Natnael Mekonnen

Thank you, Doctor Bedilu Wakjira

*ኦቪድ በኦሜጋ ኤክስፖ ነገ እና እሁድ ተጨማሪ የ1% ቅናሽ ያደርጋል* ኦቪድ ሪል እስቴት ባለፈው ሰኞ በይፋ ባስጀመረውና በአዲስ አበባ ከተማ 5 የተለያዩ ቦታዎች በድምቀት በመካሄድ ላይ በሚገኘው ኦሜጋ (OMEGA) የታላቅ ቅናሽ ሽያጭ ኤክስፖ ነገ እና ከነገ በስቲያ ቤት ለሚገዙ ደንበኞች ተጨማሪ የ1% ቅናሽ እንደሚያደርግ አስታውቋል። የኦቪድ ሪል እስቴት ዋና ስራ አስፈጻሚ አቶ ሙሉቀን ምትኩ በተለይ ለአዲስ አድማስ እንደገለጹት፤ በኤክስፖው የመኖሪያ ቤቶችንና የንግድ ሱቆችን ከ5% እስከ 20% በሚደርስ ቅናሽ እየሸጠ የሚገኘው ኩባንያው ለቅዳሜና እሁድ ብቻ የሚቆይ ተጨማሪ የ1% ቅናሽ ያደርጋል። አቪድ ሪል እስቴት በአሁኑ ወቅት 60 ሺህ ቤቶችን በመገንባት ከተማን እየመሰረተ ከሚገኝበት ኦቪድ ገላን ጉራ ከተማ ፕሮጀክት በተጨማሪ፤ በጉለሌ፣ ቦሌ ጃፓን፣ ቦሌ መድሃኒያለም፣ ጥይት ቤት 2፣ ጫካ እና ጅማ ከሚያከናውናቸው ሰፋፊ ፕሮጀክቶች የመኖሪያ ቤቶችንና የንግድ ሱቆችን በኤክስፖው በቅናሽ ዋጋና በአመቺ የአከፋፈል ስርዓት ለሽያጭ ማብቃቱንም አስታውሰዋል። ኦሜጋ (OMEGA) የታላቅ ቅናሽ ሽያጭ ኤክስፖ በገርጂ የፌዴራል ቤቶች ቅጽር ግቢ፣ በኦቪድ ገላን  ጉራ ከተማ የሽያጭ ማዕከል፣ በአራት ኪሎ ጥይት ቤት ሳይት፣ በኢትዮ ኩባ ወዳጅነት ፓርክና በጎልፍ ክለብ ግቢ እየተከናወነ እንደሚገኝ የጠቆሙት አቶ ሙሉቀን፣ ደንበኞች በሁለቱ ቀናት ወደ አመቻቸው አካባቢ ጎራ በማለት የተጨማሪ ቅናሽ ዕድሉ ተጠቃሚ እንዲሆኑም ጥሪ አቅርበዋል። ባለፈው ሰኞ ረፋድ ላይ በኢትዮ ኩባ ወዳጅነት ፓርክ በተከናወነ ስነስርዓት በተጀመረውና እስከ መጪው ታህሳስ 6 ቀን 2018 ዓ.ም ድረስ በሚቆየው OMEGA የሽያጭ ኤክስፖ፣ ከኦቪድ ሪል እስቴት በተጨማሪ የእህት ኩባንያው ካቮድ ኮመርሻል የንግድ ሱቆችም በቅናሽ ዋጋ እየተሸጡ እንደሚገኙ ይታወቃል። ኦቪድ ሪል እስቴት ከተቋቋመበት ጊዜ አንስቶ ዘመናዊ የግንባታ ቴክኖሎጂዎችን በመጠቀም በከፍተኛ ጥራትና በፍጥነት የሚገነባቸውን ቤቶች በተመጣጣኝ ዋጋ በማቅረብ በርካታ ዜጎችን የቤት ባለቤት ከማድረግ ባለፈ፣ በከፍተኛ ሁኔታ በመናር ላይ የነበረውን የአገሪቱ የመኖሪያ ቤት ገበያ ዋጋ በማረጋጋት ረገድ ከፍተኛ ሚና መጫወቱንም በኤክስፖው መክፈቻ ስነስርዓት ላይ ተገልጿል። ኦቪድ ሆልዲንግ ኦቪድ ሪል እስቴትን ጨምሮ በስሩ በሚገኙት በርካታ ኩባንያዎች በድምሩ ከ10 ሺህ በላይ ለሚሆኑ ዜጎች ቋሚ የስራ ዕድል የፈጠረ ግዙፍ ኩባንያ ሲሆን፤ በታማኝ ግብር ከፋይነት ለአገራዊ ልማት የበኩሉን አስተዋጽኦ በማድረግ በተደጋጋሚ ለሽልማት የበቃው ተቋሙ፤ በ2017 ዓ.ም በድምሩ 1.4 ቢሊዮን ብር ግብር በመክፈሉ ተሸላሚ መሆኑንም ይታወሳል።

