DUNYO XABARLARI

Бурак Ўзчивит: Босфор бўғозидаги мушакбозлик шоуси Янги йилга завқ бағишлайди Турк сериаллари юлдузи, таниқли актёр Бурак Ўзчивит оиласи билан Янги йилни қандай нишонлашини сўзлаб берди. Унинг таъкидлашича, кун тартиби қанчалик тиғиз бўлишига қарамай, байрамни оиласи ва дўстлари даврасида ўтказади.

“Мен жудаям меҳнаткашман, ҳаттоки якшанба кунлари ҳам дам олмайман. Лекин Янги йил куни албатта ота-онам, оилам, яқинларим билан бирга бўламан”, деди актёр.

Санъаткорнинг айтишича, Туркияда ҳам Янги йил байрами кенг нишонланади. Байрам арафасида қариндошлар ҳолидан хабар олиш, яқинларга совғалар улашиш одат тусига айланган. “Турклар салютларни томоша қилишни яхши кўради. Шу боис, қишки байрамда Босфор бўғози томонда намойиш этиладиган мушакбозлик шоуларини томоша қилишга жуда кўп одам йиғилади”, – дейди Бурак Ўзчивит. 👉 @dunyo_xabarlari

🇵🇸🇮🇱Исроилнинг Ғазодаги мактабга уюштирган ҳужуми оқибатида 5 фаластинлик ҳалок бўлди 2024 йилнинг июлидан 2025 йил 28 ноябригача Ғазодан тиббий рухсат билан эвакуацияни кутаётган 1092 бемор вафот этган. Ғазо шаҳридаги мактабга Исроил томонидан уюштирилган ҳужумда беш фаластинлик ҳалок бўлган. Шунингдек, Исроил вертолётлари Ғазо жанубидаги Рафаҳ шаҳрини ўққа тутган. 👉 @dunyo_xabarlari

Ғазодаги бошпанага ҳужум қилган Исроил, Россия танкерини сафдан чиқарган Украина ва ИШИД объектларига зарба берган АҚШ – кун дайжести Ўтган кун давомида жаҳонда рўй берган энг асосий воқеа ва янгиликлар шарҳи билан кундалик хабарномада таништирамиз. 👉 @dunyo_xabarlari

🇺🇸🇻🇪 АҚШ Мадуро ва унинг оиласига санкциялар жорий қилди — Reuters Агентликнинг хабар беришича, Қўшма Штатлар Молия вазирлиги Венесуэла президенти Николас Мадуро, унинг рафиқаси ва унга алоқадот етти кишига нисбатан санкциялар жорий этган. АҚШ молия вазири Скотт Бессент уларни “Николас Мадуронинг ноқонуний гиёҳванд моддалар давлатини қўллаб-қувватлашда” айблади. Мадуро ва унинг ҳукумати жиноятчиликка алоқадорлигини қатъиян рад этиб, АҚШ Венесуэланинг улкан нефт захираларини назоратга олиш учун уни ҳокимиятдан ағдаришга ҳаракат қилаётганини айтмоқда. 👉 @dunyo_xabarlari

🇺🇸 АҚШда икки йўловчи поезди тўқнашди, жароҳатланганлар бор — ОАВ Ҳодиса Нью-Жерси штатининг Монтклер шаҳрида содир бўлган. Дастлабки маълумотларга кўра, 17 киши енгил жароҳат олган. Ҳалокатдан кейин бекатлар орасидаги ҳаракат вақтинча тўхтатилган. Ҳозирда тўқнашув сабаблари аниқланмоқда. 👉 @dunyo_xabarlari

🇧🇪 ​Белгиядаги музейдан Наполеоннинг узуги ва қимматбаҳо тангалар ўғирлаб кетилди — RTBF Телеканалнинг хабар беришича, ​17 декабрдан 18 декабрга ўтар кечаси Белгиянинг Женап шаҳридаги “Наполеоннинг сўнгги қароргоҳи” музейи талон-торож қилинган. ​Маълумотларга кўра, икки нафар жиноятчи музей биносига дераза орқали кирган. Ичкарида улар экспонатларни олиш учун бир нечта витриналарни синдирган. ​Музей коллекциясидан, жумладан, 18 каратли олтиндан ясалган ва бешта бриллиант билан безатилган Наполеон Бонапартнинг узуги ғойиб бўлган. Шунингдек, ўғирланган ашёлар орасида Наполеон ҳукмронлиги даврига оид олтин ва кумуш тангалар ҳам бор. ​Ўғирланган буюмларнинг тахминий қиймати очиқланмаган. Белгия прокуратураси мазкур ҳолат юзасидан тергов ҳаракатларини бошлади. 👉 @dunyo_xabarlari

