роббул ъаршил ъазийми”. (7 марта ўқиш лозим) 🟢Жаннатга кириш учун: Ҳар намоздан сўнг “оятал Курсий”ни ўқиш лозим. 🟢Жаннатда бир уй бино бўлиши учун: Ихлос сурасини 10 марта ўқиш лозим. 🟢Жаннат хазинасига эга бўлиш учун: “Лаа ҳавла ва лаа қуввата илла биллаҳ” дейиш лозим. 🟢Жаннатда бир дарахт экилиши учун: “Субҳаналлоҳи, валҳамдулиллаҳи ва лаа илаҳа иллаллоҳу валлоҳу акбар”ни айтиш лозим. 🟢Жаннатда бир хурмо экилиши учун: “Субҳаналлоҳил ъазийми ва биҳамдиҳи”ни айтиш керак. Изоҳ: *Юқоридаги тавсияларнинг ҳар бирига ҳадисларда ривоятлар келган. @arabicuz iOS | Android Instagram | Facebook | Twitter | Tiktok | Youtube

Эълон 📚 Янги ва тўлдирилган "Ҳикматлар энциклопедияси"- саодатга етакловчи ҳикматлар" китоблари нашрдан чиқди Имом Шофеий раҳимаҳуллоҳ: «Ким илмни яхши кўрмаса, унда яхшилик йўқдир», деганлар. Илмни яхши кўриш, уни ўрганишни яхши кўриш, уни ўргатувчи илм аҳли, устозларни яхши кўриш, албатта кишини яхшиликка элтади, саодатга етаклайди. Муҳтарам китобхонларимизга маълумки, 2008 йилда асос солинган arabicuz сайти ва каналида бериб бориладиган ҳикматлар асосида тайёрланган ва “Саодатга етакловчи ҳикматлар” номи остида аввал 4 та китоб ҳолида нашр этилган ва ундаги ҳикматлар сони 4000дан кўпроқни ташкил этарди. 🔖 Бугун сизларга тақдим этмоқчи бўлган хушхабаримиз шулки, "Munir" нашриёти томонидан устоз Анвар Аҳмад муаллифлигида "Ҳикматлар энциклопедияси"- саодатга етакловчи ҳикматлар" номида, янги кўриниш ва дизайнда, сараланган, тўлдирилган ҳикматлар 2 та катта китоб ҳолида нашр этилиб дунё юзини кўрди. Китоблар совғабоп қутига жойланган бўлиб, икки китобдан жой олган ҳикматлар сони 12500га яқинни ташкил қилади. Эътиборли жиҳати, ҳикматлар тўплами бундай шаклда илк марта нашр этилмоқда. Китоб айни дамда сотувга чиқди. Марҳамат, китоб дўконларига ташриф буюриб, ҳикматларни ўқишдан ҳузурланинг. @arabicuz iOS | Android Instagram | Facebook | Twitter | Tiktok | Youtube

Ижобат 🌧 "Аллоҳ шундай Зотки, шамолларни юбориб, улар ила булутни қўзғатур ва у(булут)ни осмонда Ўзи хоҳлаганича ёюр ва бўлак-бўлак қилур, бас, унинг орасидан ёмғир чиқаётганини кўрурсан. Қачон у(ёмғир)ни Ўз бандаларидан хоҳлаган кимсаларга етказса, улар дарҳол шод бўлурлар. Ҳолбуки, устиларига (ёмғир) туширилишидан олдин, ҳа, ундан олдин мутлақо умидсиз эдилар", Рум сураси, 48, 49 - оятлар. @arabicuz iOS | Android Instagram | Facebook | Twitter | Tiktok | Youtube

13334. Азалдан бу ҳаётдаги маслаким шундай эди. Мен доим бир жойдан бошқа жойга кўчардим, тақволи ва пок устозни излаб юртлар оралаб сафар қилардим. Аллоҳга қасамки, ризқ масаласи ҳеч қачон хаёлимга ҳам келмасди. Қандай қилиб бу ҳақда сўрай (ўйлай) оламан, ахир Аллоҳ таоло айтади-ку: “Ер юзидаги жонзот борки, уларнинг ризқи Аллоҳнинг зиммасидадир. У уларнинг қароргоҳларини ҳам, сақланиб турадиган жойларини ҳам билур. Ҳаммаси очиқ-ойдин китобда бордир”, Ҳуд сураси, 6-оят. Шайх Аҳмад Фатҳуллоҳ Жомий. @arabicuz iOS | Android Instagram | Facebook | Twitter | Tiktok | Youtube