የውሸት መረጃን እናጋልጣለን፤ ለእውነት እንቆማለን! ኢህአፓ የሚባል የፖለቲካ ፓርቲ ሰሞኑን “አዲስ አበባ ትናገር” በሚል መፈክር ህዳር 27/2018 የህዝብ ውይይት ሜክሲኮ በሚገኘው ሆቴል ዲ አፍሪክ አዘጋጅቻለሁ እያለ በየማህበራዊ ሚዲያው ማስታወቂያ እያስነገረ መቆየቱ ይታወሳል። ዛሬ ደግሞ የስብሰባ አዳራሽ ኪራይ መንግሥት ነው የከለከለኝ እያለ እርባና ቢስ ውንጀላውን እያናፈሰ እንደሚገኝ ከእዚሁ ከማህበራዊ ሚዲያ መንደር ማወቅ ተችሏል። ጉዳዩ ግን ተቃራኒ ነው። የከተማ አስተዳደሩ ፓርቲው ባቀረበለት ጥያቄ መሰረት ግልጽ ደብዳቤ በመጻፍ የመሰብሰብ ፍቃድ ተሰጥቶአቸዋል። መንግሥት የመሰብሰብ መብት ያረጋግጣል እንጂ ለፖለቲካ ፓርቲዎች የመሰብሰቢያ አዳራሽ ከሆቴሎች የመከራየት ሞራላዊም ሆነ ህጋዊ ግዴታ የለውም። ኢህአፓ ሆይ ካረጀና ካፈጀ የፖለቲካ ቁማርተኝነት ውጣ! እንደዚህ አይነት የሴራ ፖለቲካ ወገኖቻችንን ከፈጀ በኋላ ከደርግ ውድቀት በኋላ ኢህአፓ የሚባል ፓርቲ ህልውናውን ከማጣት አልፎ ስንት ለሀገር የሚጠቅሙ መሪዎቹና አባሎቹ ከኢትዮጵያ ተሰድደው በባዕድ ሀገር አሳራቸውን ሲበሉ እንደነበር የቅርብ ጊዜ ትውስታ ነው። የለውጡ መንግሥት ማንም ስለ ኢትዮጵያ ይመለከተኛል የሚል በህጋዊና ሰላማዊ መንገድ መታገል ይችላል በሚል ጽኑ አቋሙ ነው ኢህአፓን ከሶስት አስርተ ዓመታት በኋላ ወደ ህልውናው ተመልሶ ለሀገሩ ፖለቲካ የሚጠበቅበትን አስተዋጽኦ እንዲያበረክት ሙሉ ፍቃድ የሰጠው። “ባጎረስኩ እጅ ተነከስኩ” ይሉታል ይሄን ነው።

