Rasul Kusherbayev

❗️Яшнободда талаба “наркокурьерлар” қўлга олинди “Хавфсиз ва соғлом юрт” тадбири доирасида Яшнобод туманида икки нафар 1-босқич талаба қўлга олинди. Текширувда улардан 520 грамм (2600 доза) Alpha PVP моддаси топилди. Маълум бўлишича, улар моддани геолокация орқали қабул қилиб, ётоқхонада қадоқлаб тарқатиб келган. ⚖️ Ушбу ҳолат юзасидан талабаларга 10–20 йилгача озодликдан маҳрум қилиш жазоси назарда тутилган моддалар билан жиноят иши қўзғатилди. 👉 @r_kusherbayev

❗️615 нафар шахс афв этилди Президент Шавкат Мирзиёев Конституция қабул қилинганининг 33 йиллиги муносабати билан жазо муддатини ўтаётган, қилмишига чин кўнгилдан пушаймон бўлган ва тузалиш йўлига қадам қўйган 615 нафар шахсни афв этиш тўғрисидаги Фармонни имзолади. 👉 @r_kusherbayev

❗️Актобеда содир бўлган йўл-транспорт ҳодисасида 5 киши ҳалок бўлди, уларнинг 2 нафари ўзбекистонлик Бугун, 7 декабрь куни эрталаб Қозоғистоннинг Ақтўбе вилоятида «Перм — Тошкент» йўналишида ҳаракатланган Yutong русумли йўловчи автобуси йўл ёқасидаги ариққа ағдарилиб, йўл-транспорт ҳодисаси содир бўлган. Ҳодиса оқибатида автобусдаги 49 нафар йўловчидан 5 нафари вафот этган бўлиб, уларнинг 2 нафари Ўзбекистон фуқаролари экани аниқланган. Вафот этганлар ва жабрланганларни Ўзбекистонга олиб келиш бўйича зарур чора-тадбирлар кўрилмоқда. 👉 @r_kusherbayev

❗️Самарқанддаги “Қорасув” сув омбори бутунлай қуриб қолди Пайариқ туманида жойлашган “Қорасув” сув омборининг сунъий йўлдошдан олинган кадрлари суғориш учун муҳим бўлган ушбу манба йиллар давомида қандай тезликда қуриб борганини яққол кўрсатмоқда. 📉 Сув омбори қуйидаги кўрсаткичларга эга эди: – Лойиҳавий сиғими: 26,9 млн м³; – Суғориш майдони: 8100 гектар; ➖ 2019 йил майида омборда 42,1 млн м³ сув мавжуд бўлган. Ҳозир эса омбор деярли тубигача қуриб қолган. Мутахассислар бу ҳолатни ҳаво ҳароратининг ортиши, ёмғир камайиши ва сув ресурсларидан самарасиз фойдаланиш билан боғламоқда. 👉 @r_kusherbayev

Қамчиқ довонида ҳам қор ёғмоқда 👉 @r_kusherbayev

Қорақалпоғистон Республикасининг Қорақалпоғистон посёлкаси 👉 @r_kusherbayev

❗️Прокурорлар учун 4,5 миллиард сўмга автотураргоҳ қурилади Тошкент вилояти прокуратураси учун қарийб 1 гектар майдонда автотураргоҳ барпо этиш мақсадида 4,5 млрд сўм маблағ ажратилгани маълум бўлди. Қизиғи шундаки, айрим манбаларга кўра, Бош прокуратуранинг ўзида ҳам бунчалик катта автотураргоҳ йўқ экан. Мазкур қарор жамоатчиликда мухокамаларга сабаб бўлмоқда. 👉 @r_kusherbayev

❗️Тошкентда ҳаво сифати яна яхшиланди 7 декабрь куни соат 09:00 ҳолатига кўра атмосфера ҳавосидаги ПМ10 ва ПМ2,5 дисперсли заррачалар миқдори рухсат этилган меъёрлардан ошмади. 👉 @r_kusherbayev

Шаҳрихонда бузилган тандир пулини ҳоким ўз ҳамёнидан тўлаб берди Андижон вилояти Шаҳрихон туманида экологик рейдлар вақтида умумий овқатланиш шохобчаларидаги айрим тандирлар ҳавони ифлослантириши мумкинлиги боис бузиб ташланганди. Туман ҳокимининг биринчи ўринбосари Рахматилло Раззақовнинг айтишича, рейд вақтида битта тандир бузилган. Яна иккита тандир ичкаридан жой ажратилиб, ишлатишга рухсат берилган, чунки улар йўл четида ноқонуний ўрнатилган эди. Бузилган тандирнинг қиймати туман ҳокими Ҳикматилло Дадахонов томонидан ўз ҳисобидан қоплаб берилган. 👉 @r_kusherbayev

