ግጥም ብቻ 📘

ደመናማ ገጾች. (የሞገሴ ልጅ) ምሽት እየጓጉ- ጭለማን ተግነው - ብርሃንን ሽሽት፣ ብዙዎች ኖረዋል, መታየት ፈልገው ጠልቷቸው መታየት። ደመናማ ገጾች- ተፈርተው መኖሩን - ከክብር ያልቆጠሩ፣ ጭለማን መዋያ፣ መጽናኛ አድርገው - ሲነጋ አደሩ። By @tafachgitm @getem @getem @getem

(የአብስራ ሳሙኤል) 1.... ተይው መች ተናግሮ ያቃል የልቡን ሀሳቡን ወንድ አይደለ እያነባ ይስቃል ደና ነኝ እያለ አለ መኖር ካሉት በእግዜር ምስጋና ቢኩሉት በፈገግታ ቢቀበር እንባ ወንድ አይደለ ይመስገነው ብሎ ገባ በትጨልምም በትዘምም ዙፋኑ ናት ጎጆው ..... ማጀቱ ቤቱ የጻፈበት ገድል የኑሮ ድል የወዝ ዋጋ የላብ ፍሬ ደና ነኝ ለዛሬ 2.... ተይው ወንድ አይደለ መች ደህና ሆኖ ያቃል ደህና ነኝ እያለ በገረባው በሲጃራው በእጣን ጢሱ የተረሱ መአት ብሶት የጭስ ለቅሶ አይን ያሟሿል ሌላን ደርሶ ሆድ አስብሶ ግን ግድ ነው ዛሬ የዱአ ከተገኘ ይመስገን ነው ደህና ነን ነው 3.... ተይው ወንድ አይደለ ባሬላ ጭኖ ኩንታል ተጭኖ መሪ ጨብጦ ከብቶች እረግጦ ባመጣት ሀሴት ላፈቀራት ሴት የ አበባ ጉንጉን የወግ የወጉን የወርቅ ሀብል የባዕድ መብል በርገር ቢዛ ማክያቶ ተገባብዞ ተጎንጭቶ ሩም ይዞ ባናት ባናት መዳራት ፍቅር መስራት ከሰመረ ገላዋን ካልሆነም ጸጸት ታቅፎ ትዝታ በውሀ አራግፎ ደህና ነኝ ነው ወንድ አይደለ የልቡን ጠባሳ የሚያወራ ማን ነው 4.... ተይው አትጠይቂው እንዴት ዋልክ እያልሽ ? ላትጸድቂ በነፍሱ ደህና ባይሆን እንኳ ደህና ነኝ ብቻ ነው የወንድ ልጅ መልሱ!   By @mad12titan @getem @getem @getem

ሁሉንም ነበረች አለሌም ጭምትም እሬትም ወተትም እሾህም በለስም በራድም ትኩስም አሳቢም ተግባቢም ሳቂታም ፡ አልቃሻም አሁን ምንም ነገር ለመሆን አትሻም። ኖራለች ከልቧ ስታልም ስትነካ ስትጨልም ስትፈካ ሲቆላት ሲደላት ሲከፋት ሲመቻት፥ ለምን እንደሆን እንጃ ሰው መሆን ሰለቻት!። © @mikiyas_feyisa @getem @getem @paappii

¯ ..‎ተስማምቶኛል  ፀሀይነቷ ‎መጥፋትን አልሻም ከፊትለፊቷ ‎ ያለርህራሄ  ብትወርድም በላዬ ‎ንዳዷ ጥሞታል ለውርጫም ገላዬ ‎ ‎ልዩ አረገችኝ ‎ቀየረች ፍጥረቴን ፣ ‎ከጥላ መሸሽ... ‎ከጥላ መጠለል አድርጋው ህይወቴን። by @yoseph_Gezahegn @getem @getem @paappii

ዘንባባን አስቀምጦ ከመናፍቅ ጉዞ ዘላለም መበጠር ፍቅር ሳያውቅ ኖሮ የካደ አንደበት ከህልሙ መስፈንጠር ሲቃዡ ነው ማደር ስርን ነቅሎ መኖር ስር ሰዶ መመንጠር የፍቅር እናት ክዶ በውሸት አብነት ዘላለም ማመስጠር   by @ygolaw16 @getem @getem @getem