🇺🇸🇺🇦🇷🇺 Москва ва Киев шу ҳафтаёқ можарони якунлаш шартлари бўйича муросага келишлари мумкин — АҚШ Давлат котиби Марко Рубио. 👉 @dunyo_xabarlari

АҚШ Адлия вазирлиги Жеффри Эпштейн иши материалларининг бир қисмини эълон қилди Ҳужжатларнинг биринчи қисми Адлия вазирлиги сайтига жойлаштирилиши биланоқ, сайтга ташриф буюрувчилар оқими шунчалик кўпайиб кетганки, уларни электрон навбатга қўйишга тўғри келган. 👉 @dunyo_xabarlari

🇪🇺🇫🇷🇺🇦🇷🇺 Макрон Евроиттифоқни Путин билан мулоқотни тиклашга чақирди Франция президенти Россия билан тўғридан-тўғри музокаралар форматини қайта тиклаш Европа Иттифоқи манфаатларига мос келишини айтди. Макрон бу баёнотни Европа Иттифоқи саммитида Россия активларини мусодара қилиш бўйича келишувга эришилмаганидан сўнг билдирди. "Ё мавжуд музокаралар доирасида узоқ муддатли тинчликка эришилади, ё биз Россия билан очиқ мулоқотни Украина билан ҳамкорликда қайта бошлаш йўлларини топишимиз керак", — деди Франция етакчиси. Макроннинг таъкидлашича, Владимир Путин билан яна мулоқот қилиш фойдали бўлиши мумкин. Акс ҳолда, Европа етакчилари Украина можаросига барҳам бериш масаласида фақат АҚШ вакиллари билан маслаҳатлашишга мажбур бўлади, улар эса вазиятни Москва билан бевосита муҳокама қилмоқда. 👉 @dunyo_xabarlari

🇺🇦🇮🇱 "Украинани яҳудийларсиз тасаввур қилиш имконсиз. Украиналиклар – яҳудийлар демкадир". Дмитрий Гордон, украиналик журналист 👉 @dunyo_xabarlari

Бу видеони ота-оналар фарзандларингизга кўрсатинг, кўчадаги шунақа вазиятларда ўзини тутишни ўргансин Яқинларга юбориб қўямиз 👉 @dunyo_xabarlari

🇯🇵 Япониялик олимлар қурбақалар ва калтакесаклар ичакларида рак ҳужайраларини йўқ қиладиган бактерияларни топишди Япон Илмий-технологик Ривожланиш институти олимлари олиб борган тадқиқотга кўра, калтакесак, япон бақалари ва тритонлар ичакларидаги бактериялар рак ҳужайраларига қарши таъсир кўрсатади. Энг юқори фаолликка эса бақалардан топилган Ewingella americana бактерияси эга бўлган. Йўғон ичак саратонига чалинган сичқонлар устида ўтказилган тажрибаларда, ушбу бактериянинг бир марта вена ичига юборилиши барча ҳайвонларда ўсманинг тўлиқ йўқолишига олиб келди. Бу натижа иммунотерапия ва кимётерапия каби стандарт даволаш усулларига қараганда анча самаралироқ бўлиб чиқди. 👉 @dunyo_xabarlari

Жуда семиз ёки жуда бефаҳм Пентагон раҳбари америкаликларни армияга ёллашдаги қийинчиликлар ҳақида гапирди.

"Ёшларимиз орасида жисмонан тайёр эмас ёки билим даражаси етарли бўлмаганлар кўп. “Аҳмоқ” деган таъриф нотўғри — муаммо шундаки, биз уларни етарлича ўқитмаяпмиз ёки уларда диққат етишмаслиги ва гиперактивлик синдроми каби ҳолатлар мавжуд", — деган Пит Хегсет АҚШ Қуролли кучларини тўлдиришдаги долзарб муаммолар ҳақида.

👉 @dunyo_xabarlari

Буюк Британия Ўзбекистондаги тўртта компанияга санкция киритди Бу компаниялар “Украинани беқарорлаштиришга ёки унинг ҳудудий яхлитлиги ва суверенитетига путур етказишга ҳисса қўшиши мумкин бўлган товарлар ёки технологияларни етказиб берганлик”да айбланмоқда. 👉 @dunyo_xabarlari

🇪🇺🇧🇪 DW: Брюсселда фермерларнинг норозилик намойишлари тартибсизликлар билан якунланди Европа Иттифоқининг Лотин Америкасидаги аксарият давлатларни ўз ичига олган Меrcosur савдо блоки билан тузаётган келишувига қарши европалик фермерларнинг Брюсселда бўлиб ўтган намойиши тартибсизликлар ва полиция билан тўқнашувларга айланиб кетди. Нашрнинг хабар беришича, Еврокомиссия ва Европарламент бинолари жойлашган Брюсселнинг Европа кварталида намойишчилар тўсиқларни бузиб ўтишга уринди, гулханлар ва пиротехника воситаларини ёқди, кўздан ёш чиқарувчи газ пуркади ҳамда полициячиларга картошкалар улоқтирди. "Полиция намойишчиларга қарши сув пуркагичлардан фойдаланган. Тартибсизликлар фонида хавфсизлик нуқтайи назаридан Европарламент ходимлари бошқа биноларга кўчирилди, уларга деразаларга яқинлашмаслик тавсия этилди", дея ёзмоқда DPA. Намойиш ташкилотчилари унда 10 минг нафар иштирокчи қатнашганини билдирган бўлса, Брюссел полицияси намойишчилар сонини тахминан 7 минг киши деб баҳолади. 👉 @dunyo_xabarlari