13333. Киши тонгда ўзининг Қуръон вирдини - ёд олиш ёки тиловат қилиш бўлсин, ҳамда тонги зикрларни айтишдан фориғ бўлмагунича алоқа воситалари, интернет тармоқларини очмасликка ўзини ўргатиши фиқҳул авлавиётдан ҳисобланади. Чунки тонгги ушбу оралиқ, фурсат энг қадрли, аҳамиятли вақтлардан бўлиб, уни чалғитадиган, зеҳнини паришон қиладиган ва вақтини ўғирлайдиган барча нарсадан четланган киши учун жуда катта фойдалар бўлади. Изоҳ: “Фиқҳул авлавиёт” - устун турадиган нарсалар фиқҳи ёки бирламчи масалалар фиқҳи деганидир. Яъни, шариатда устун турадиган нарсалар фиқҳига нисбатан қўлланиладиган атама. @arabicuz iOS | Android Instagram | Facebook | Twitter | Tiktok | Youtube

13332. Одам боласини йўлдан оздиришда Иблис(шайтон)нинг олти босқичи 1. Куфр, ширк ва Аллоҳ ва Унинг расулига қарши адоват қилиш. Иблис бунга муваффақ бўлолса, Одам боласидан қутулади ва уни залолатда қолдириб, унинг зиёнига ҳаракат қилишдан тўхтайди, дам олади. 2. Бидъат. Бу унга севимли маъсиятлардан. Чунки бу ҳолда унинг наздида диннинг бир қисми бўлиб кўринади ва шу сабабли у бундан тавба қилмайди. Яъни бидъат Иблис учун гуноҳдан кўра севимлироқ, чунки гуноҳдан тавба қилиниши мумкин, бидъатчи эса уни яхшилик деб билгани учун тавба қилишдан қолади. 3. Турли кўринишдаги улкан гуноҳлар, кабоирлар. Иблис ҳатто олим киши бўлсада бу гуноҳларга йўлиқтиришга қаттиқ ҳарис бўлади. Чунки буларнинг зарари кўп. 4. Кичик гуноҳлар. Кичик гуноҳлар бир жойга тўпланиб қолар экан, эгасини ҳалок қилади. 5. Мубоҳ ишлар билан чалғитиш. Оқибатида савоб ҳам, гуноҳ ҳам бўлмайдиган (рухсат берилган) амаллар билан банд қилиш. Бу амаллар билан инсонни машғул қилиб, унинг фойдасиз нарсаларга вақтини сарфлашига олиб боради. 6. Афзал амалдан камроқ афзал амалга чалғитиш. Энг яхши амални тарк эттириб, ундан (савобда) даражаси қуйироқ бўлган бошқа бир амал билан машғул қилиш. Бу эса инсонни улкан савобни қўлдан бой беришига ва ундан афзалроқ бўлган амални ўтказиб юборишига сабаб бўлади. Шайтон инсонни тўғри йўлдан адаштириш учун босқичма-босқич ҳаракат қилади: энг ёмони куфр, ширк, кейин бидъат, сўнг кабоир (катта гуноҳлар), кейин сағоир (кичик гуноҳлар), кейин мубоҳ ишлар ва ниҳоят (савоб, ажрда) энг афзал амалардан чалғитиб, ундан қуйидагилари билан овора қилдириш. @arabicuz

13331. Расулулулоҳ соллаллоҳу алайҳи васаллам: “Кимнинг руҳи уч нарсадан: кибрдан, ғулул(ўлжага хиёнат)дан ва қарздан холи бўлиб жасадидан ажраса, жаннатга киради”, дедилар. Ибн Можа ривояти. @arabicuz iOS | Android Instagram | Facebook | Twitter | Tiktok | Youtube