ቁራኛ ዘመን ያላዳነኝ ያልፈታኝ ርቀት ተአምር ያላነጻኝ ያልፈወሰኝ ጥምቀት ከናፍቆት ሚነጥል የታጣልኝ ዳኛ እድሜ ይፍታህ ያሉት የፍቅር ምርኮኛ ሆንኩልሽ ቁራኛ።             By @poetkidus @getem @getem @paappii

ብታውቂ! *** ስትስቂ! ጠፈርን እንደምታደምቂ መንፈስን ካዚም እስራት እንደምታላቅቂ ብታውቂ! ስትስሚ! አጥንት እንደምታለመልሚ ታማሚ ልብ እንደምታክሚ ብታውቂ **** ስታወሪ! ዱዳ እንደምታናግሪ መነኩሴውን ከሱባዔ ፈላስፋውን ከጉባዔ እንደምትጠሪ ብታውቂ ! **" እንኳንስ በኔ ልትስቂ ከራስሽ ጋር ፍቅር ይዞሽ አይሽ ነበር ስትማቅቂ!!! By በውቀቱ ስዩም @getem @getem @paappii

( የድሮ ባሏ ) ========== እባክህ አምላኬ ተሰምቶ የማያውቅ ግለጥልኝ ቃላት የቀደመ ባሏ ደራሲ ነው መሰል የለም እኮ ያላላት  .... እርሱ አሐዱ ብሎ በሳመው ከንፈር ላይ እኔ እየደገምኳት ቃላት አሽሞንሙኖ የነገራትን ፍቅር እኔ እያስታወስኳት መሰረት በጣለው ስውር ርስቱ ላይ ሠርክ እየደከምኩኝ ልቧ ላይ ምንኖረው እርሱ እየደመቀ እኔ እየፈዘዝኩኝ !! By @Kiyorna @getem @getem @paappii

ይህ ቀዥቃዣ ዝናብ ገላሽን ይንካና ወዮለት ሰማዩ ወዮለት ደመና ። ወፍ አይዘምርልሽ ዛፍ አያስጠልልሽ በቃ እኔ አለሁልሽ ። ደግሞ ይሄን እወቂ ሆዴ እንደሚበላኝ ካለ እኔ ስትስቂ እንቅልፍ እንደማጣ በፀሐይ ስትፈኪ ምራቄ እንደሚመር በእግዜር ስትመኪ ። እኔ ነኝ ጠባቂሽ እኔ ነኝ ደስታሽ እኔ ነኝ ፈገግታሽ ሁሉንም የምሆን እግዜር አላህ ሰማይ ንፋስ ውሃ ድንጋይ ያንቺ ብቻ አገልጋይ ያንቺ ብቻ ታጋይ ። ክነፍ በዪኝ ልክነፍ እረፍ በዪኝ ልረፍ ብቻ ደስታሽ ሁሉ በእኔ በኩል ይለፍ ። By Hab Hd @getem @getem @paappii

ሰው ነበርኩኝ ተወለድኩኝ (ከመሀፀን ወደኩኝ ) አለቀስኩኝ (ሀዘን ገባኝ ሰው ፈለኩኝ ) አፌን ከፈትኩ (የሆድ ጥልቀት አወኩ ) በቃኝ አልኩ ( በእድሜ ሰከንኩ ) ጠረን ለየሁ ( ምቾት አየሁ ) ቋንቋ ለመድኩ (በቆፈሩት ወረድኩ ) መልክ ለየሁ (እኔን አወኩ  አዲስ ካየሁ ) አንተ ግን ለቤቴ ( እንግዳ ላጥንቴ ) ሆነህ የሩቅ ሩቅ (እንደ ዘመድ እንቅ ) ለምን አደረኩህ ....? ሴት ነበርኩኝ የተጣፈ እጣዬ ( ግልጥ ጎባጣዬ ) ሊያውም በእኛ መንደር ( እንቢ ነው መግደርደር ) እያለ ከሚረግጥ ( በዘመን ረመጥ ) በዘር ማን ዘር እሳት (የምትቃጠል ሴት) !!! ጨዋ እኮ ነበርኩኝ አፈነገጥኩልህ ( እራሴን ተውኩልህ ) ወፍ ሆንኩልህ ጫጩት (ሳይበር እንደ ቀጩት ) ረግጬ ህጌን (ገላምጬ ወጌን) ክር እኮ ነበረኝ የገባሁት ኪዳን ( የመነንኩለት ሀቅ በነፃ ለመዳን ) የወሰዳት ነፍሴን ( ያሳረፈኝ ምናብ ቆርጦ ግሳንግሴን ) ጌታ እኮ ነበረኝ የልቤ ጉልበቱ (ሰርክ መስዋእቱ ) የምገብርለት (ያደረገኝ ዐለት ) ብዙ ነኝ  የማላውቃት እኔ ( ተለየች ከጎኔ ) ወጣች አፈትልካ ( እኔን ላንተ ልካ ) እንደ ሰው .... (ሞትን እንድቀምሰው) እንደ ሴት ( እንዳምጥ  በምሬት ) እንደ ጨዋ ( እንድፈተን እንድሰዋ ) እንደ አማኝ (እንድቀበል ሳይቀማኝ ) እንደ ድኩም ( እንዲያነቃኝ ህማም ኩርኩም ) እንደ ብዙ (አንድ እንድሆን ጠፎ ጓዙ ) ህግ አዝዬ (ትምክት ልቤን እንዳይንጠኝ ) ተኝቼ እንድነቃ (አንተን መርጦ ሰጠኝ) (በእምነት ) @getem @getem @getem