ኢትዮጵያ እንድትበታተን ከሚፈልጉ ኃይሎች ጋር የሚደረግ ግንኙነት አጥፊነት ነው ካፒቴን ማስረሻ ሰጤ 🫡

የአማራ ክልል የሰላም ስምምነት

በትግራይ ክልል መቐለ ከተማ ፕሬዚዳንት ጽሕፈት ቤት አካባቢ ያለው ሁኔታ ምሽቱንም ባለበት መሆኑን ታውቋል የትግራይ "አርሚ 31 እና 22 " ታጣቂ ኃይሎች የፕሬዚዳንት ጽሕፈት ቤት ቢሮ አሁንም እንደከበቡ መሆናቸውን ተረጋግጧል:: የድምፂ ወያኔና ትግራይ ቴሌቪዥን ያለበት አካባቢ አሁንም መንገዶቹ እንደተዘጉ ሲሆኑ ቦታው በታጣቂዎቹ ተከቧል:: ዛሬ ቀን አካባቢ ሐውልቲ ላይ ፍንዳታ ነበር። ድምፂ ወያኔ፣ ትግራይ ቴሌቪዥን ሠራተኞች ከቢሮ እንዲወጡ ተደርገዋል፤ ይህንን ታጣቂዎቹ አሁንም የተቆጣጠሩት ሲሆን በፍንዳታው የተጎዳ ሰው ይኑር አይኑር እስካሁን በትክክል የታወቀ ነገር የለም:: ፍንዳታው የቦምብ ይሁን ሌላ የነፍስ ወከፍ መሳሪያ ባይታወቅም ድምጹ ግን ሰማዕታት ሀውልት ግቢ ካለ ደን ውስጥ ነው የተሰማው። በሌላ በኩል ምሽት እስከ 3 ሰዓት ያለውን ሁኔታ እንዳለ ያለ ሲሆን ተኩስም ነበር:: በጉዳዩ ላይ የክልሉ ግዚያዊ አስተዳደር እስካሁን ያለው ነገር የለም:: ከምሽቱ 4:00 ሰዓት ጀምሮ በመንግስት የስራ ሃላፊነት ላይ የሚገኙ ከፍተኛ የህወሓት ካድሬዎች የተነሳው ተቃውሞ በውይይት ሊፈታ እንደቻለ ፤ ውይይት የተደረሰባቸው ነጥቦች ምን እንደሆኑ ሳይገልፁ በማህበራዊ የትስስር ገፆቻቸው በስፋት በመፃፍ ላይ ይገኛሉ።

ከሐረር መልካም የምስራች ሰማን ከሳምንት በፊት ለሐረሪ ክልላዊ መንግስት የጀግናው አሊ በርኬ ልጅ የትናየት አሊ በርኬ በችግርና በህመም እየተሰቃየች ከባድ ሁኔታ ውስጥ እንደምትገኝና ክልሉ የአቅሙን ድጋፍ እንዲያደርግላት ጥሪ አቅርቤ ነበር። ዛሬ መልካም ዜና ሰምተናል። የሐረሪ ክልል ፕሬዝዳንት ክቡር አቶ ኦርዲን በድሪ እህታችንን አግኝተው በደረሰባት ሁኔታ ማዘናቸውን ገልፀው ለህክምና የሚሆናትን አንድ መቶ ሺ ብር በመስጠት በጥቂት ቀናት ውስጥ ደግሞ ለህመሟ የሚመች ጥሩ መኖሪያ ቤት እንደሚሰጣት አብስረዋታል። የትናየት አሊ በርኬ እንደሚታወቀው በህመሟ ምክኒያት ቤት የሚያከራያት እንኳን አጥታ የምትሰቃይና ልጇን እንኳን ማሳደግ አቅቷት ገዳም ወስዳ እስከመስጠት የደረሰች እህት ነበረች። የሐረሪ ክልል ፕሬዝዳንት ክብር አቶ ኦርዲን በድሪ እንዲሁም የክልሉን መንግስት እጅግ አድርጌ ላመሰግን እወዳለሁ። ዘር ሃይማኖት ሳትሉ የዚህችን ምስኪን እናት ችግር እንደፈታችሁ ፈጣሪ በጎደለው ነገር ሁሉ ይሙላላችሁ። በኢትዮጵያ ህዝብና በመላው ለዚህች ሐገር ዋጋ በከፈሉ የኢትዮጵያ ጀግኖች ስም አመሰግናለሁ።