Тадқиқот 📜 Қуръони каримда баён қилинган сон-ададлар давоми... ⏺️200 сони. “Бас, агар сиздан юзта сабрли бўлса, икки юзтани енгадир”. Анфол сураси, 66-оят. ⏺️300 сони. “Ва каҳфларида уч юз йил қолдилар ва тўққиз йил зиёда ҳам қилдилар”. Каҳф сураси, 25 –оят. ⏺️1000 сони. “Уларнинг ҳаётга энг ҳирс қўйган одамлар эканлигини биласан. Мушриклардан бирлари минг йил умр кўришни суяди. Аммо узоқ умр кўриши уни азобдан қутқармайди”. Бақара сураси, 96-оят. ⏺️2000 сони. “Агар сиздан мингта бўлса, Аллоҳнинг изни ила икки мингтани енгадир”. Анфол 66-оят. ⏺️3000 сони. “Мўминларга: «Сизга Роббингиз туширилган уч минг фаришталар ила мадад бермоғи кифоя қилмайдими?!» деганингни эсла!” Оли Имрон, 124- оят. ⏺️5000 сони. “Агар сабр ва тақво қилсангиз, улар шу пайт келиб қолсалар ҳам, Роббингиз сизга белгили беш минг фаришта ила мадад беради”. Оли Имрон сураси, 125-оят. ⏺️50.000 сони. “Фаришталар ва Руҳ Унинг ҳузурига миқдори эллик минг йил бўлган кунда кўтариладир”. Маъориж сураси, 4-оят. ⏺️1.000.000 сони. "Ва уни юз минг ёки ундан кўпроққа Пайғамбар қилиб юбордик”. Ас- Саффот сураси, 147-оят. ⏺️2/3 (учдан иккиси). “Агар сингил иккита бўлса, улар марҳумдан қолганнинг учдан иккисини оларлар”. Нисо сураси, 176-оят. ⏺️1/2 (иккидан бири). “Агар қиз битта бўлса, унга ярми”. Нисо сураси, 11-оят. ⏺️1/3 (учдан бири): “Агар унинг боласи бўлмаса ва ота-онаси меросхўр бўлса, онасига учдан бир”. Нисо сураси, 11-оят. ⏺️1/4 (тўртдан бири): “Уларга сиз қолдирган нарсанинг–агар болангиз бўлмаса–чораги тегади”. Нисо сураси, 12-оят. ⏺️1/5 (бешдан бири): “...билингки, ўлжага олган нарсангиздан бешдан бири Аллоҳга, Расулига, яқинларига, етимларга, мискинларга ва мусофирларгадир”. Анфол сураси, 41-оят. ⏺️1/6 (олтидан бири): “Агар унинг ака-укалари бўлса, онасига олтидан бир”. Нисо сураси, 11- оят. ⏺️1/8 (саккиздан бири): “Агар болангиз бўлса, уларга сиз қолдирган нарсанинг саккиздан бири тегади”. Нисо сураси, 12- оят. ⏺️1/10 (ўндан бири): “Улардан илгари ўтганлар ҳам (Пайғамбарларни) ёлғончи қилган эдилар. (Булар) уларга берган нарсаларимизнинг ўндан бирига ҳам етганлари йўқ”. Сабаъ сураси, 45-оят. 📜Изоҳ: “Қуръони Карим ўзининг ҳидояти, қонун-қоидалари, услуби ва маънолари билан башариятни ожиз қолдирган, қолдириб келмоқда ва шундай бўлиб қолади. Чунки Қуръон башариятнинг ақли тараққий этган бир пайтда шу тараққиётга мос равишда нозил бўлди. Ҳар қандай соғ лом фикрли киши Қуръонни турли бузғунчи фикрлардан холи бўлган ҳолда ўрганса, албатта, унинг илоҳий мўъжизакор китоб эканини тан олиши турган гап. Муҳаммад соллаллоҳу алайҳи васаллам ҳаётдан ўтганларидан кейин ҳам Қуръон мўъжизакор ҳолида турибди ва қиёматгача тураверади”. (“Қуръон илмлари” китобидан). @arabicuz iOS | Android Instagram | Facebook | Twitter | Tiktok | Youtube

