Surxondaryo viloyati hokimligi

Surxondaryo viloyati hokimining bir kunlik ish faoliyati 16.12.2025-yil: ➖Termiz shahrida obodonlashtirish vazifalari belgilanib, loyihalar taqdimoti ko‘rib chiqildi; ➖Termiz tumanida mahalla infratuzilmasini yaxshilash bo‘yicha belgilangan vazifalar ijrosi o‘rganildi; ➖Sherobodda tadbirkorlikni rivojlantirish va aholi bandligini ta’minlash masalalari o‘rganildi; ➖"Kapa yurt" — investitsiya, ish o‘rinlari, eksport va tabiiy shifo imkoniyatlarini mujassam etgan loyiha. Surxondaryo.uz | Telegram | Facebook | Instagram | YouTube | X

Sun’iy yo‘ldosh tasvirlari Termizda yashil hududlar kengayganini ko‘rsatmoqda Sun’iy yo‘ldosh monitoringlari hamda ochiq manbalar tahlili Surxondaryo viloyati markazi — Termiz shahrida so‘nggi 5–10 yil davomida ijobiy ekologik o‘zgarishlar kuzatilganini tasdiqlamoqda. Xususan, yashil hududlar kengayib, daraxtzor maydonlar sezilarli darajada oshgan. Shaharning markaziy ko‘chalari, aholi yashash massivlari va yo‘lbo‘yi hududlarida amalga oshirilgan ko‘kalamzorlashtirish ishlari sun’iy yo‘ldosh tasvirlarida yaqqol namoyon bo‘lmoqda. Prezidentimiz tashabbusi bilan ishlab chiqilgan atrof-muhitni muhofaza qilishga qaratilgan davlat dasturlari, "Yashil makon" umummilliy loyihasi doirasida amalga oshirilayotgan ommaviy daraxt ekish aksiyalari, shuningdek yangi istirohat maskanlari va ekologik hududlarni barpo etish ishlari Termiz shahrida ekologik barqarorlikni mustahkamlamoqda. Natijada havodagi chang miqdori kamayib, shahar muhiti yanada sog‘lom, qulay va iqlimga moslashuvchan bo‘lib bormoqda. Shu bilan birga, irrigatsiya tarmoqlarini takomillashtirish, ichki kanal va ariqlarni muntazam tozalash, bog‘ va xiyobonlarni kengaytirishga qaratilgan ishlar yashil hududlarning uzoq muddat saqlanishini ta’minlamoqda. Bundan tashqari, shahar atrofida "yashil belbog‘"larning yaratilishi natijasida xalq orasida "Afg‘on shamoli" deb ataluvchi changli bo‘ronlar miqdori ham sezilarli darajada qisqargan. Jumladan, Surxondaryo viloyatida 2010-yilda shamol tezligi 15 metr/sekund va undan yuqori bo‘lgan kunlar 42 kunni, 2020-yilda esa 45 kunni tashkil etgan bo‘lsa, 2025-yilning o‘tgan davrida mazkur ko‘rsatkich 28 kungacha kamaygan. Xulosa qilib aytganda, mavjud ekologik xavotirlar fonida Termiz shahrida kuzatilayotgan ijobiy dinamika, xususan yashil hududlarning kengayishi, viloyatda atrof-muhitni muhofaza qilish yo‘nalishida amalga oshirilayotgan chora-tadbirlar samaradorligini yaqqol namoyon etmoqda. Surxondaryo.uz | Telegram | Facebook | Instagram | YouTube | X