ከሰላም ውጪ አማራጭ የለም! ልዩ መረጃ ‼️ በአማራ ብሔራዊ ክልላዊ መንግስት እና በአማራ ፋኖ ሕዝባዊ ድርጅት (አፋሕድ) መካከል የዘላቂ ሰላም ስምምነት ተፈርሟል፡፡ ስምምነቱን የክልሉ ርዕሰ መሰተዳድር አረጋ ከበደ እና የአማራ ፋኖ ሕዝባዊ ድርጅትን በመወከል ካፒቴን ማስረሻ ሰጤ ተፈራርመዋል። በአፍሪካ ህብረት እና በኢጋድ አደራዳሪነት ወይይት እና ድርድር ሲካሄድ መቆየቱ የተገለጸ ሲሆን፥ በዚሁ መሰረት የዘላቂ ሰላም ስምምነት ተፈርሟል፡፡ ርዕሰ መሰተዳድሩ በዚሁ ወቅት ባደረጉት ንግግር፥ ዛሬ ለክልላችን ህዝብ የመጀመሪያው ትልቅ የሰላም ኩነት የተካሄደበት ቀን ነው ብለዋል። ከግጭት አሸናፊም ተሸናፊም የለም፥ ከሰላም ሁሉም ያተርፋል፥ ስምምነቱ ለሰላም ወዳድ ህዝባችን ትልቅ እፎይታን ይሰጣል ነው ያሉት፡፡ የህዝብና የመንግስትን ጥሪ ተቀብለው ዘላቂ ሰላም ለማስፈን ለመጡ ወንድሞቻችን እንደ መንግስት አድናቆትና ክብር አለኝ ብለዋል፡፡ የአማራ ፋኖ ሕዝባዊ ድርጅትን (አፋሕድ) በመወከል ስምምነቱን የተፈራረሙት ካፒቴን ማስረሻ ሰጤ ባደረጉት ንግግር፥ ማንኛውም ግጭት መጨረሻው ውይይትና ድርድር ነው ብለዋል። ችግሮችና የሀሳብ ልዩነትን በንግግር መፍታት ፖለቲካዊ ሽንፈት ሳይሆን ጥበብና ብልጠት መሆኑን ገልጸው፥ ችግሮችን ለመፍታት ከኢትዮጵያ ታሪካዊ ጠላቶች ጋር ማበር ተገቢ አለመሆኑን አስገንዝበዋል፡፡ የአፍሪካ ህብረት ኮሚሽን ምክትል ሊቀመንበር አምባሳደር ሰልማ ማሊካ አዳዲ በበኩላቸው፥ ስምምነቱ የሀገሪቱን ቀጣይ መዳረሻ የሚያቃና ነው ብለዋል።

Update Tigray : የትግራይ ታጣቂ ሃይሎች በመቀሌ ከተማ ተኩስ ከፍተዋል:: ታጣቂዎች የድምጸ ወያኔን ቢሮ ሃላፊ ስራ አስኪያጅ በቀጥጥር ስር ማማላቸውም ታውቋል:: ታጣቂዎቹ የኤፍ ኤም ራዲዮና ድምጸ ወያኔን ሰራተኞች ከስቱዲዮ ሙሉ በሙሉ እንዲወጡ አዘው እስቱዲዮዎቹን ተቆጣጥረዋል::

መቐለ Breaking News Loading….

Breaking : የህወሓት ታጣቂዎች የድምፂ ወያነ ቢሮ እና ፕረዝዳንት ፅሕፈት ቤት (ደጀን ቢሮ) ተቆጣጥረዋል። ሰራተኞችን ከቢሮ አስወጥተዋል። ሁለቱን ቢሮዎች መቆጣጠራቸውን ካረጋገጡ በኋላ በሐውልት (የህወሓት ፅሕፈት ቤት) የደስታ ቶክስ ወደ ሰማይ ተተኩሷል።

መቐለ Breaking News Loading….