Тадқиқот 📜 Қуръони каримда баён қилинган сон-ададлар 1️⃣1 сони. “Ва илоҳингиз бир илоҳдир”. Бақара сураси, 163-оят. 2️⃣2 сони. “Туядан иккитани, қорамолдан иккини (пайдо қилди)”. Анъом сураси, 144-оят. 3️⃣3 сони. “Аёлларингиздан ҳайздан ноумид бўлганларининг иддаси, агар шубҳангиз бўлса, уч ойдир”. Талоқ сураси, 4-оят. 4️⃣4 сони. “Покиза аёлларга (бўҳтон) тоши отиб, сўнгра тўртта гувоҳ келтира олмаганларни...”. Нур сураси, 4-оят. 5️⃣5 сони. “...Ва: «Бештадирлар, итлари олтинчиларидир», деб ғайбга тош отарлар”. Каҳф сураси, 22-оят. 6️⃣6 сони. “Албатта осмонлару ерни олти кунда яратган, сўнгра Аршни эгаллаган Роббингиз кеча ила кундузни қоплайдир”. Аъроф сураси, 54 –оят. 7️⃣7 сони. “Унинг етти эшиги бордир. Ҳар бир эшик учун улардан тақсимланган бўлаги бордир» деди” . Ҳижр сураси, 44- оят. 8️⃣8 сони. “У сизларни бир жондан яратди. Сўнгра ундан жуфтини қилди ва сизларга чорва ҳайвонларидан саккиз жуфтни туширди”. Зумар сураси, 6-оят. 9️⃣9 сони. “..Фиръавн ва унинг қавмига қаратилган тўққиз мўъжиза орасида (бу бордир)...” Намл сураси, 12 –оят. 🔟10 сони. “Бас, унинг каффорати ўз аҳлингизни ўртача таомлантириш миқдорида ўнта мискинга таом ёки кийим бериш ёхуд бир қул озод қилишдир...” Моида сураси, 89-оят. ⏺️11сони. “Юсуф отасига: «Эй отажоним, мен ўн битта юлдузни ҳам қуёш ва ойни кўрдим, уларнинг менга сажда қилаётганларини кўрдим», деганини эсла”. Юсуф сураси, 4-оят. ⏺️12 сони. “У(тош)дан ўн иккита булоқ отилиб чиқди. Ҳамма одамлар ўз сувхонасини билди”. Бақара сураси, 160- оят. ⏺️19 сони. “Унинг устида ўн тўққизта (фаришта) бордир”. Муддассир сураси, 30- оят. ⏺️20 сони. “Агар сиздан йигирмата сабрли бўлса, икки юзтани енгадир”. Анфол сураси, 65- оят. ⏺️30 сони. “Ва унинг ҳомиласи ва кўкракдан ажратиши ўттиз ойдир”. Аҳқоф сураси, 15-оят. ⏺️40 сони. “Ва Мусо билан қирқ кечага ваъдалашганимизни, у (кетгани) дан сўнг золим бўлган ҳолингизда бузоқни (худо деб) тутганингизни эсланг! Ўшандан кейин сизни афв этдик. Шоядки шукр қилсангиз”. Бақара сураси, 51-52- оятлар. ⏺️ 50 сони. “Бас, у улар ичида эллик йили кам минг йил турди”. Анкабут сураси, 14- оят. ⏺️ 60 сони. “Ким (рўзага) қодир бўлмаса, олтмиш мискинни тўйғазсин. Бу (ҳукм) Аллоҳга ва Унинг Расулига иймон келтиришингиз учун”. Мужодала сураси, 4- оят. ⏺️70 сони. “Сўнгра етмиш қулочли занжирга киритинг уни!!!”. Ал Ҳааққаҳ сураси, 32-оят. ⏺️80 сони. “Покиза аёлларга (бўҳтон) тоши отиб, сўнгра тўртта гувоҳ келтира олмаганларни саксон дарра уринглар ва уларнинг гувоҳлигини абадий қабул қилманглар”. Нур сураси, 4- оят. ⏺️99 сони. “Мана бу - менинг биродарим. Унинг тўқсон тўққизта совлиғи бор”. Сод сураси, 23- оят. ⏺️100 сони. “Бас, Аллоҳ уни юз йил ўлдирди, сўнгра қайта тирилтирди”. Бақара сураси, 259- оят. давоми бор... Telegram | Instagram | Facebook | Twitter | Tiktok | Youtube