Xushnudbek.uz

#57 OʻTGAN SON TAHLILI, O‘ZBEKISTONNING JCHDAGI RAQIBLARI VA YO‘LLAR HAQIDA O‘YLAR. Lolazor podcast 📹 https://youtu.be/Pcnwwqvzy_E Lolazor podkastning navbatdagi sonida 3 kishi yig‘ildik. Biz bu safar Karim Bahriyev bilan suhbat va uning atrofida bo‘lgan gaplar, viloyatlarni bog‘lovchi magistral yo‘llardagi muammolar, shahardagi o‘rtacha tezlik haqida suhbatlashdik hamda poyezd va samolyot chiptalari narxlarini solishtirib ko‘rdik. Mundarija: 00:00 – Tizer 01:38 – Boshladik 04:12 – O‘tgan sonni esga olamiz 15:03 – Lolazor’dagi Karimov siymosi 23:45 – “Jaloliddin Manguberdi” poyezdlari 28:28 – Poyezd va samolyot narxlarini solishtirib ko‘ramiz 39:26 – Yo‘llar haqida o‘ylar: domkrat ishlatishni bilasizmi? 51:22 – Masofalar bir xil, vaqt boshqa 56:41 – Shahardagi o‘rtacha tezlik 1:00:19 – ChatGPT’dan foydalanish bo‘yicha kichik layfhak 1:09:48 – JChdagi guruhimiz haqida 1:29:39 – Bolalarga ijtimoiy tarmoqlarni taqiqlash 1:30:55 – Uy va mashinalarning naqd pulsiz oldi-sotdisi qanday ishlaydi? 1:35:49 – Muhrim A’zamxo‘jayevning yangi ish joyi 1:47:33 – Gazetalarning davri o‘tdimi? 1:53:10 – Kelajak o‘ylaganimizdan yaqinroq 2:01:00 – Tugatamiz, xayr 🎧Podkastni tinglash uchun: 📱 Spotify 📱 Apple Podcasts 📱 Yandex 👉 @xushnudbek 👈

Jonkuyar ustoz Orif aka Shermatovdan yana bir qiziqarli ma’lumot (#) 👉 @xushnudbek 👈

📩 SSV “Elektron retsept” tizimi bo’yicha ayrim savollarga javob berdi

❓Savol: Ayrim fuqarolar tizim “osilib” qolishi, uzoq yuklanishini aytmoqda. Chindam ham shundaymi?

✅ Javob: Hozir tizim ishchi holatda. Agar internet tezligida nosozliklar kuzatilmasa, tizimdan muntazam foydalanish imkoniyati mavjud. Texnik mutaxassislar doimiy ravishda yuklamaga qarab, serverlarni optimizatsiya qilish ishlarini olib bormoqda.

❓Savol: Agar “Elektron retsept” tizimi ishlamay qolsa, shifokor nima qiladi?

✅ Javob: Agar tizim muassasaning o‘zida (elektrdagi uzilish, tarmoqdagi uzilish) ishlamay qolsa, muqobil variant sifatida shifokorlar planshet orqali elektron retsept tayinlaydi. 

❓Savol: Texnik nosozlik kuzatilgan hollarda bemorlarning dori vositalari bilan ta’minlanishi qanday amalga oshiriladi?

✅ Javob: Bunday holatlarda bemor vaqtini tejaydigan qulay algoritm ishlab chiqilgan. Shoshilinch holatlarda shifokorlar tomonidan joyida tibbiy yordam ko‘rsatiladi (dorilar muassasa zaxirasidan beriladi). Elektron reseptlar esa asosan ambulator davolanish uchun mo‘ljallangan.

❓Savol: Retsept yozdirish maqsadida keladigan bemorlar uchun alohida tezkor yo‘lak joriy etilganmi?