❗️O‘zbekistonning oltin-valyuta zaxiralari 61,23 mlrd dollarga yetdi Bu yangi tarixiy rekord hisoblanadi. Noyabrda zaxiralar yana 1,9 mlrd dollarga (+3,2%) o‘sdi. Yil boshidan buyon esa 20 mlrd (+48,7%) dollarga oshdi. 👉 @r_kusherbayev

❗️Илон Маск Европа Иттифоқини тугатишга чақирди Илон Маск X ижтимоий тармоғида ЕИ ҳақида кескин фикр билдириб, Европа Иттифоқини тугатиш, суверенитетни эса алоҳида давлатларга қайтариш лозимлигини таъкидлади. “Шунда ҳукуматлар ўз халқларининг манфаатларини янада самарали ҳимоя қила олади”, — деб ёзди у. Шунингдек, Маск Европа бюрократиясини танқид қилиб: “У секин-аста, лекин муқаррар равишда Европани бўғиб қўяпти”, — дея фикр билдирди. 👉 @r_kusherbayev

❗️Ўзбекистон терма жамоаси гуруҳ босқичида Мексика ва АҚШнинг иккита шаҳрида ўйнайди Ўзбекистон миллий терма жамоасининг Жаҳон чемпионати гуруҳ босқичи ўйинлари саналари ва стадионлар номи маълум (АҚШ вақти билан кўрсатилган). 👉 @r_kusherbayev

Тошкентда автобуслар учун алоҳида йўлаклар қилиш давом эттирилади ➖ Шаҳрисабз кўчасининг Амир Темур шохкўчаси билан кесишмасидан Миробод кўчаси билан кесишмасигача бўлган 3 километр қисми ва йўлбўйи инфратузилмасини автобуслар ҳаракати учун алоҳида йўлак ташкил қилган ҳолда таъмирлаш ва модернизация қилиш ишлари амалга оширилади. Муддати — 2026 йил сентябрь. ➖ Амир Темур шоҳкўчасининг Тошкент ҳалқа айланма йўлидан (Учқарҳамон айланмаси) Кичик ҳалқа айланма йўлигача (Шимолий вокзал) бўлган 11 километр қисми ва Янги Сергели кўчасининг Чоштепа кўчаси билан кесишмасидан Қипчоқ кўчаси билан кесишмасигача бўлган 5,5 километр қисми ҳамда ушбу кўчалар йўлбўйи инфратузилмасини автобуслар ҳаракати учун алоҳида йўлак ташкил қилинган ҳолда таъмирлаш ва модернизация қилиш режалаштирилган. Муддати — 2026 йил ноябрь. ➖ Махтумқули, Мирзо Улуғбек – Феруза – Юнусобод, Лутфий, Муқимий, Нурафшон, Қоратош – Чиғатой Дарвоза ва КҲАЙ – Паркент кўчаларининг жами 38 километр қисми ҳамда йўлбўйи инфратузилмасини автобуслар ҳаракати учун алоҳида йўлак ташкил қилган ҳолда таъмирлаш ва модернизация қилиш кўзда тутилган. Муддати — 2026–2029 йиллар. 👉 @r_kusherbayev

Тотувлик мактабдан бошланади: Конимехдаги кўп тилли ҳаёт Миллатларо тотувлик ҳақида гап кетганда кўпинча сиёсат, дипломатия, қонунчиликни айтамиз. Лекин Қонунчилик палатасида юртимизда умуммиллий тотувликни таъминлаш соҳасида амалга оширилаётган ишлар тўғрисидаги ахборотдан кейин сўзга чиққан қозоқ миллати вакили, Навоий вилоятидаги кўпмиллатли Конимех туманида туғилган Наризова Иба эса масалани таълим орқали очиб берди. Бугун Ўзбекистонда таълим 7 тилда олиб бориляпти, телевидение ва радио 12 тилда, газета-журналлар 14 тилда эфирга чиқаётгани – ҳар бир миллат ўз она тилида билим олиш, ахборот олиш имконига эга эканини кўрсатади. Наризова хоним Навоий вилояти мисолида рақамни янада конкретлаштирди: вилоятдаги 303 та мактабнинг 209 таси ўзбек, 64 таси қозоқ, қолганлари рус, тожик, қорақалпоқ мактаблари. Бу дегани, “Ўзбекистон ягона Ватан” шиори реал тарзда ўқув дарсларида, мактаб байрамларида, адабий кечаларда ишлаяпти. Бу ерда яна Президент сиёсатининг тамал тоши кўринади: “инсон қадри” дегани – унинг тили, маданияти, хотирасига бўлган ҳурмат. Агар ҳар бир бола ўз она тилида ўқиб, бир вақтнинг ўзида бошқа миллатлар маданияти билан танишса, эртага у нафрат ёки ишончсизлик билан эмас, табиий қизиқиш ва ҳурмат билан яшайди. Шу маънода, бугун Ўзбекистонда миллатлараро тотувлик масаласида бирорта муаммо йўқ, аксинча, барқарор таълим тизими орқали келажакка ишонч билан ўтаётган модел бор. Масала шундаки, шу йўлни изчил давом эттириш керак, холос. 👉 @r_kusherbayev