"Kapa yurt" — investitsiya, ish o‘rinlari, eksport va tabiiy shifo imkoniyatlarini mujassam etgan loyiha Sherobod tumanida joylashgan "Xo‘jaikon" tuz g‘ori salohiyatidan zamonaviy yondashuvlar asosida samarali foydalanish, hududni iqtisodiy va turistik jihatdan rivojlantirishga qaratilgan qator loyihalar amalga oshirilmoqda. Xususan, "Kapa yurt" MCHJ tomonidan Germaniyaning mashhur "Bizayla" kompaniyasi bilan hamkorlikda umumiy qiymati 50 million AQSH dollariga teng bo‘lgan "Salomatlik turizmi" shaharchasi barpo etilmoqda. Bugun Surxondaryo viloyati hokimi Ulug‘bek Qosimov hududda barpo etilayotgan kapsula uylari, xizmat ko‘rsatish obyektlari qurilishi hamda kelgusida amalga oshirilishi rejalashtirilgan loyihalar bilan tanishdi. Mutasaddilar tomonidan loyihani amalga oshirish bosqichlari va rejalashtirilgan ishlar yuzasidan axborot berildi. Shuningdek, loyiha doirasida "UZSALT" brendi ostida ishlab chiqarilayotgan tuz mahsulotlari taqdimoti o‘tkazildi. Ishlarni jadallashtirish, ishlab chiqarish hajmi va mahsulot turlarini kengaytirish bo‘yicha tegishli tavsiyalar berildi. Bundan tashqari, Chorbog‘ mahallasida joylashgan "Toxirshoh ota" maqbarasi ziyorat qilinib, mas’ullarga qadamjoni obodonlashtirish, ziyoratchilar uchun qulay shart-sharoitlar yaratish vazifalari yuklatildi. Keyingi manzilda M-39 avtomagistral yo‘lining tuman hududidan o‘tgan qismi bo‘ylab turar joylar, mehmonxona, savdo hamda xizmat ko‘rsatish obyektlari qurish loyihalari ijrosi muhokama qilindi. Mas’ullar tomonidan loyihalarning amalga oshirilish holati bo‘yicha axborot berildi. Tumanga tashrif yakunida viloyat rahbari G‘urjak-1 mahallasida joylashgan, "Milliy bank" balansida bo‘lgan 23 gektar issiqxona majmuasida amalga oshirilayotgan ishlar bilan tanishdi. Avvalgi tashrifda berilgan topshiriqqa asosan, issiqxonada mahsulotlar yetishtirish yo‘lga qo‘yilib, hozirda ish o‘rinlari soni 250 taga yetkazilgan. Viloyat rahbari majmuaning qolgan foydalanilmayotgan qismlaridan ham samarali foydalanish bo‘yicha tavsiya va topshiriqlar berdi. Surxondaryo.uz | Telegram | Facebook | Instagram | YouTube | X

Sherobodda tadbirkorlikni rivojlantirish va aholi bandligini ta’minlash masalalari o‘rganildi Aholi bandligini ta’minlash, ijtimoiy himoyani kuchaytirish va kambag‘allikni qisqartirish davlat siyosatining ustuvor yo‘nalishlaridan biri hisoblanadi. Bu borada Surxondaryo viloyatida ham amaliy ishlar izchil davom ettirilmoqda. Bugun viloyat hokimi Ulug‘bek Qosimov Sherobod tumani Uchyog‘och mahallasida ushbu yo‘nalishda amalga oshirilayotgan ishlar bilan yaqindan tanishdi. O‘rganishlar davomida avval yagona ijtimoiy reestrda bo‘lgan, hozirda esa tadbirkorlik faoliyatini yo‘lga qo‘yib, ishsiz xotin-qizlarni tikuvchilikka o‘rgatish kursini tashkil etgan Nargiza Tursoatovaning o‘quv markazi faoliyati ko‘zdan kechirildi. Shuningdek, uy sharoitida konserva mahsulotlari ishlab chiqarish orqali xotin-qizlarni daromadli qilishga qaratilgan loyiha bilan tanishildi. Bandlik sohasi mutasaddilariga tadbirkor ayol bilan hamkorlikda to‘lov asosida 100 nafarga yaqin ishsiz xotin-qizlarni kasbga o‘qitish hamda shu orqali tadbirkorlik faoliyatini kengaytirish bo‘yicha aniq vazifalar yuklatildi. Shuningdek, yagona ijtimoiy reestrga kiritilgan oilani kambag‘allikdan chiqarish, mahallani ichimlik suvi bilan ta’minlashga qaratilgan loyihalar ijrosi ham o‘rganildi. Tashrif davomida viloyat rahbari Yangi yil bayrami munosabati bilan bolalarga sovg‘alar topshirdi. Bundan tashqari, mahallada tadbirkorlikni rivojlantirish dasturlari doirasida faoliyatini yo‘lga qo‘ygan "Uchyog‘och poshxurt" MCHJning polietilen quvurlar ishlab chiqarish korxonasi hamda "Toshpo‘latov Jo‘raniyoz" fermer xo‘jaligining chorvachilik kompleksi faoliyati bilan tanishildi. O‘rganishlar yakunida mahallada tadbirkorlikni yanada rivojlantirish, yangi ish o‘rinlari yaratish, aholi bandligini ta’minlash orqali kambag‘allikni qisqartirish bo‘yicha mas’ullarga aniq vazifalar belgilab berildi. Surxondaryo.uz | Telegram | Facebook | Instagram | YouTube | X