✅ Javob: Alohida tezkor yo‘lak joriy etishga ehtiyoj yo‘q. Chunki surunkali kasalligi bor bemorlarga navbat asosida xizmat ko‘rsatiladi. Shoshilinch holatdagi bemorlar uchun esa birinchi tibbiy yordam ko‘rsatishga mo‘ljallangan dori vositalari barcha oilaviy poliklinikalarda mavjud.   *** ℹ️ Ma’lumot uchun: “Elektron retsept” tizimi doirasida vujudga kelayotgan murojaatlarni qabul qilish maqsadida @ssv_pilotbot bot ochilgan. Shuningdek, Sog‘liqni saqlash vazirligining 1003 qisqa raqamli "Ishonch telefoni" bazasida muntazam faoliyat yurituvchi alohida “Сall-markaz” tashkil etildi. “Elektron retsept” tizimi amaliyoti bo‘yicha yuzaga kelgan savollaringiz va murojaatlaringizga tunu kun javob olishingiz mumkin. 👉 @xushnudbek 👈

“Sayqal School” tomonidan tashkil etilayotgan “Yangi Avlod Umidlari” respublika fan olimpiadasi boshlandi! Mazkur olimpiada 1–11-sinflar uchun moʻljallangan bo‘lib, mantiq, matematika, fizika, chet tili, ona tili va adabiyot, biologiya, kimyo, tarix fanlari boʻyicha oʻtkaziladi. Olimpiadaning afzalliklari:

• Savollar oliy toifali oʻqituvchilar tomonidan tuzilgan; • Respublika–viloyat–tuman–maktab kesimidagi reytinglar; • Sun’iy intellekt asosida kuchli va zaif tomonlar tahlili; • G‘oliblarga sovg‘alar va sertifikatlar; • Ota-onalar uchun natijalarni real vaqtda kuzatish imkoniyati.

Olimpiada 13-dekabr soat 09:00 da boshlanib, 15-dekabr soat 20:00 da yakunlanadi. Har bir o‘quvchi tanlagan bitta fandan faqat bir marotaba ishtirok etishi mumkin. Natijalar 16-dekabr kuni @sayqalschool kanalida e’lon qilinadi. “Sayqal School” dasturini yuklab olish: • Android • iPhone Reklama

❗️DXX: Surxondaryoda mashinasida qariyb 51 kg giyohvand modda olib ketayotgan shaxs ushlandi Tezkor tadbir davomida to’xtatilgan “Cobalt” rusumli mashina ichidan 50 kg 978 gr “gashish” moddasi topildi. Shuningdek, mashinani boshqarib borgan shaxsning xonadonidan ham 186 gr “gashish” moddasi olindi. Tezkor tadbirda uning jinoiy sherigi ham ushlandi. Aniqlanishicha, ushbu giyohvandlik vositalari O’zbekistonga afg’onistonlik narkokuryerlar tomonidan aylanma yo’llar bilan olib kirilgan. Hozirda yuqoridagi shaxslarga nisbatan Jinoyat kodeksining tegishli moddalari bilan jinoyat ishlari qo‘zg‘atilib, “qamoq” ehtiyot chorasi qo‘llanildi. Tergov harakatlari olib borilmoqda. 👉 @xushnudbek 👈

Shavkat Mirziyoyev Ashxobod shahrida Xalqaro tinchlik va ishonch yili, Xalqaro betaraflik kuni va Turkmaniston doimiy betarafligining 30 yilligiga bag‘ishlangan xalqaro forumda ishtirok etdi va nutq so’zladi. Serdar Berdimuhamedov raisligida oʻtgan tadbirda Rejep Tayyip Erdogʻan, Masʼud Pezeshkiyon, Qasim-Jomart Toqayev, Sadir Japarov, Emomali Rahmon hamda boshqa davlatlar yetakchilari, hukumatlar, xalqaro va mintaqaviy tashkilotlar rahbarlari ham qatnashdi. 👉 @xushnudbek 👈

Chery Arrizo 8 Hybrid – biznes-klass uchun ishonchli sedan Chery Arrizo 8 Hybrid xavfsizlik va premium qulaylikni uyg‘unlashtirgan zamonaviy avtomobil hisoblanadi. U shahar ichida 125 kilometrgacha elektr rejimida sokin harakatlanadi, uzoq safarda esa 3,9l/100 km yoqilg‘i sarfi bilan 1400+ km masofani bosib o‘ta oladi. Boshqa qulayliklari:

🔹 19 daqiqada 80% gacha tezkor quvvatlanish; 🔹 10 ta xavfsizlik yostiqchasi; 🔹 12 ta Premium Sony audio tizimi; 🔹 Ventilyatsiya va isitish funksiyali old o‘rindiqlar.