መተያየት በዝምታ መተፋፈር ደግሞ ላፍታ መፈራራት ለማናገር ጉድ ሲቀለብ በጉድ ሀገር መተያየት ዝም ብቻ ፈገግ ማለት በፍራቻ ፍርሃት ፍርሃት ለፍቅር ቃል አላማውራት ያራርቃል ዮኒ      ኣትን @yonatoz @getem @getem @getem

ማር ወለላ ከከንፈሯ ውበት አላት ከምግባሯ ባነጋገር ምትቆርጥ ጥም ስትቀመስ የምትጥም ቅመሜ ናት ለመኖሬ የወስጥ ቁልፍ የሚስጥሬ ተፈጥሯዊ መልከ ሸጋ ቀን ሲጨልም የምትነጋ ባህሪዋ ወይናደጋ የተሰጣት ፍቅረ ፀጋ ከሷ       ጋ። ዮኒ      ኣታን @yonatoz @getem @getem @getem

ካለብኝ ጸባይ የግንባር ስጋ ነው እንደሚሉት አይነት ሆኖ ባህሪዬ ነገሬ ፊት ለፊት ቀጥታ መጥራት ነው ሰውን ተፈጥሮዬ አህያን አህያ ቅልን ቅል ብዬ😊😊 አንበሳን አንበሳ ቀፎውንም ቀፎ ብዬ የምጠራ ሁሉን በቀጥታ ምን ይሉኛል ብዬ ሳይኖረኝ ይሉኝታ🤷‍♀🤷‍♀   ተፈጥሮዬ ነዋ "ጦቢያ"✍እንደጻፈችው @getem @getem @getem

ሳትፈልጊ መስጠት ~ ፈልጎ እምቢ መባል አልለመደብሽም ፤ አጣሁ አልሸኝ እንጂ ~ አጣሁ የምትይው አልጎደለብሽም ፤ ትፈሪያለሽ እንጂ ~ ይታመምልሻል ያሳመመሽ ህመም ፤ የበደለሽ ሁሉ ~ ድሮ እንዳመለከሽ ፈፅሞ አይረሳውም ፤ እና ለኔ መውደድ ..? እና እምባ ከኔ ፊት..? ሀዘን ያጣላሻል ተይው ከመለኮት ... ! ሳትሞት አትተርፊም ግን ደግሞ ተርፈሻል ... እንኳን የኔ አይነት ሰው ሞት ይራራልሻል። @getem @getem @paappii By Natnael mulu