UzA | Termizda "Yangi O‘zbekiston" massiviga press-tur uyushtirildi Surxondaryo viloyati hokimiyati axborot xizmati jurnalist va blogerlar uchun Termiz tumanida barpo etilayotgan "Yangi O‘zbekiston" massiviga press-tur tashkil etdi. Prezidentimiz tashabbusi bilan aholini arzon va sifatli uy-joy bilan ta’minlash uchun mamlakatimizda barchaga zamonaviy infratuzilmaga ega "Yangi O‘zbekiston" massivlari bunyod etilmoqda. Press-tur ishtirokchilariga viloyat hokimining matbuot kotibi­ - axborot siyosati masalalari bo‘yicha maslahatchisi Murodbek Davlatov va qurilish kompaniyalari rahbarlari bu yerda amalga oshirilayotgan ulkan bunyodkorlik ishlari, aholining hayotidan rozi bo‘lib yashashi uchun yaratilayotgan sharoitlar to‘g‘risida ma’lumot berdi. Bosh reja loyihasi asosida foydalanishga topshirilgan turar-joy binolari bilan tanishdi. Ijtimoiy-iqtisodiy soha obyektlari haqida yetarli tasavvurga ega bo‘ldi. Batafsil: https://uza.uz/posts/796158 Surxondaryo.uz | Telegram | Facebook | Instagram | YouTube | X

Termiz tumanida mahalla infratuzilmasini yaxshilash bo‘yicha belgilangan vazifalar ijrosi o‘rganildi Xabar berilganidek, o‘tgan hafta Surxondaryo viloyati hokimi Termiz tumani Qahramon mahallasiga tashrif buyurib, "Yangi O‘zbekiston qiyofasidagi mahalla" konsepsiyasi asosida amalga oshirilayotgan infratuzilmani yaxshilash ishlari bilan tanishib, mutasaddilarga bosh reja asosida aniq vazifalar belgilab bergan edi. Bugun viloyat hokimi Ulug‘bek Qosimov mutasaddilar ishtirokida mahalla hududi bo‘ylab belgilangan vazifalar ijrosini o‘rgandi. Unda aholi turmush darajasini oshirishga xizmat qiluvchi infratuzilma ishlarini sifatli amalga oshirish, shuningdek, tadbirkorlik loyihalarini yo‘lga qo‘yish bo‘yicha tegishli ko‘rsatmalar berildi. O‘rganishlar davomida yo‘llarni ta’mirlash, kommunal tarmoqlarni yangilash, yo‘laklar barpo etish hamda aholini qiynab kelayotgan mavjud muammolarni hal etish yuzasidan aniq vazifalar belgilandi. Belgilangan chora-tadbirlar ijrosi kelgusi haftada yana bir bor qayta ko‘rib chiqilishi ta’kidlandi. Surxondaryo.uz | Telegram | Facebook | Instagram | YouTube | X

