Natnael Mekonnen

የውሸት መረጃን እናጋልጣለን፤ ለእውነት እንቆማለን! ኢህአፓ የሚባል የፖለቲካ ፓርቲ ሰሞኑን “አዲስ አበባ ትናገር” በሚል መፈክር ህዳር 27/2018 የህዝብ ውይይት ሜክሲኮ በሚገኘው ሆቴል ዲ አፍሪክ አዘጋጅቻለሁ እያለ በየማህበራዊ ሚዲያው ማስታወቂያ እያስነገረ መቆየቱ ይታወሳል። ዛሬ ደግሞ የስብሰባ አዳራሽ ኪራይ መንግሥት ነው የከለከለኝ እያለ እርባና ቢስ ውንጀላውን እያናፈሰ እንደሚገኝ ከእዚሁ ከማህበራዊ ሚዲያ መንደር ማወቅ ተችሏል። ጉዳዩ ግን ተቃራኒ ነው። የከተማ አስተዳደሩ ፓርቲው ባቀረበለት ጥያቄ መሰረት ግልጽ ደብዳቤ በመጻፍ የመሰብሰብ ፍቃድ ተሰጥቶአቸዋል። መንግሥት የመሰብሰብ መብት ያረጋግጣል እንጂ ለፖለቲካ ፓርቲዎች የመሰብሰቢያ አዳራሽ ከሆቴሎች የመከራየት ሞራላዊም ሆነ ህጋዊ ግዴታ የለውም። ኢህአፓ ሆይ ካረጀና ካፈጀ የፖለቲካ ቁማርተኝነት ውጣ! እንደዚህ አይነት የሴራ ፖለቲካ ወገኖቻችንን ከፈጀ በኋላ ከደርግ ውድቀት በኋላ ኢህአፓ የሚባል ፓርቲ ህልውናውን ከማጣት አልፎ ስንት ለሀገር የሚጠቅሙ መሪዎቹና አባሎቹ ከኢትዮጵያ ተሰድደው በባዕድ ሀገር አሳራቸውን ሲበሉ እንደነበር የቅርብ ጊዜ ትውስታ ነው። የለውጡ መንግሥት ማንም ስለ ኢትዮጵያ ይመለከተኛል የሚል በህጋዊና ሰላማዊ መንገድ መታገል ይችላል በሚል ጽኑ አቋሙ ነው ኢህአፓን ከሶስት አስርተ ዓመታት በኋላ ወደ ህልውናው ተመልሶ ለሀገሩ ፖለቲካ የሚጠበቅበትን አስተዋጽኦ እንዲያበረክት ሙሉ ፍቃድ የሰጠው። “ባጎረስኩ እጅ ተነከስኩ” ይሉታል ይሄን ነው።

ኢትዮጵያ እንድትበታተን ከሚፈልጉ ኃይሎች ጋር የሚደረግ ግንኙነት አጥፊነት ነው ካፒቴን ማስረሻ ሰጤ 🫡

የአማራ ክልል የሰላም ስምምነት

በትግራይ ክልል መቐለ ከተማ ፕሬዚዳንት ጽሕፈት ቤት አካባቢ ያለው ሁኔታ ምሽቱንም ባለበት መሆኑን ታውቋል የትግራይ "አርሚ 31 እና 22 " ታጣቂ ኃይሎች የፕሬዚዳንት ጽሕፈት ቤት ቢሮ አሁንም እንደከበቡ መሆናቸውን ተረጋግጧል:: የድምፂ ወያኔና ትግራይ ቴሌቪዥን ያለበት አካባቢ አሁንም መንገዶቹ እንደተዘጉ ሲሆኑ ቦታው በታጣቂዎቹ ተከቧል:: ዛሬ ቀን አካባቢ ሐውልቲ ላይ ፍንዳታ ነበር። ድምፂ ወያኔ፣ ትግራይ ቴሌቪዥን ሠራተኞች ከቢሮ እንዲወጡ ተደርገዋል፤ ይህንን ታጣቂዎቹ አሁንም የተቆጣጠሩት ሲሆን በፍንዳታው የተጎዳ ሰው ይኑር አይኑር እስካሁን በትክክል የታወቀ ነገር የለም:: ፍንዳታው የቦምብ ይሁን ሌላ የነፍስ ወከፍ መሳሪያ ባይታወቅም ድምጹ ግን ሰማዕታት ሀውልት ግቢ ካለ ደን ውስጥ ነው የተሰማው። በሌላ በኩል ምሽት እስከ 3 ሰዓት ያለውን ሁኔታ እንዳለ ያለ ሲሆን ተኩስም ነበር:: በጉዳዩ ላይ የክልሉ ግዚያዊ አስተዳደር እስካሁን ያለው ነገር የለም:: ከምሽቱ 4:00 ሰዓት ጀምሮ በመንግስት የስራ ሃላፊነት ላይ የሚገኙ ከፍተኛ የህወሓት ካድሬዎች የተነሳው ተቃውሞ በውይይት ሊፈታ እንደቻለ ፤ ውይይት የተደረሰባቸው ነጥቦች ምን እንደሆኑ ሳይገልፁ በማህበራዊ የትስስር ገፆቻቸው በስፋት በመፃፍ ላይ ይገኛሉ።

