Qazaqstan.tv

📍Астанада фельдшер Ұлдана Мырзуанды еске алу мемориалдық тақтасы ашылды Бүгін Астанада қалалық жедел медициналық жәрдем станциясының базасында қызметтік борышын орындау кезінде қаза тапқан фельдшер Ұлдана Мырзуанды еске алуға арналған мемориалдық тақта ашылды. Сондай-ақ оның есімі өзі оқыған медициналық колледждің аудиторияларының біріне берілді. @qazaqstantv

Сенат дәрігерлерді қорғайтын заңды бірінші оқылымда мақұлдады Сенат медицина қызметкерлерінің құқығын қорғауға арналған заңды бірінші оқылымда мақұлдады. Енді дәрігерге күш қолданғандар 12 жылға дейін бас бостандығынан айырылуы мүмкін. Бұдан былай: ▫️Қорқытып-үркітсе – 300 сағат қоғамдық жұмыс немесе 2 жылға дейін қамау қарастырылған; ▫️ Жарақат келтірсе – 3-7 жыл; ▫️Өміріне қауіп төндірсе – 7-12 жыл. Сондай-ақ бүгін мұздықтарды зерттейтін орталық құру мәселесі қаралды. Онда климаттың өзгеруі мен жаһандық жылыну үдерісі зерделеніп, сел мен су тасқынының алдын алу жолдары қарастырылмақ.

Жасанды интеллект және атом энергетикасы мамандары «Болашақ» бағдарламасы бойынша білім алады Бұл туралы Мемлекеттік кеңесші Ерлан Қариннің төрағалығымен өткен Шетелде кадрлар даярлау жөніндегі республикалық комиссияның кезекті отырысында айтылды. Биыл «Болашақ» стипендиясын тағайындау конкурсының ережелері өзгерді. Үміткерлер үш кезеңнен тұратын іріктеуден өтеді: кешенді тестілеу, сұхбат және Республикалық комиссияның ең жоғары ұпай жинаған қатысушыларды іріктеуі. Сондай-ақ бір күнтізбелік жыл ішінде конкурсқа қайта қатысуға болады. Бұл әлеуетті үміткерлер қатарын көбейтіп, олардың бағдарламада бағын сынап көруіне қосымша мүмкіндік ұсынады.

📌Мемлекет басшысы Жамбыл облысындағы фармацевтикалық кәсіпорындардың қызметімен танысты ✔️Қасым-Жомарт Тоқаевтың Жамбыл облысына жұмыс сапары «Әмір және Д» жауапкершілігі шектеулі серіктестігінің қызметімен танысудан басталды. ✔️Президентке медициналық препараттар мен дайын өнім түрлерін шығаратын негізгі цехтың жұмысы көрсетілді. ✔️Кәсіпорынға тиесілі медициналық бұйымдардың 200-ден аса атаулы түрі бар. Бүгінде серіктестікте 94 қызметкер еңбек етеді. ✔️Мемлекет басшысына «Super-pharm» фармацевтикалық компаниясының жұмысы туралы ақпарат берілді. ✔️Президент отандық фармацевтика индустриясының дамуы импортқа тәуелділікті төмендетіп, ұлттық денсаулық сақтау жүйесін нығайтуда маңызды екенін атап өтті. @qazaqstantv

📺 Қазақстанда теледидар көрермені 21%-ға артты Соңғы зерттеу нәтижесіне сәйкес, ел бойынша теледидар аудиториясы 21 пайызға артқан. Бұл Ұлттық медиа қауымдастығының жыл қорытындысына арналған жиынында белгілі болды. Биыл алғаш рет теледидар аудиториясын өлшеу шағын қалалар мен ауылдарды да қамтыды. Бұған дейін талдау тек халқы 100 мыңнан асатын 21 ірі қалада ғана жүргізілген. Нәтижеге сай, өңір тұрғындары теледидарды белсендірек қарайды: ауылдар мен шағын қалаларда халық күніне орта есеппен 198 минут теледидар тамашалайды. Бұл ірі қалалардан 21 минутқа жоғары. Сондай-ақ өңірлерде қазақ тіліндегі контентке сұраныс жоғары. Ауылдар мен шағын қалаларда көрерменнің 82%-ы қазақ тілінде көрсе, ірі қалаларда бұл көрсеткіш 59%.