Avtomobil uchun kafolat muddati 7 yil yoki 200 000 km. Batafsil ma’lumot va test-drayv uchun: +998 55 500 06 55 Reklama

🇺🇿🇻🇦Saida Mirziyoyeva Rim papasi Lev XIV bilan uchrashdi Uchrashuv Shayx Zoid nomidagi "Insoniy birodarlik" mukofoti hay’ati yig‘ilishi doirasida bo’lib o’tdi. Unda ushbu mukofotning madaniyatlararo va dinlararo anglashuvni kengaytirishga qaratilgan faoliyatining asosiy yo‘nalishlari muhokama qilindi.

“O‘zbekistonda turli konfessiyalar vakillari, jumladan katoliklar, totuvlik va bag‘rikenglik muhitida yashayotgani ta’kidlandi. Mukofot bu qadriyatlarni xalqaro miqyosda mustahkamlashga intilmoqda. Butun dunyoda ishonchni mustahkamlash va insonparvarlik tamoyillarini ilgari surishga qaratilgan loyihalar ustida hamkorlikda ishlashga tayyorlik bildirildi”, – deb yozdi Prezident Administratsiyasi rahbari.

👉 @xushnudbek 👈

⚡️ O‘zbekistonda IELTS’dan 9 ball olgan yoshlar soni 68 nafarga yetdi 2020–2025-yillar davomida IELTS imtihonidan 5,5 ball va undan yuqori natija olgan yoshlar soni 245,7 ming nafarga yetibdi. Shuningdek, 8,5–9 ball (C2 daraja) toifasidagi eng yuqori natijalarni qo‘lga kiritganlar soni 2020-yilga nisbatan 47 baravarga oshgan. Xususan, 9 ball olgan yoshlar soni 68 nafarga yetgan. Bu statistika Yoshlar ishlari agentligi, Britaniya Kengashi va AQSH elchixonasi hamkorligida o‘tkazilayotgan “O‘quv markazlari forumi” doirasida e’lon qilindi. Ta’lim granti doirasida ijtimoiy reklama. 👉 @xushnudbek 👈

❗️Bir qator hududlarda “metan zapravka”lar ish soatiga cheklovlar joriy qilindi Unga ko’ra, “zapravka”lar vaqtincha quyidagi jadval asosida ishlaydi: Soat 05:00 dan 17:00 gacha: 🔹 Andijon viloyati (143 ta “zapravka”); 🔹 Namangan viloyati (134); 🔹 Xorazm viloyati (94); Soat 06:00 dan 17:00 gacha: 🔹 Surxondaryo viloyati (106); Soat 06:00 dan 18:00 gacha: 🔹 Qoraqalpog‘iston Respublikasi (124); 🔹 Farg‘ona viloyati (173); 🔹 Sirdaryo viloyati (53); Soat 06:00 dan 19:00 gacha: 🔹 Navoiy viloyati (51); Soat 06:00 dan 23:00 gacha: 🔹 Toshkent shahri (78). Qolgan hududlardagi cheklovlar jadvali ham birin-ketin e’lon qilib borilmoqda. 👉 @xushnudbek 👈