🇺🇸 Трамп АҚШнинг коинотдаги устунлигини таъминлаш тўғрисидаги фармонни имзолади Фармонда таъкидланишича, АҚШ 2030 йилга келиб Халқаро космик станцияни (ХКС) тижорий асосда алмаштириш учун хусусий сектор ташаббусларини рағбатлантиришни режалаштирмоқда. 👉 @dunyo_xabarlari

🇺🇿🇺🇸 Университетда отишма уюштириб, ўзбекистонлик талабани ўлдиришда гумонланган шахс ўлик ҳолда топилди Бу ҳақда Массачусетс прокурори Лея Фолейга таяниб, Reuters хабар берди. Прокурорнинг сўзларига кўра, Браун университетида содир этилган оммавий отишмада гумон қилинган шахс вафот этган. Ҳозирда у Браун университетидаги ҳужумдан икки кун ўтиб Массачусетс технология институти (МIT) профессори ўлдирилганига ҳам алоқадорлиги эҳтимоли текширилмоқда. Гумонланувчининг жасади Салем шаҳрида, Бостон марказидан тахминан 30 километр шимолда жойлашган омборхонада топилган. Аноним қолишни истаган АҚШ Адлия вазирлиги вакилларидан бири гумонланувчи ўз жонига қасд қилганини айтди. Манбалар гумонланувчининг шахси ва нега терговчилар икки жиноят ўзаро боғлиқ бўлиши мумкин деб ҳисоблаётгани ҳақида қўшимча тафсилот бермади. Эслатиб ўтамиз, АҚШнинг Браун университетида содир бўлган отишмада икки киши, жумладан, ўзбекистонлик талаба Муҳаммадазиз Умурзоқов ҳалок бўлганди. 👉 @dunyo_xabarlari

🇺🇸 АҚШ ҳукумати Green card дастурини вақтинча тўхтатмоқда — АҚШ ички хавфсизлик вазири Кристи Ноэм Унинг айтишича, бунга сабаб Браун университетидаги отишмада гумон қилинаётган шахс мамлакатга айнан шу дастур орқали келган. "Президент Трампнинг топшириғига биноан мен дарҳол USCISга (АҚШ Фуқаролик ва иммиграция хизмати) америкаликларга ушбу зарарли дастур туфайли энди зиён етмаслигини таъминлаш мақсадида DV1 (Green card) дастурларини тўхтатишни буюраман", — деб ёзди вазир Х ижтимоий тармоғида. Браун университетидаги отишма оқибатида икки нафар талаба, жумладан ўзбекистонлик Муҳаммадазиз Умрзоқов ҳалок бўлган эди. Бундан ташқари, отишмада яна бир неча киши яраланган. Отишмани уюштирган шахс кейинроқ ўлик ҳолда топилган. 👉 @dunyo_xabarlari

🇺🇿 🇯🇵 Ўзбекистон президенти Япония императори билан учрашди Учрашувда томонлар ўзбек ва япон халқларини географик масофа ажратиб турса-да, уларни ўхшаш менталитет, урф-одатлар ва оилавий қадриятлар, шунингдек, илдизлари Буюк Ипак йўли даврига бориб тақаладиган тарихий алоқалар яқинлаштириб туради, деб қайд этдилар. Шунингдек, жорий ташриф доирасида Токиода Ўзбекистон маданияти кунлари муваффақиятли ўтказилгани таъкидланган. Суҳбат якунида Шавкат Мирзиёев император Нарухитони Ўзбекистонга расмий ташриф билан келишга таклиф қилди. 👉 @dunyo_xabarlari

❗️Телефондан узоқ фойдаланиш депрессияга олиб келади — олимлар Кореялик олимлар томонидан олиб борилган тадқиқотлар шуни кўрсатдики, телефонда кунига тўрт соатдан ортиқ вақт ўтказиш ўсмирларда стрессни кучайтириши ва ҳатто ўз жонига қасд қилиш фикрини келтириб чиқариши мумкин. Шунингдек, смартфонлардан тез-тез фойдаланадиган болаларда уйқу бузилиши ва депрессив аломатлар кузатилган. 👉 @dunyo_xabarlari