PORTAL24 | Расмий канал

Навоий вилоятидаги автосервисларнинг бирида нохуш ҳодиса юз берди. Автомобилига техник хизмат кўрсатиш учун келган мижознинг эҳтиётсизлиги оғир оқибатларга олиб келди. Мижоз автомобиль бошқаруви вақтида педалларни адаштириб юборган. Газ тепкисининг кескин босилиши натижасида машина катта тезликда олдинга ҳаракатланган. Шу ерда ишлаётган уста кутилмаган зарб оқибатида автомобиль ва девор орасида қисилиб қолган. Ҳайдовчининг эътиборсизлиги сабабли бир инсон оғир тан жароҳати олди. Ҳозирда мазкур ҳолат юзасидан суриштирув ишлари олиб борилмоқда. Ҳурматли ҳайдовчилар! Автосервис ҳудудларида ва техник кўрик жараёнларида хавфсизлик қоидаларига қатъий риоя қилишингизни сўраймиз. Бир лаҳзалик эътиборсизлик инсон ҳаётига зомин бўлиши мумкин.

2026 йил 1 январдан тарифлар 4 баробарга яқин кўтарилади, компенсация лимити 80 млн сўмгача оширилади. Тошкент: енгил авто — 192 000 сўм юк авто — 336 000 сўм Вилоятлар: енгил авто — 160 000 сўм юк авто — 280 000 сўм Ҳозирча эски нархда расмийлаштириш мумкин.

Тошкент вилоятида ўзини ИИО ходими деб таништириб, товламачилик қилиб пул ундирганлар ва қиморхона аниқланди. Бу ҳақда вилоят Ички ишлар бош бошқармаси хабар қилди. Қайд этилишича, жорий йил ноябрь ойида Чирчиқ шаҳрида икки нафар шахс фуқаро Р.Ҳ.га ўзларини ИИО ходими сифатида таништириб, уни жиноятда айблаш ҳамда иш жойига хабар бериш билан қўрқитишган. Улар фуқаронинг яшаш хонадонига бостириб кирган ва ундан пул талаб қилган.

Ўзбекистонда 2025–2027 йилларга мўлжалланган пластик чиқиндиларни камайтириш бўйича миллий дастур ишлаб чиқилмоқда. Ушбу режага мувофиқ, 2027 йилдан бошлаб пластик пакетларни ишлаб чиқариш, импорт қилиш ва фойдаланиш тақиқланиши мумкин. Шу билан бирга, атроф-муҳитга зарарсиз бўлган биологик парчаланувчи пакетлардан фойдаланишни кенг тарғиб қилиш кўзда тутилган.

Тожикистонлик аралаш жанг санъати устаси Дилшод Норқўзиев (6-1) ўзбекистонлик Аббос Ҳайдаров (4-1) устидан қозонган ғалабасини Россияда ҳалок бўлган 10 ёшли Қобилжон Алиевга бағишлади.

Бугун 20 декабр куни тахминан соат 16:56 ларда 55-йўналишда ҳаракатланадиган автобус ҳайдовчиси Сергели туманида темир йўл кесишмасида поезд ўтаётганлиги сабабли автобусни тўхтатиб турган. Шу вақтда унинг орқасида тўхтаб турган 126-бўлган автобус ҳайдовчиси транспортни қўл тормозига қўймасдан пастга тушиб автобус олдига ўтганида автобус ўз инерсияси билан юриб кетиши оқибатида ҳайдовчи сиқилиб қолиб, воқеа жойида вафот этган.

Деҳлига йўл олган поезднинг филлар галаси билан тўқнашиб кетиши оқибатида 7 та фил ҳалок бўлган, биттаси жароҳатланган. Ҳодиса Ассам штатидаги филлар учун мўлжалланган йўлак бўлмаган жойда содир бўлган. Тўқнашув бешта вагоннинг релсдан чиқиб кетишига сабаб бўлган, жабрланганлар бўлмаган.

Фарғона шаҳрида фуқароларнинг тинчини бузиб, ички ишлар органи ходимларига қаршилик кўрсатган аёллар жазоланди. Бу ҳақда вилоят Ички ишлар бошқармаси хабар берди. Маълум бўлишича, жорий йилнинг 29 ноябрь куни Фарғона шаҳар, “Шакорқишлоқ” маҳалласи Тарона кўчасида соат тонги 04:00 ларда 2003 йилда туғилган фуқаро М.Ғ. ва 2004 йилда туғилган Ф.О. (видеотасвирдаги аёллар) спиртли ичимлик истеъмол қилиб, маст ҳолатда шу ҳудудда яшовчи фуқароларнинг тинчини бузаётгани аниқланган. Ушбу шахсларни тинчлантириш мақсадида етиб борган ИИО ходимларининг қонуний талабларини бажармасдан фаоли қаршилик кўрсатган. Билдирилишича, мазкур ҳолат юзасидан юқоридаги шахсларга нисбатан Маъмурий жавобгарлик тўғрисидаги кодекснинг 183-(майда безорилик) ва 194-моддаларига (ички ишлар органлари ходимининг қонуний талабларини бажармаслик) асосан маъмурий баённомалар расмийлаштирилиб, тегишли суд органига юборилган.

Ўзбекистон Президенти Шавкат Мирзиёевнинг Японияга расмий ташрифи якунига етди. Давлат раҳбари Санкт-Петербургда бўлиб ўтадиган Евросиё Олий иқтисодий кенгашининг йиғилиши ва МДҲ етакчиларининг норасмий саммитида иштирок этиш учун амалий ташриф билан Россияга жўнаб кетди.

