Еўрарадыё | Еврорадио

У Вільні пачынаецца прэс-канферэнцыя палітвязняў, вызваленых 13 снежня. Ёсць анлайн-трансляцыя — і мы нават перанеслі з 13:00 па мінскім часе свой стрым, каб вы змаглі яе паглядзець. Да журналістаў выйдуць палітвязні, якія пасля прымусовай дэпартацыі з Беларусі ва Украіну праз Польшчу дабраліся да Літвы. Прагучаць пытанні і ад @euroradio. Глядзіце тут: https://youtube.com/live/6xBcgIQ-vAo

Ільхам Аліеў не прыехаў на сённяшні саміт кіраўнікоў краінаў СНД у Санкт-Пецярбургу. Хаця ў Крамлі яго чакалі. Прэзідэнт Азербайджана спаслаўся на "шчыльны працоўны графік". Канфлікт паміж Масквой і Баку пачаўся з крушэння самалёта "Азербайджанскіх авіяліній" 25 снежня 2024 года. Фармальнае "пацяпленне" адбылося ў кастрычніку 2025-га — калі Пуцін падчас сустрэчы з Аліевым у Таджыкістане нарэшце прызнаў, што борт зачапіла расійская сістэма СПА. Тым не менш, напружанасць у адносінах захоўваецца.

Мінская фабрыка "Грай" вырабяе ёлачныя цацкі "з савецкага мінулага". Кажуць, трапілі ў трэнд на настальгію: "Цяпер вельмі папулярныя цацкі з савецкага дзяцінства. Набудзеш такія — і мільён цёплых успамінаў разблакаваныя". Штогадовы топ продажаў — снегіры. Але ёсць і савецкая паштовая марка, і тэлевізар з "Ну, погоди!", і маскоўскі ГУМ з Чырвонай плошчы — разлік, відавочна, у тым ліку і на турыстаў з усходу. Як вам?

Каго глядзець/слухаць сёння на @euroradio? Трымайце анонс эфіраў на панядзелак (час пазначаны беларускі): 14:00 — экспертка па міжнароднай палітыцы Роза Турарбекава 15:00 — вялікая размова Змітра Лукашука з лідаркай дэмакратычных сілаў Беларусі Святланай Ціханоўскай 16:00 — спікер Каардынацыйнай рады Арцём Брухан Глядзіце стрымы на ютуб-канале Еўрарадыё, задавайце пытанні!

Героі года — збор вашых намінацый скончаны! Мы шчыра дзякуем усім, хто прапаноўваў свае варыянты, і часам нават з абгрунтаваннем! Разам з тым, мы заўважылі некалькі хваляў укідаў на карысць дваіх намінантаў. Часам іх прапаноўвалі па 8 разоў запар з інтэрвалам менш за хвіліну. Мы праверылі даныя з дапамогай NotebookLM і выключылі анамаліі з агульнага падліку (глядзіце графік). На фінальны спіс герояў года ўплывае не толькі колькасць галасоў. Мы абмяркуем намінантаў у рэдакцыі — бо атрымалі ад вас у тым ліку не відавочныя, але вельмі цікавыя прапановы. Чакайце вынікаў у наступны панядзелак, 29 снежня!

Дваім беларускім пілотам дазволілі пакінуць Туніс. Разам з некалькімі расіянамі іх тры дні ўтрымлівалі ў аэрапорце на выспе Джэрба. Экіпаж пераганяў вайсковы верталёт Мі-26 ва Уганду: https://euroradio.fm/belaruskim-lyotchykam-dazvolili-pakinuc-tunis З Беларусі — без VPN

"Белсат" пакажа вялікі навагодні канцэрт з удзелам Мікіты Мелказёрава і яго апошнія інтэрв'ю, запісаныя на мінулым тыдні для праекта "Мова нанова". У тым ліку і святочную размову з Лявонам Вольскім. Пра гэта расказала галоўная рэдактарка канала Аліна Коўшык. "Мы прынялі рашэнне паказаць усе гэтыя выпускі ў эфіры. З павагі і памяці — нічога не мяняць у сцэнары. Працягнуць справу, якой жыў Мікіта. Таму ў навагоднюю ноч ён таксама будзе з намі. Светлая памяць", — дадае яна. Мелказёраў раптоўна пайшоў з жыцця ўночы на 21 снежня. Сябры блогера кажуць пра праблемы з сэрцам. Дакладнай інфармацыі пра прычыны смерці пакуль што няма.

На поўдні Масквы выбухнуў аўтамабіль з расійскім генералам за стырном. Вайсковец загінуў. Kia Sorento выбухнула прыкладна ў 6:55 пасля таго, як кіроўца сеў у яе і праехаў некалькі метраў. Ён выжыў, але атрымаў кантузію і цяжкія раненні, ад якіх пазней сканаў. Спярша ўкраінскія, а пасля і расійскія тг-каналы паведамілі, што ахвярай выбуху стаў генерал-лейтэнант Фаніл Савараў — начальнік упраўлення аператыўнай падрыхтоўкі Узброеных сіл РФ. Раней ён ваяваў у Чачні і ў Сірыі. Інфармацыю пра гібель Саварава пацвердзіў Следчы камітэт Расіі — там пачалі крымінальную справу. Прычынай здарэння называюць выбуховую прыладу, закладзеную пад дно аўтамабіля.