Termiz shahrida obodonlashtirish vazifalari belgilanib, loyihalar taqdimoti ko‘rib chiqildi Yangi yil bayramiga yuqori saviyada tayyorgarlik ko‘rish, aholiga bayramona kayfiyat ulashish maqsadida qator chora-tadbirlar amalga oshirilmoqda. Ushbu tadbirlar doirasida mahalla va hududlarni obodonlashtirish, tozalikni saqlash, chiqindilarni o‘z vaqtida olib chiqish ishlari muhim ahamiyat kasb etmoqda. Bugun Surxondaryo viloyati hokimi Ulug‘bek Qosimov Termiz shahridagi "Tinchlik" yoshlar sanoat va tadbirkorlik zonasida "mahalla yettiligi"ning viloyat boshqarmalari hamda shahar bo‘linmalari rahbarlari bilan ushbu yo‘nalishda amalga oshirilayotgan ishlar ijrosini muhokama qildi. Yig‘ilishda mahallalarda ishlarni manzilli va sifatli tashkil etish bo‘yicha mas’ullarning axborotlari tinglandi. Shuningdek, kompleks obodonlashtirish va sanitar tozalik tadbirlarini amalga oshirish, ko‘cha va xiyobonlarni bayramona bezash bo‘yicha aniq vazifalar belgilab berildi. Shundan so‘ng, Tinchlik mahallasi hududidagi kollektorning 1,2 kilometr qismini zamonaviy drenaj usulida yopish orqali hosil qilingan maydonda tadbirkorlik loyihalari qurilishi jarayoni o‘rganildi. Amalga oshirilayotgan loyihalar taqdimoti bilan tanishildi. Bundan tashqari, shu joyning o‘zida Markaziy bank va tijorat banklari rahbarlari tomonidan bo‘sh turgan bino va inshootlardan samarali foydalanishga doir takliflar taqdim etildi. Surxondaryo.uz | Telegram | Facebook | Instagram | YouTube | X

Axborot 24 | Prezidentimizning tashabbusi bilan Surxondaryoda ichimlik suvi ta’minoti tubdan yaxshilandi 📺 Rus tilidagi reportaj: https://youtu.be/4UIaKIWfm-k Surxondaryo.uz | Telegram | Facebook | Instagram | YouTube | X

Surxondaryo viloyati hokimining bir kunlik ish faoliyati 15.12.2025-yil: ➖Qish mavsumini xavfsiz o‘tkazish bo‘yicha kommunal tarmoqlarning moddiy-texnika bazasi taqdimot qilindi; ➖Bog‘cha va turar joylar qurilishi hamda favqulodda vaziyatlarning oldini olish bo‘yicha taqdimot o‘rganildi; ➖Termiz tumanida "Texno Park" qurilishi va Yangi yil bayramiga tayyorgarlik ishlari ko‘zdan kechirildi; ➖Press-tur: jurnalist va blogerlar Termiz tumanida barpo etilayotgan "Yangi O‘zbekiston" massivi bilan tanishdilar; ➖Angorda infratuzilmani yaxshilash va "yashil belbog‘" yaratish loyihalari ijrosi o‘rganildi. Surxondaryo.uz | Telegram | Facebook | Instagram | YouTube | X