ከሐረር መልካም የምስራች ሰማን ከሳምንት በፊት ለሐረሪ ክልላዊ መንግስት የጀግናው አሊ በርኬ ልጅ የትናየት አሊ በርኬ በችግርና በህመም እየተሰቃየች ከባድ ሁኔታ ውስጥ እንደምትገኝና ክልሉ የአቅሙን ድጋፍ እንዲያደርግላት ጥሪ አቅርቤ ነበር። ዛሬ መልካም ዜና ሰምተናል። የሐረሪ ክልል ፕሬዝዳንት ክቡር አቶ ኦርዲን በድሪ እህታችንን አግኝተው በደረሰባት ሁኔታ ማዘናቸውን ገልፀው ለህክምና የሚሆናትን አንድ መቶ ሺ ብር በመስጠት በጥቂት ቀናት ውስጥ ደግሞ ለህመሟ የሚመች ጥሩ መኖሪያ ቤት እንደሚሰጣት አብስረዋታል። የትናየት አሊ በርኬ እንደሚታወቀው በህመሟ ምክኒያት ቤት የሚያከራያት እንኳን አጥታ የምትሰቃይና ልጇን እንኳን ማሳደግ አቅቷት ገዳም ወስዳ እስከመስጠት የደረሰች እህት ነበረች። የሐረሪ ክልል ፕሬዝዳንት ክብር አቶ ኦርዲን በድሪ እንዲሁም የክልሉን መንግስት እጅግ አድርጌ ላመሰግን እወዳለሁ። ዘር ሃይማኖት ሳትሉ የዚህችን ምስኪን እናት ችግር እንደፈታችሁ ፈጣሪ በጎደለው ነገር ሁሉ ይሙላላችሁ። በኢትዮጵያ ህዝብና በመላው ለዚህች ሐገር ዋጋ በከፈሉ የኢትዮጵያ ጀግኖች ስም አመሰግናለሁ።

ከሰላም ውጪ አማራጭ የለም! ልዩ መረጃ ‼️ በአማራ ብሔራዊ ክልላዊ መንግስት እና በአማራ ፋኖ ሕዝባዊ ድርጅት (አፋሕድ) መካከል የዘላቂ ሰላም ስምምነት ተፈርሟል፡፡ ስምምነቱን የክልሉ ርዕሰ መሰተዳድር አረጋ ከበደ እና የአማራ ፋኖ ሕዝባዊ ድርጅትን በመወከል ካፒቴን ማስረሻ ሰጤ ተፈራርመዋል። በአፍሪካ ህብረት እና በኢጋድ አደራዳሪነት ወይይት እና ድርድር ሲካሄድ መቆየቱ የተገለጸ ሲሆን፥ በዚሁ መሰረት የዘላቂ ሰላም ስምምነት ተፈርሟል፡፡ ርዕሰ መሰተዳድሩ በዚሁ ወቅት ባደረጉት ንግግር፥ ዛሬ ለክልላችን ህዝብ የመጀመሪያው ትልቅ የሰላም ኩነት የተካሄደበት ቀን ነው ብለዋል። ከግጭት አሸናፊም ተሸናፊም የለም፥ ከሰላም ሁሉም ያተርፋል፥ ስምምነቱ ለሰላም ወዳድ ህዝባችን ትልቅ እፎይታን ይሰጣል ነው ያሉት፡፡ የህዝብና የመንግስትን ጥሪ ተቀብለው ዘላቂ ሰላም ለማስፈን ለመጡ ወንድሞቻችን እንደ መንግስት አድናቆትና ክብር አለኝ ብለዋል፡፡ የአማራ ፋኖ ሕዝባዊ ድርጅትን (አፋሕድ) በመወከል ስምምነቱን የተፈራረሙት ካፒቴን ማስረሻ ሰጤ ባደረጉት ንግግር፥ ማንኛውም ግጭት መጨረሻው ውይይትና ድርድር ነው ብለዋል። ችግሮችና የሀሳብ ልዩነትን በንግግር መፍታት ፖለቲካዊ ሽንፈት ሳይሆን ጥበብና ብልጠት መሆኑን ገልጸው፥ ችግሮችን ለመፍታት ከኢትዮጵያ ታሪካዊ ጠላቶች ጋር ማበር ተገቢ አለመሆኑን አስገንዝበዋል፡፡ የአፍሪካ ህብረት ኮሚሽን ምክትል ሊቀመንበር አምባሳደር ሰልማ ማሊካ አዳዲ በበኩላቸው፥ ስምምነቱ የሀገሪቱን ቀጣይ መዳረሻ የሚያቃና ነው ብለዋል።