💊 Dorixonalarda elektron retsept tizimi ishga tushdi 10-dekabrdan boshlab Toshkent shahrida hamda yurtimizdagi yana 15 ta tuman va shaharda dorilar elektron retsept asosida berilmoqda. Hukumat qaroriga ko‘ra, 2026-yil oxiriga kelib, ushbu tizim barcha tibbiyot muassasalari va dorixonalarni qamrab olishi rejalashtirilgan. Ya’ni siz endilikda shifokor retsepti bilan sotilishi mo‘ljallangan dorilarni aptekadan elektron retseptsiz ololmaysiz. ❓Bu qanday ishlaydi? Sizni ko‘rikdan o‘tkazgan shifokor tashxis qo‘yadi va Sizga tavsiya etilgan dorilarni “Elektron retsept” tizimiga kiritadi. Dorixonaga borganingizda elektron tizimda yozilgan dorilarni xarid qilishingiz mumkin bo‘ladi. Retseptsiz sotilishi taqiqlangan dorilarni shifokor elektron tizimga kiritmagan, ya’ni Sizga tavsiya qilmagan bo‘lsa, endi sotib ololmaysiz. Agar bemor so‘rasa, elektron retseptni qog‘ozda chop etib berish ham mumkin. Faqat bunda elektron retseptda maxsus QR-kod hamda shifokorning elektron imzosi bo‘ladi. Ya’ni o‘sha QR-kodni faollashtirganda elektron tizimdagi retsept chiqib kelishi kerak. Bu soxta retseptlar yasab olishdan himoya qiladi. Sinov tariqasida ishga tushirilgan 15 ta tuman va shaharlar ro‘yxati: Yangiyo‘l, Samarqand, Chimboy, Asaka, G‘ijduvon, G‘allaorol, Kitob, Xatirchi, Chortoq, Bulung‘ur, Ishtixon, Denov, Sirdaryo, Quva, Shovot. ❗️Ma’lumot uchun, 9-dekabr holatiga ko’ra, retsept bo‘yicha beriladigan 12 ming 815 ta nom va dozirovkadagi dori vositalari ro’yxati tasdiqlangan. Mazkur ro’yxat yuqoridagi jadvalda keltirilgan. 👉 @xushnudbek 👈

FIFA saytida O’zbekiston terma jamoasining Jahon chempionatidagi o’yinlari uchun chiptalar sotuvga chiqdi. Chipta narxlari Kolumbiya bilan o’yin uchun 220 dollardan, Portugaliya bilan o’yin uchun 265 dollardan va uchinchi o’yin uchun 140 dollardan boshlanadi. Hozirda chiptalarni sotib olish imkoni yo’q, faqat ariza berish mumkin xolos. Fevral oyida sizning arizangiz tasodifiy tanlovga asoslangan qur’a orqali tasdiqlansa, ana undan keyin sizda xarid qilish huquqi paydo bo’ladi. 👉 @xushnudbek 👈

🇺🇿🇵🇾 Paragvay prezidenti rafiqasi bilan birga O’zbekistonga keldi Ko’ksaroy qarorgohida Santyago Penyani rasmiy kutib olish marosimi bo’lib o’tdi. Shundan so’ng, ikki davlat rahbari rasmiy delegatsiyalar ishtirokida muzokara o’tkazdilar. Muzokaralar yakunida Shavkat Mirziyoyev va Santyago Penya Qoʻshma bayonot imzoladi. Shuningdek, yetakchilar huzurida Oʻzbekistonning JSTga qoʻshilishi doirasida bozorga kirish masalalari boʻyicha ikki tomonlama muzokaralar yakunlangani toʻgʻrisidagi bayonnoma hamda Tashqi ishlar vazirliklari oʻrtasidagi siyosiy maslahatlashuv mexanizmini yoʻlga qoʻyish toʻgʻrisida oʻzaro anglashuv memorandumini imzolash marosimi boʻlib oʻtdi. ❗️Ma’lumot uchun: bu tarixda ilk bor Lotin Amerikasi davlati prezidentining O’zbekistonga tashrif buyurishi hisoblanadi. 👉 @xushnudbek 👈

❗️“Metan zapravka”lar faoliyatiga vaqtincha cheklov joriy etilmoqda Energetika vazirligi buni “qo‘shni davlatdagi gaz tarmog‘ida kuzatilgan texnik nosozlik tufayli import qilinayotgan tabiiy gaz qisqarganligi” bilan izohladi. Cheklov mahalliy hokimliklar bilan kelishilgan reja-grafiklarga asosan o’rnatiladi. 👉 @xushnudbek 👈