ግዴታ ሆኖ — ብለ፟ይሽ ባላይሽ — ዳግም  ደግሜ.... የማይሞላን ባዶ ጊዜ.... (የቀረኝን ግንጥል ዕድሜ....) በነፍስሽ ጠረን ትዝታ..... በመንፈስሽ እኖራለሁ ፤ (አልጥልሽም አራግፌ..) ተሸክሜሽ እዞራለሁ  ። • ባ`ካሌ — በስሱ ገላ... በፊቴ — ደግሞ በኋላ.... በጣቴ — ጫፎች አሻራ.... በራሴ — በፀጉሬ ስፍራ .... (ይዤሽ ነው — ዘመን ምሻገር !) በልቤ  በደሜ — ማገር ፥ በሆንኩት — በቀረኝ ነገር ። From: Charles Bokouski : “ Living on luck”¹ __ ¹ =....... ⁱᶠ ⁱ ⁿᵉᵛᵉʳ ˢᵉᵉ ʸᵒᵘ ᵃᵍᵃⁱⁿ ⁱ ʷⁱˡˡ ᵃˡʷᵃʸˢ ᶜᵃʳʳʸ ʸᵒᵘ ⁱⁿˢⁱᵈᵉ, ᵒᵘᵗ ˢⁱᵈᵉ ᵒⁿ ᵐʸ ᶠⁱⁿᵍᵉʳ ᵗⁱᵖˢ ᵃⁿᵈ ᵃᵗ ᵇʳᵃⁱⁿ ᵉᵈᵉᵍᵉˢ ᵃⁿᵈ ⁱⁿ ᶜᵉⁿᵗᵉʳˢ ᶜᵉⁿᵗᵉʳˢ ᵒᶠ ʷʰᵃᵗ ⁱ ᵃᵐ ᵒᶠ ʷʰᵃᵗ ʳᵉᵐᵃⁱⁿˢ By @Bekalushumye @getem @getem @getem

ሀቁን ሁሉም ሰው፡ ቢሸፍንም... ሰው ካለም ክፋት ፡ እንዳይማር በሴትነት ዘንድ የሚፈፀም ትልቅ ወንጀል ነው፡ አለማማር!። እንደ አምላክ በስም ባይመለክ ባይሰዋለት ዘቢብ ፣ እጣን ማንም ሸፋፍኖ የማይክደው ውበት በሰው ላይ አለው ስልጣን። መልኳ ያልገነነ ምትደንቅ ሴት ሀሳቧ አለሙን ቢያገናኝም በቆንጆ ልጅ ሳቅ ይሸፈናል ስባሪ ትኩረት ፡ አያገኝም፤ ምንም በህጉ ባይፀድቅ እንኳ ቃል በቃል ሰፍሮ በትዕማር ወደው እንዳረጉት የራስ ምርጫ ትልቅ ወንጀል ነው ፡ አለማማር!። by @mikiyas_feyisa @getem @getem @paappii

( ለሆነ ሰው ) ============= ሁላችንም .... ለሆነ ሰው መፈወሻ ለሆነ ሰው ድብቅ ህመም ለሆነ ሰው ጠባብ መንገድ ለሆነ ሰው ግዙፍ ዓለም የአንድ ስፌት ሁለት ህብር የአንድ ሳንቲም ሁለት ገጾች ለሆነ ሰው ክፉ መርገም ለሆነ ሰው በረከቶች ለሆነ ሰው መሸሸጊያ ለሆነ ሰው ራቁቶች ለፍርድ ቀን የማንመች ግማሽ ጥቁር ግማሽ ነጮች !!! By @Kiyorna @getem @getem @paappii

አንደበት ከእሩምታው በላይ እንደሀሳብ አታላይ ከድርብ ገለባ.... በስማ በለው ላይ ሰሚው ጆሮ ሊሰጥ አክብሮ ቢገኝም... በሀፍረት ባህር ውስጥ ሰጥሞ ቢኳትንም.... ተናግሮ አናጋሪ የዱር አጋፋሪ..... ስስ ልቡን ለሰጠው ጊዜ ቢታትርም ለማገዶው እንጂ ለቀን ለሌሊቱ... አይቆረጥለትም።           by ኢያሱ ከበደ                 ሚያዚያ 20 2017 ዓ.ም @getem @getem @getem

የሰዉ ልጅ የሰራዉ አብረቅራቂ መንገድ ሳይታክት ይወስዳል መዉሰዱ ሳይበቃዉ አዙሮ አዙሮ.... እዛዉ ይመልሳል እግዜር የፈጠረዉ የሰዎች ዘመን ግን አንድቀን ያበቃል ሳይታሰብ ያ  ል  ቃ  ል........... By ዔደን ታደሰ @ediwub @getem @getem

አገኘሁ ብሎ ቀልቡ 'ማይጠፋ አጣሁኝ ብሎ የማይከፋ እንድሆን አርጎ ጌትዬው ካጨኝ ብኖር ሸጋ ነው ፥ ብሞት አይቆጨኝ ። By Hab HD @getem @getem @paappii