Бүгін мемлекет басшысы Қасым-Жомарт Тоқаев Жамбыл облысына жұмыс сапарымен барды Президент өңірдегі бірқатар өндіріс орындарын, инфрақұрылым және әлеуметтік нысандарды аралап көреді. «Ақорда» бағдарламасының түсірілім тобы өңірден хабар таратады.

⚡Алматыда аса ірі көлемдегі есірткі арнасының жолы кесілді Алматы қаласы Полиция департаментінің есірткі қылмысына қарсы іс-қимыл басқармасының қызметкерлері есірткі заттарын аса ірі көлемде тасымалдаумен, сақтаумен және өткізумен айналысқан қылмыстық топтың әрекетін тоқтатты. Арнайы операция нәтижесінде еліміздің басқа өңірінен Алматы қаласына жеткізіліп, мегаполис аумағына таратылуы жоспарланған 10 келіден астам гашиш тәркіленді. Аталған дерек бойынша күдіктілерге қатысты қылмыстық іс қозғалып, олар уақытша ұстау изоляторына қамалды. Қазіргі уақытта тергеу амалдары жалғасуда. @qazaqstantv

💼Сенат депутаттары Құрылыс кодексін жұмысқа алды Құжатқа Мәжілісте 2 мыңнан астам түзету енгізілген. Бүгін ол бірінші оқылымда талқыланады. Қазір құрылыс компаниялары баспанаға 2 жыл ғана жауапты. Енді кепілдік мерзімі кемі 5 жылға, кей жағдайда 10 жылға дейін ұзаруы мүмкін. Сонымен қатар құрылысқа бақылау күшейеді. Бұрын көп нысанды жеке компаниялар тексерсе, енді оның тең жартысына жуығын мемлекет өзі қадағалайды.

🌋Жанартаудан атқылаған лава 420 метр биіктікке көтерілді Гавайдағы «Килауэа» жанартауы қайта оянып, оңтүстік кратерінен атқылаған қызыл лава 420 метрге дейін көтерілді. АҚШ-тың Геологиялық қызметінің мәліметінше, жанартаудың белсенділігі 6 сағаттан кейін кенет тоқтаған. Осы уақыт ішінде шамамен 10 млн текше метр лава төгілген. «Килауэа» - әлемдегі ең белсенді жанартаулардың бірі, ол былтырғы жылдың соңынан бері үзіліспен қайта-қайта атқылап келеді.

🌻 Қазақстан күнбағыс майын экспорттайтын топ-10 елдің қатарына кірді Қазақстан күнбағыс майын экспорттайтын әлемдегі алдыңғы 10 елдің қатарына енді. Майлы дақылдарды өңдеушілер қауымдастығының мәліметінше, еліміз рейтингте 8-орынға көтерілген. Биыл 10 айда тазартылған май экспорты 122%-ға өсіп, 132 мың тоннадан асты. 2026 жылдан бастап жылына 370 мың тонна май өндіретін 4 ірі жоба іске қосылмақ. Бұл Орталық Азия мен Таяу Шығыс нарығындағы позицияны нығайтуға мүмкіндік береді.

✈️Грозныйда Ақтау маңындағы AZAL ұшағы апаты құрбандарына мемориал ашылды Грозный қаласында бір жыл бұрын Ақтау маңында апатқа ұшыраған AZAL рейсінің жолаушылары мен экипаж мүшелеріне арналған мемориал ашылды. Ескерткіш тақта Гейдар Әлиев атындағы саябаққа орнатылған. Шараға Шешенстан билігінің өкілдері, сондай-ақ қаза тапқандардың туыстары мен жақындары қатысты. Еске салайық, 2024 жылғы 25 желтоқсанда Баку – Грозный бағытымен ұшқан Embraer-190 ұшағы Ақтау маңында құлап, 38 адам қаза тапқан.

🔸Жыл басынан бері 15 мыңға жуық этникалық қазақ қандас мәртебесін алды 2025 жылы 14 828 этникалық қазақ тарихи отанына оралып, қандас мәртебесін алды. Жалпы 1991 жылдан бері республикаға 1 млн 162,9 мың этникалық қазақ келді. Биыл елімізге келген қандастардың пайыздық үлесі: Өзбекстан – 44,5%; Қытай – 43,6%; Түрікменстан – 4,1%; Ресей – 2,5%; Монғолия – 3%; Басқа елдер – 2,3%. Қоныс аударған этникалық қазақтар республиканың түрлі өңірлеріне қоныстанды. Оларды қоныстандыру үшін еңбек күші тапшы өңірлер анықталды. Олар-Ақмола, Абай, Қостанай, Павлодар, Атырау, Батыс, Шығыс және Солтүстік Қазақстан облыстары. @qazaqstantv