Xitoy safari: HONOR innovatsiyalarining yuragi bilan yaqindan tanishuv Xitoyda HONOR innovatsiyalari va ishlab chiqarish jarayonlari namoyish etildi. Har bir g‘oya ilmiy izlanish va sinovlardan o‘tadi, har bir detal alohida e’tibor bilan ishlab chiqiladi. Aqlli va to‘liq avtomatlashtirilgan HONOR zavodida atigi 28,5 soniyada bitta smartfon ishlab chiqariladi. Jarayon robot tizimlar orqali boshqariladi. Shuningdek, Alpha Flagship Store ham taqdim etildi. Bu do‘kon nafaqat savdo nuqtasi, balki sun’iy intellekt, dizayn va yangi texnologiyalarni tajribadan o‘tkazish imkonini beradi. 🌐 Batafsil ma’lumot — HONOR rasmiy saytida Reklama

Markaziy bank asosiy stavkani yillik 14 foiz darajada o‘zgarishsiz qoldirdi. 👉 @xushnudbek 👈

🇺🇿🇹🇲Shavkat Mirziyoyev 11-12-dekabr kunlari amaliy tashrif bilan Turkmanistonda bo’ladi Tashrif dasturiga muvofiq, davlatimiz rahbari Turkmanistonning doimiy betarafligi e’lon qilinganining 30 yilligi, Xalqaro betaraflik kuni hamda 2025-yil “Xalqaro tinchlik va ishonch yili” deb e’lon qilinganiga bag‘ishlangan xalqaro forumda ishtirok etishi ko‘zda tutilgan. 👉 @xushnudbek 👈

Davlat xavfsizlik xizmati: Toshkent shahri Olmazor tumani Soliq inspeksiyasining ikki nafar bosh inspektori eshik va romlar ishlab chiqaruvchi oilaviy korxonada tekshiruv o‘tkazib, go‘yoki korxona har oyda kam miqdorda soliq to‘lab kelayotganini vaj qilgan holda, to‘lanmagan soliqlar uchun jarima qo‘llamaslik evaziga 10 mln so‘m talab qilishgan. Ular so‘ralgan pulni olgan vaqtlarida ushlandi. Hozirda ushbu shaxslarga nisbatan Jinoyat kodeksining 210-moddasi (pora olish) 2-qismi “v”, “g” bandlari bilan jinoyat ishi qo‘zg‘atilib, “qamoq” ehtiyot chorasi qo‘llanildi. Tergov harakatlari olib borilmoqda. 👉 @xushnudbek 👈

Ma’noli sovg‘alar bering: payme Yangi yil arafasida ayollar biznesini qo‘llab-quvvatlashga chorlamoqda Yangi yil oldidan payme o‘zining korporativ sovg‘alarini ayol tadbirkorlardan xarid qildi. Ilova ichida esa alohida bo‘lim ochildi va u yerga ayollar tomonidan tayyorlangan turli sovg‘alar joylashtirildi. Shuningdek, payme ayol tadbirkorlarni #AyolTadbirkorligiTarafida chellenjiga qo‘shilishga chaqirmoqda. Heshteg bilan belgilangan mahsulotlar Yangi yil sovg‘asi izlayotganlar uchun tanlovni kengaytiradi va mahalliy ijod hamda mehnatni qo‘llab-quvvatlashga yordam beradi. To‘plam bilan payme ilovasida tanishish mumkin. Reklama

Hyundai Rotem O‘zbekistonga yuqori tezlikdagi poyezdlarining birinchi partiyasini jo‘natdi Janubiy Koreyaning Changvon shahridagi Masan portida O‘zbekiston uchun ishlab chiqarilgan Hyundai Rotem yuqori tezlikdagi poyezdlari birinchi partiyasini rasmiy jo‘natish marosimi bo‘lib otdi. “Jaloliddin Manguberdi” nomi berilgan yangi tezyurar poyezdlar kelgusi yil Toshkent — Urganch—Xiva yo‘nalishida harakatlarni boshlaydi. Bunaqa poyezdlardan jami 6 ta xarid qilishni rejalashtirgan. Qatnovlar yo‘lga qo‘yilgach, qariyb 1000 kilometrlik masofani taxminan 7 soatda bosib o‘tish mumkin bo‘ladi. 👉 @xushnudbek 👈