«BUXORO MAKTABI» Toshkent viloyati xususiy maktablari ichida tengsiz! ✅ Yaqinda o‘tkazilgan Asosiy fan olimpiadasida ‘‘BUXORO MAKTABI’’ning 6 nafar o‘quvchisi g‘olib deb topildi va respublika bosiqichiga yo‘llanmani qo‘lga kiritishdi: 🥇 Risqulov Fozil (9-sinf) - kimyo fanidan (1-o’rin) 🥇 Jonsaitov Sardorbek (10-sinf) - huquq asoslari fanidan (1-o’rin) 🥇 Ne’matullayev Po’lat (10-sinf) - kimyo fanidan (1-o’rin) 🥈 Nishonova Diyora (10-sinf) - ingliz tili fanidan (2-o’rin) 🥈Ziyoda Abdurasulova (11-sinf) - ingliz tili fanidan (2-o’rin) 🥉 Abdusalomov Jahvar (9-sinf) - fizika fanidan (3-o’rin) Shuni ta’kidlash joizki, Toshkent viloyatidagi xususiy maktablari ichida fan olimpiadasi natijalari bo‘yicha ‘‘BUXORO MAKTABI’’ yagona bo‘lib turibdi. 👉 @r_kusherbayev

Булунғурда 498 туп дарахт ноқонуний кесиб ташлангани аниқланди Самарқанд вилояти, Булунғур тумани, Килдон маҳалласи ҳудудидаги Оқтепа канали ички қисми ва қирғоқ бўйида эрозияга қарши экилган ўсиш ҳолатидаги 498 туп турли дарахтлар(327 туп терак, 161 туп тол, 5 туп тут, 3 туп жийда, 2 туп ёнғоқ) мораторий талабларига зид равишда кесиб ташлангани аниқланди. Бунинг натижасида табиатга 2 млрд 220 млн 62 минг сўм зарар етказилган. Экология миллий қўмитаси томонидан ҳужжатлар расмийлаштирилиб, қонуний чора кўриш учун Бош прокуратурага юборилди. 👉 @r_kusherbayev

❗️Когонда портлаш: 4 нафар фуқаро ҳалок бўлди Бухоро вилояти Когон туманидaги «Shams LTD» МЧЖ портловчи моддалар ишлаб чиқариш цехида 6 декабрь куни кучли чақнаш рўй берган. Соат 09:40 да содир бўлган портлашдан кейин келиб чиққан ёнғин ФВБнинг 7 та бўлинмаси томонидан 10:27 да ўчирилди. Чақнаш пайтида цехда 30 нафар ишчи бўлган, 4 нафари ҳалок бўлган. 4 нафар ходим жароҳат олган (2 нафари уйига жавоб берилган). Президент топшириғи билан ҳукумат комиссияси тузилиб, сабаблар ўрганилмоқда ва жабрланганларга ёрдам кўрсатилмоқда. 👉 @r_kusherbayev

❗️Руминияда ноодатий ЙТҲ содир бўлди ОАВнинг хабар беришича, ҳайдовчи рулда кетаётиб қандли диабет хуружига учраган. Натижада у машинани бошқара олмай қолган ва автоулов юқори тезликда “учиб кетиб”, йўл-транспорт ҳодисасига учраган. 👉 @r_kusherbayev

❗️“TEXNOPARK” МЧЖ раҳбарига ҳавони ифлослантираётганлиги сабабли чора кўрилди Тошкент шаҳрида атмосфера ҳавосини ифлослантирувчи I ва II тоифага кирувчи объектларда экологик назорат тадбирлари давом этмоқда. Мониторинг жараёнида Яшнобод туманидаги “TEXNOPARK” МЧЖ га қарашли чўян қуйиш цехи текширилди. Teкширувда, корхонада чанг-газ тозалаш ускунаси бўлса-да, у меъёрдан ортиқ чиқиндиларни ҳавога чиқараётгани, экологик экспертиза хулосаси олинмагани аниқланди. Аниқланган қонунбузарликлар учун корхона раҳбарига белгиланган тартибда чора кўрилди ва қўшимча тўловлар ҳисобланди. 👉 @r_kusherbayev

Тошкент метрополитенининг 16 та бекатидаги кассалар ёпилади 2025 йил 9 декабрдан бошлаб нақд пул билан амалга оширилаётган тўлов кўрсаткичлари паст бўлган “Ер усти халқа йўли” йўналишидаги барча 14 та бекатда шунингдек “Пахтакор” ва “Алишер Навоий” бекатларида кассалар ёпилади. Бу бекатларда кассалар ўрнига замонавий QR-кодли чипталар берувчи инфокиоскалар ишга туширилган. 👉 @r_kusherbayev