Angorda infratuzilmani yaxshilash va "yashil belbog‘" yaratish loyihalari ijrosi o‘rganildi Bugun Surxondaryo viloyati hokimi Ulug‘bek Qosimov hududlarga tashrifini Angor tumanida davom ettirib, Kattaqum mahallasida infratuzilmani yaxshilash bo‘yicha belgilangan vazifalar ijrosi bilan tanishdi. Mahalla nuroniylari va faollari bilan o‘tkazilgan muloqot davomida amalga oshirilayotgan ishlar muhokama qilindi. Nuroniylar olib borilayotgan bunyodkorlik ishlaridan aholi mamnun ekanini ta’kidlab, qishloq aholisi turmush sharoitini yaxshilashga qaratilgan e’tibor uchun Prezidentimizga minnatdorlik bildirishdi. Ayni paytda mahallada yo‘llar va kommunal tarmoqlar holatini yaxshilash, aholiga zarur xizmatlar sifatini oshirish bo‘yicha amaliy ishlar olib borilmoqda. Xususan, yo‘llar yangidan asfaltlanib, ko‘chalarga tungi yoritish chiroqlari o‘rnatildi, shuningdek, salomatlik va veloyo‘laklar barpo etildi. Shundan so‘ng viloyat rahbari Qoraqir mahallasi hududida, avtomobil yo‘li bo‘ylab tanlab olingan 100 gektar adirlik maydonda "yashil belbog‘" yaratish loyihasi ijrosi bilan tanishdi. Mas’ullar bilan birgalikda daraxt ko‘chatlari ekilib, loyihani sifatli amalga oshirish, ko‘chatlarni parvarishlash va sug‘orilishini ta’minlash bo‘yicha tegishli vazifalar belgilab berildi. Surxondaryo.uz | Telegram | Facebook | Instagram | YouTube | X

Press-tur: jurnalist va blogerlar Termiz tumanida barpo etilayotgan "Yangi O‘zbekiston" massivi bilan tanishdilar Prezidentimizning tegishli qarorlariga muvofiq, aholini arzon va sifatli uy-joy bilan ta’minlash maqsadida yurtimizning barcha hududlarida to‘liq infratuzilmaga ega "Yangi O‘zbekiston" massivlari barpo etilmoqda. Jumladan, Surxondaryo viloyatining Boysun, Sariosiyo, Jarqo‘rg‘on, Angor hamda Termiz tumanlarida foydalanishga topshirilgan "Yangi O‘zbekiston" massivlaridagi zamonaviy uy-joylarda aholi to‘kin va osuda hayot kechirmoqda. Bugun Termiz tumani Yangiobod mahallasida barpo etilayotgan "Yangi O‘zbekiston" massividagi qurilish loyihalari bilan jamoatchilikni yaqindan tanishtirish maqsadida Surxondaryo viloyati hokimligi Axborot xizmati tomonidan ommaviy axborot vositalari vakillari, jurnalist va blogerlar uchun press-tur tashkil etildi. Press-tur davomida ishtirokchilarga 6 ming 280 xonadondan iborat 74 ta ko‘p qavatli uy, 2 ming 640 o‘rinli ikkita maktab, 420 o‘rinli ikkita maktabgacha ta’lim muassasasi, 200 qatnovga mo‘ljallangan oilaviy poliklinika hamda mahalla markazini o‘z ichiga olgan bosh reja loyihasi, shuningdek, hududda amalga oshirilayotgan bunyodkorlik ishlari va "Yangi O‘zbekiston" bog‘idagi loyihalar batafsil tanishtirildi. Tadbir yakunida Surxondaryo viloyati hokimi Ulug‘bek Qosimov ommaviy axborot vositalari vakillari, jurnalist va blogerlar bilan uchrashuv o‘tkazib, vohada amalga oshirilayotgan keng ko‘lamli bunyodkorlik va islohotlar xususida fikr almashdi. Surxondaryo.uz | Telegram | Facebook | Instagram | YouTube | X