🟢ШҚО-да жаңа туған сәби тікұшақпен облыс орталығына жеткізілді ТЖМ тікұшағы медициналық көмекке мұқтаж жаңа туған нәрестені Риддерден Өскеменге шұғыл тасымалдауды жүзеге асырды. Ұшқыштар таулы аймақтан қауіпсіз ұшып, сәби облыс орталығына жеткізілді. Қазір оған қажетті медициналық көмек көрсетілуде. @qazaqstantv

📸Катон-Қарағай ұлттық паркінде сирек кездесетін қар барысы фототұзаққа түсіп қалды Бұл жануар Қазақстанның Қызыл кітабына енгізілген және Алтайдың биік таулы аймақтарын мекендейді.

Мұстафа Шоқайдың туғанына 135 жыл Бүгін Алаштың арда ұлы, қоғам қайраткері, тәуелсіз және біртұтас Түркістанның идеологы Мұстафа Шоқай дүниеге келген күн. Ол 1890 жылы 25 желтоқсанда Қызылорда облысы Шиелі ауданындағы Сұлутөбе маңындағы Наршоқы қыстағында дүниеге келген. Ол 1910-1914 жылдар аралығында Петербург университетінің заң факультетінде оқыған. Мұстафа Шоқай 1941 жылы 27 желтоқсанда Берлин қаласында қайтыс болған.

🔹Астанада «E-museum» веб-порталы таныстырылды Елдегі музейлерге енді виртуалды экскурсия жасауға болады. Ұлттық музейде «E-museum» веб-порталындағы өзгерістер таныстырылды. Іс-шараға Премьер-министрдің орынбасары - Мәдениет және ақпарат министрі Аида Балаева қатысты. Бүгінде «E-museum» порталына 300-ге жуық музей енгізілген. Тұрғындар кез келгенін таңдап, жәдігерлерді үйден шықпай-ақ тамашалай алады. Жүйеде жасанды интеллект арқылы жасалған виртуалды нұсқаушылар да бар. ✏️Жиында Аида Балаева порталдың жұмысын одан әрі жетілдіруді тапсырды.

⭕️«Жол апатына түскен жүргізушілерге сақтандыру компаниялары төлейтін қаржы жеткіліксіз» «Ашық алаң» бағдарламасында ҚР Парламенті Мәжілісінің депутаты Нартай Аралбайұлы жол-көлік оқиғасына түскен азаматтардың сақтандыру төлемі жеткіліксіз екенін айтты.

«Жазатайым оқиға болып, қымбат көлікке соқтығысқан жағдайда келтірілген шығынды өтеуге қаражат жетпей жатады. Сақтандыру компаниялары төлейтін өтемақының ең жоғары мөлшері 2 млн теңге. Алайда бұл сома көлікті толық жөндеуге жеткіліксіз. Сол себепті азаматтар несие алып немесе қарызға кіріп, шығынды өтеуге мәжбүр», - деді депутат.

💸Сарапшы: Халықтың қаржылық сауаты артқан FinGramota медиа порталы жасаған сауалнама нәтижесіне сай, елімізде қолма-қол ақшамен есеп айырысатындардың үлесі артқан. Былтыр тұрғындардың 25 пайызы ғана қолма-қол төлем жасаса, биыл бұл көрсеткіш 38 пайызға жуықтаған. 📌Сондай-ақ тұрғындар ақша жинауға да ден қоя бастаған. Пікір білдіргендердің 36 пайыздан астамы барлық шығынын өтегеннен кейін қаржы жинайтынын айтқан. Ал 19,8 пайызы мүлде ақша жинамайды. Дегенмен сарапшылар биыл тұрғындардың қаржылық тұрғыда сауаты біраз артты деп отыр.

🔸Елдегі ерекше қорғалатын аумақтар кеңейтілуде Елімізде ерекше қорғалатын жаңа қорық аймақтары құрылды. Осы бағытта аумағы 86 мың гектарды құрайтын «Мерке» өңірлік табиғи паркі ашылды. Сондай-ақ Әл-Фараби атындағы ҚазҰУ базасында Германияның қолдауымен экожүйелер мен биоәртүрлілікті қорғау институты іске қосылып, ғылыми және халықаралық ынтымақтастықты нығайтуға жол ашты. @qazaqstantv