Ўзбекистон Президенти Шавкат Мирзиёев шарафига “Кантей” қароргоҳида Япония парламенти аъзоси Санаэ Такаичи номидан қабул маросими уюштирилди. Тадбирда икки мамлакат расмий делегациялари аъзолари, ишбилармон доиралар ҳамда жамоатчилик вакиллари ҳам иштирок этди.

Россиянинг Ростов вилоятидаги жазони ижро этиш колониясида ИШИД тарафдори бўлган уч нафар Ўзбекистон фуқароси террорчилик ҳужумини режалаштирганликда гумонланмоқда. Маълум қилинишича, улар колония ходимларини гаровга олиш ва биноларга ўт қўйишни кўзлаган. Бироқ ҳуқуқни муҳофаза қилувчи органлар томонидан ўз вақтида чора кўрилиб, режа амалга оширилмаган. Гумонланувчилардан бири қотиллик, иккинчиси гиёҳванд моддалар муомаласи, учинчиси эса соғлиққа оғир қасддан зарар етказиш жиноятлари учун жазо ўтаётган бўлган.

Японияда Президент Шавкат Мирзиёев ректорлар билан учрашувдан чиқиб, навбатдаги тадбир томон йўл олар экан, йўлакда турган журналистлардан: «Чарчамайапсизларми?» деб ҳол сўради.

Ўзбекистон Республикаси Президенти Шавкат Мирзиёев 24 декабрь куни 64 ёшга тўладиган Илҳом Алиевга табрик мактубини йўллади. “Азиз дўстим, ҳаётингиздаги ушбу қувончли ва унутилмас сана муносабати билан Сизни яна бир бор самимий қалбдан табриклаб, Улуғ Тангридан Сизга мустаҳкам соғлик, оилавий бахт-саодат, мамлакатингиз тинчлиги ва фаровонлиги йўлида олиб бораётган масъулиятли давлат фаолиятингизда янги-янги ютуқлар, қардош Озарбайжон халқига эса тинчлик, осойишталик ва барқарор тараққиёт тилайман”, дейилади табрик якунида.

Янги қарорга кўра, Миллий университети ҳузурида Назарий физика институти ташкил этилади. Институтнинг асосий вазифалари этиб назарий физиканинг квант майдон назарияси, субатом физика, ночизиқли физика, гравитатсион майдон назарияси, квант тармоқлар ҳамда динамик тизимлар йўналишларида илмий анжуманлар ташкил этиш белгиланган.

Буюк Британия Бош вазири Абрамовични «Челси» ни сотишдан олинган маблағларни тўлиқ Украинага ўтказиш билан таҳдид қилди: "Абрамовичга йўллаган хабарим: вақт тугаяпти. Ўз зиммасига олган мажбуриятни бажариб, дарҳол пул ўтказиб беринг. Акс ҳолда, биз судга мурожаат қилишга тайёрмиз, шунда бу маблағларнинг ҳар бир пенси Путиннинг ноқонуний уруши туфайли ҳалок бўлган одамларга етказилади", деган у.

Пахтаобод туманида яшовчи фуқаро онасининг тиббиёт бирлашмасида иш вақтида олган тан жароҳати оқибатида вафот этганлиги юзасидан Камбағалликни қисқартириш ва бандлик бошқармаси раҳбари номига мурожаат қилган. Мурожаатга асосан Пахтаобод тумани тиббиёт бирлашмасига нисбатан даъво киритилган. Суд қарорига кўра, жавобгар ташкилот ҳисобидан даъвогар фойдасига 793 млн 643 минг сўм миқдорида бир марталик нафақа ундирилган.

Бугун, 20 декабрь куни Тошкент шаҳрининг Яшнобод туманида «Ласетти» ва «Нексия-3» автомашиналари тўқнашиб кетди. Ҳодиса оқибатида «Нексия-3» автомобилида бўлган йўловчи вафот этган. Ҳайдовчиларга шифокорлар томонидан биринчи тиббий ёрдам кўрсатилган. Мазкур ҳолат юзасидан жиноят иши қўзғатилган. Ҳозирда тергов ишлари олиб борилмоқда.

Унда барча қурилаётган объектлар уч тоифага ажратилган: 🔴 қизил — қурилиши тўхтатилган; 🔵 кўк — қурилиш жараёнида бўлган; ⚫️ қора — музлатилган (бекор қилинган) қурилиш лойиҳалари. Фойдаланувчилар объектларни кадастр маълумотлари орқали қидиришлари, шунингдек, йўналишлар бўйича саралашлари мумкин.

Энтони Жошуа Жейк Полга қарши жангнинг 6-раундида кучли зарба билан рақибини нокаутга учратди. Аноним манбалар маълумотига кўра, ушбу жанг учун умумий мукофот пули 184 миллион долларни ташкил этган. Бу сумма тенг тақсимланиб, ҳар бир боксёр 92 миллион доллардан ишлаб топган. Таққослаш учун, Терренс Кроуфорднинг Сауль Альваресга қарши жангдаги мажбурий гонорари 10 миллион доллар бўлган, умумий даромади эса 50 миллион долларни ташкил этган.

Кўчаларда люкс спорткарлар сузиб юрибди, пляжларда эса ҳамма нарса сочилиб кетган. ОАЭда табиат офат бир неча кун буён давом этяпти. Аввал қум бўрони бўлган, кейин эса кучли жала ёмғирлар бошланган. Маҳаллий аҳоли масофавий ишга ўтказилди, сайёҳлар тиззагача сувда юрибди, боғлар ва пляжлар ёпилган.