🎄Yangi yil bayrami konsert tomoshalariga marhamat! Yangi yil bayramiga sanoqli kunlar qolmoqda. Shu munosabat bilan Surxondaryo viloyatida aholiga ko‘tarinki kayfiyat ulashish, bayram shukuhini yanada oshirish maqsadida yuqori saviyada konsert dasturlari tashkil etilmoqda. Joriy yilda viloyatning asosiy Yangi yil bayrami archasi Termiz tumanida barpo etilgan "Yangi O‘zbekiston" massivi amfiteatr maydoniga o‘rnatilib, 20–31-dekabr kunlari taniqli san’atkorlar ishtirokida bayram konsertlari namoyish etiladi. 📅 Konsert dasturlari jadvali: ⚫️20-dekabr — O‘zbekiston xalq artisti Gulsanam Mamazoitova; ⚫️21-dekabr — O‘zbekistonda xizmat ko‘rsatgan artist Ziyoda; ⚫️22-dekabr — Osman Navro‘zov; ⚫️23-dekabr — Gulinur; ⚫️25-dekabr — Hamdam Sobirov; ⚫️26-dekabr — Jasur Mavlonov; ⚫️27-dekabr — Janob Rasul; ⚫️28-dekabr — Sardor Mamadaliyev; ⚫️29-dekabr — Ulug‘bek Yo‘lchiyev; ⚫️30-dekabr — Sevinch Ismoilova; ⚫️31-dekabr — O‘zbekistonda xizmat ko‘rsatgan artist Jahongir Poziljonov ("Bojalar" guruhi). 📍 Manzil: Termiz tumani, Yangiobod mahallasi (sobiq ippodrom), "Yangi O‘zbekiston" massivi amfiteatri. Barcha vohadoshlarimizni Yangi yil bayrami munosabati bilan tashkil etilayotgan bayramona konsert dasturlariga taklif etamiz! Surxondaryo.uz | Telegram | Facebook | Instagram | YouTube | X

Termiz tumanida "Texno Park" qurilishi va Yangi yil bayramiga tayyorgarlik ishlari ko‘zdan kechirildi Ma’lum qilinganidek, Termiz tumanida barpo etilayotgan "Yangi O‘zbekiston" massiviga tutash hududda tadbirkorlik va ishlab chiqarish loyihalarini rivojlantirish maqsadida "Texno Park" qurilishi amalga oshirilmoqda. Bugun Surxondaryo viloyati hokimi Ulug‘bek Qosimov mazkur loyiha qurilishi bilan tanishib, mas’ullarning hisobotlarini tingladi. Qurilish ishlarini jadallashtirish, loyihaga innovatsion texnologiya va ishlanmalarni joriy etish, shuningdek, Xitoy tajribasini o‘rganib kelgan tadbirkorlarning tashabbuslarini amaliyotga tatbiq etish bo‘yicha tegishli vazifalar belgilab berildi. Shundan so‘ng, "Yangi O‘zbekiston" massivi hududida barpo etilgan 3 050 o‘rinli amfiteatr maydonida viloyatning asosiy Yangi yil bayram archasini o‘rnatish ishlari ko‘zdan kechirildi. Hududni bayramona bezash, turli ko‘ngilochar tadbirlar, bayram savdo yarmarkalari va ko‘rgazmalarini tashkil etish, taniqli san’atkorlar ishtirokida konsert dasturlarini o‘tkazish bo‘yicha topshiriqlar berildi. Shuningdek, shu joyning o‘zida "Zoom" platformasi orqali Termiz shahri va tumanlarda Yangi yil bayramiga tayyorgarlik ko‘rish, bayram archalarini o‘rnatish ishlarining borishi muhokama qilinib, mas’ullarga tegishli vazifalar yuklatildi. Surxondaryo.uz | Telegram | Facebook | Instagram | YouTube | X