"Дзякуй за беларушчыну!". Дзве тысячы ахвяраванняў за няпоўныя суткі зроблена на карысць сям'і Мікіты Мелказёрава. Шмат хто пакідае словы ўдзячнасці блогеру і спачування яго блізкім людзям. Збор працягваецца тут: buymeacoffee.com/mikita_melkaziorau Мелказёраў нарадзіўся ў Расіі, але з пяці гадоў жыў у Беларусі. Скончыў журфак БДУ і пачынаў як спартовы журналіст, але перайшоў на "Анлайнер" і стаў пісаць і на іншыя тэмы. У 2019-м, калі яму быў 31 год, напісаў першы артыкул па-беларуску. А ў 2021-м амаль цалкам перайшоў на беларусую мову і з таго часу шмат рабіў для яе папулярызацыі. Яго інтэрв'ю з выбітнымі беларусамі і іншыя праекты штомесяц збіраюць сотні тысяч праглядаў на YouTube.

Больш за 1400 парушэнняў паветранай прасторы. Камандуючы вайскова-паветранымі сіламі і войскамі супрацьпаветранай абароны Андрэй Лук'яновіч расказаў па дзяржТБ, што беспілотнікі ў вялікіх колькасцях працягваюць залятаць у Беларусь. Паводле генерала, вайскоўцы збіваюць іх — "у тым ліку з баявым ужываннем". Таксама Лук'яновіч намякнуў, што Украіна адмыслова запускае дроны па тэрыторыі Беларусі. На пытанне: "А з якога, у асноўным, напрамку хочуць патрывожыць нас?" — ён адказаў: "З паўднёвага ў асноўным".

“Я разумею, што, магчыма, ніколі не вярнуся дадому. Але гэта не значыць, што я мушу рабіць нічога”. Так Мікіта Мелказёраў адказаў на пытанне Юрыя Дудзя, калі напачатку 2022 года расійскі блогер запісваў яго для дакументальнага фільма пра беларусаў у эміграцыі. Мелказёраў на той момант займаўся праектам ”жыццё-маліна”, наперадзе былі “Загляне сонца”, “Нешта будзе” і “Мова нанова” — кавалачкі таго самага якаснага беларускамоўнана YouTube, у развіцці якога ён бачыў сэнс. Уночы на 21 снежня 2025-га блогер раптоўна пайшоў з жыцця.

Адмененая берлінская канферэнцыя Віктара Бабарыкі і Марыі Калеснікавай, запланаваная на аўторак. Вызваленым лідарам 2020 года патрэбны час на ўзнаўленне і камунікацыю з блізкімі, тлумачаць арганізатары. Яны абяцаюць вярнуцца пасля Новага года “з фарматам, які дазволіць забяспечыць максімальна шырокі ўдзел усіх ахвочых”.

Апошняя перамога Мікіты Мелказёрава — у намінацыі “Блогер года” на прэміі “Кнопка-2025”. Стваральнік і вядоўца праектаў “жыццё-маліна” і “Загляне сонца” далёка апярэдзіў іншых намінантаў. Цяпер галасаванне спыненае — з павагі да блогера, які раптоўна пайшоў з жыцця ўночы на 21 снежня.

Мікіта Мелказёраў выдаткоўваў шмат часу і высілкаў на тое, каб папулярызаваць беларушчыну. А якая была яго нацыянальная ідэя? @euroradio запытвала ў яго: https://www.youtube.com/watch?v=UJ4r5yXWuEU

Памёр журналіст Мікіта Мелказёраў. Спачуванні родным.

Памёр Мікіта Мелказёраў. Пра гэта паведамляе яго сябра, журналіст Аляксандр Івулін ( дапаўняецца)

Яшчэ ў адной калоніі прыдумалі, як зрабіць жыццё вязняў больш нязручным. Цяпер уводзяцца негалосныя абмежаванні па вопратцы. Трэба будзе набываць "сваё": https://euroradio.fm/u-magilyouskay-pk-15-zabaronyac-turemnae-adzenne-pashytae-u-atele З Беларусі — без VPN

Пад Новы год у Тэатры беларускай драматургіі пакажуць “Ладдзю роспачы”. Пастаноўка прымеркаваная да 95-годдзя са дня нараджэння Уладзіміра Караткевіча. "Метафарычная прастора глыбінных сэнсаў": https://euroradio.fm/laddzyu-rospachy-pa-karatkevichu-pakazhuc-u-rtbd З Беларусі — без VPN

Прэзідэнты і рок-зоркі. Каго знайшлі ў новых дакументах па справе Эпштэйна? Мінюст ЗША "згубіў" некалькі фотаздымкаў — застаецца толькі здагадвацца, хто ж на іх мог быць: https://euroradio.fm/prezidenty-i-rok-zorki-kago-znayshli-u-novykh-dakumentakh-pa-sprave-epshteyna З Беларусі — без VPN