Bog‘cha va turar joylar qurilishi hamda favqulodda vaziyatlarning oldini olish bo‘yicha taqdimot o‘rganildi Qish mavsumida aholini favqulodda vaziyatlar, xususan, yong‘in va is gazidan himoya qilish, shuningdek, bunday holatlarning oldini olish maqsadida Surxondaryo viloyatining barcha hududlarida amaliy ishlar olib borilmoqda. Bugun viloyat hokimi Ulug‘bek Qosimov qish mavsumiga tayyorgarlik doirasida kuch tuzilmalari va kommunal xizmatlar ixtiyoridagi maxsus texnikalarning shayligiga bag‘ishlangan taqdimot bilan tanishuvdan so‘ng, ko‘p qavatli turar joylarda favqulodda vaziyatlar yuz bergan taqdirda maxsus texnikalar hamda aholini evakuatsiya qilish uchun erkin harakatni ta’minlash holatini o‘rgandi. Favqulodda vaziyatlar boshqarmasi rahbariyati tomonidan mavjud to‘siqlar, ularni bartaraf etish bo‘yicha ko‘rilayotgan chora-tadbirlar hamda favqulodda vaziyatlarda quyi tizim tashkilotlarining o‘zaro hamkorlikdagi harakatlarini muvofiqlashtirish masalalari yuzasidan axborot berildi. Shuningdek, turar joylarda boshqaruv servis kompaniyalari tomonidan ko‘rsatilayotgan xizmatlar sifati ko‘zdan kechirildi. Liftlar va boshqa umumfoydalanuvdagi jihozlarning holati, shuningdek, hudud atrofining obodonlashtirilishi o‘rganildi. Aniqlangan kamchiliklar mas’ullarga ko‘rsatib o‘tilib, ularni bartaraf etish bo‘yicha aniq vazifalar belgilab berildi. Shundan so‘ng, 19-sonli davlat maktabgacha ta’lim tashkilotining 280 o‘rinli binosini rekonstruksiya qilish, "Amu sohillari" mahallasida 31 ta ko‘p qavatli turar joy barpo etish, ular atrofida zarur infratuzilmani yaratish hamda Respublika shoshilinch tez yordam ilmiy markazi viloyat filiali uchun qo‘shimcha binolar qurish ishlari o‘rganildi. Ushbu loyihalar yuzasidan mas’ullarga tegishli topshiriqlar berildi. Surxondaryo.uz | Telegram | Facebook | Instagram | YouTube | X

🗺 Termizda “Surxon yarim marafoni” o‘tkazildi Surxondaryo.uz | Telegram | Facebook | Instagram | YouTube | X

Qish mavsumini xavfsiz o‘tkazish bo‘yicha kommunal tarmoqlarning moddiy-texnika bazasi taqdimot qilindi Qish mavsumida kommunal xizmatlarni sifatli va barqaror ko‘rsatilishi, yo‘llar hamda ko‘p qavatli turar joylarni muzlamalardan o‘z vaqtida tozalash aholi xavfsizligini ta’minlash bilan birga, tarmoqlarning uzluksiz faoliyatini kafolatlaydi. Bugun Surxondaryo viloyati hokimi Ulug‘bek Qosimov favqulodda vaziyatlar tuzilmalari va kommunal soha tarmoqlarining qish mavsumini xavfsiz va barqaror o‘tkazishga tayyorgarligi doirasida qorli kunlarda yo‘llar hamda aholi turar joylarini tozalash ishlarida foydalaniladigan maxsus texnika va jihozlar bilan tanishdi. Tadbir davomida mas’ullar tomonidan ob-havoning keskin o‘zgarishlariga shaylik holati, moddiy-texnika bazasining ta’minlanishi hamda tarmoqlarda yuzaga kelishi mumkin bo‘lgan favqulodda vaziyatlarda hamkorlikda harakat qilish mexanizmlari bo‘yicha axborot berildi. Viloyat rahbari kuch tuzilmalari va sohalar mas’ullariga ob-havoning har qanday sharoitiga tayyor turish, aholi xavfsizligini birinchi o‘ringa qo‘yish, shuningdek, energiya resurslarining barqaror ta’minotini ta’minlash yuzasidan aniq vazifalarni belgilab berdi. Surxondaryo.uz | Telegram | Facebook | Instagram | YouTube | X

🇺🇿 Har bir ma’lumot — taraqqiyot uchun xizmat qiladi! Dilorom Abdualimova - aktrisa Surxondaryo.uz | Telegram | Facebook | Instagram | YouTube | X

Termizda O‘zbekiston Respublikasi Qurolli Kuchlari 34 yilligi munosabati bilan “Milliy armiya – ona yurt qalqoni, tinchlik posboni” shiori ostida tadbirlar o‘tkazildi Surxondaryo.uz | Telegram | Facebook | Instagram | YouTube | X

Qishloq xo'jaligi xodimlari kuni munosabati bilan Surxondaryo viloyati hokimi Ulug‘bek Qosimovning aholiga murojaati Surxondaryo.uz | Telegram | Facebook | Instagram | YouTube | X