Update Tigray : የትግራይ ታጣቂ ሃይሎች በመቀሌ ከተማ ተኩስ ከፍተዋል:: ታጣቂዎች የድምጸ ወያኔን ቢሮ ሃላፊ ስራ አስኪያጅ በቀጥጥር ስር ማማላቸውም ታውቋል:: ታጣቂዎቹ የኤፍ ኤም ራዲዮና ድምጸ ወያኔን ሰራተኞች ከስቱዲዮ ሙሉ በሙሉ እንዲወጡ አዘው እስቱዲዮዎቹን ተቆጣጥረዋል::

መቐለ Breaking News Loading….

Breaking : የህወሓት ታጣቂዎች የድምፂ ወያነ ቢሮ እና ፕረዝዳንት ፅሕፈት ቤት (ደጀን ቢሮ) ተቆጣጥረዋል። ሰራተኞችን ከቢሮ አስወጥተዋል። ሁለቱን ቢሮዎች መቆጣጠራቸውን ካረጋገጡ በኋላ በሐውልት (የህወሓት ፅሕፈት ቤት) የደስታ ቶክስ ወደ ሰማይ ተተኩሷል።

መቐለ Breaking News Loading….

ሰበር ዜና : በቶክስ የታጀበው የ TDF ወታደሮች እንቅስቃሴ ! በመቀሌ በሞንጆሪኖ የሚመራው ኃይል የጀኔራል ታደሰ ወረደን ቢሮ በኃይል መቆጣጠሩ እየተነገረ ነው። ዛሬ መቀሌ ከተማ የተፈጠረውን ውጥረት ተከትሎ ታጣቂዎች የአስተዳደር ቢሮዎችን ወደ መቆጣጠር እያመሩ መሆኑን መረጃዎች ይጠቁማሉ።

10 ነጥቦች ከማስረሻ ሰጤ በቅርቡ የሚለቀቅ interview የተወሰደ፤ 1️⃣ ማስረሻ ሰጤ:- በሀገር ውስጥ ህጋዊ መንገድን የማይከተል ጦረኛ ስብስብ ከማንኛውም የውጭ የጦር ቡድን በላይ የሀገር ጠላት ነው። የኢትዮጵያ ደህንነት በህጋዊ እና ተጠያቂ የመንግስት ኃይሎች ብቻ ይጠበቃል፤ ከመንግስት ውጭ የሚሰሩ የጦር ቡድኖች የህገወጥነት እና ሀገር የማፍረስ ትዕዛዝን ከውጭ ጠላቶች በመቀበል ሀገራዊ ስርዓትን የሚያበላሹ ብቻ ናቸው። 2️⃣ የህዝብ ደህንነት ቀዳሚ ነው አለ ካፒቴን ማስረሻ ሰጤ “የተለያዩ የጦር ቡድኖች በሀገር ደረጃ በየቦታው መኖራቸው ለዜጎች ታላቅ ፍርሀት ያመጣል፤ ህዝቡ ጸጥታና ሰላማዊ እንቅስቃሴ ላይ ያተኮረ ሕይወት ይገባዋል። መቼ እና እንዴት እንደሚያልቅ የማይታወቅ ጦርነት ስለሆነብኝ ሰላምን መርጫለሁ። 3️⃣ ማስረሻ ሰጤ:- “ክርክር በመናገር ይፈታል እንጂ በጦርነት አይደለም። በዲሞክራሲያዊ ሀገር የሀሳብ ልዩነት በድምጽ፣ በውይይት እና በህጋዊ መንገድ ይፈታል—በዘመቻ አይደለም። አለቅን እኮ ይበቃናል። አዲስ መንገድ ለሀገራችን ብለናል። መላው አማራ ይህንን መንገድ እንዲመርጥ እንታገላለን ። “ 4️⃣ ማስረሻ ሰጤ :- “ውስጣዊ የአመራር ክፍፍል እና የተከፋፈል ተዋጊ ሀይል ተይዞ ብርቱ ክልልዊና ማንነታዊ ብቃት አይገነባም። የተበታተነ የቡድን አመራር፣ የአካባቢ ግጭቶች እና ውስጣዊ መለያየት የአማራን ህዝብ ብርታት ገድሎታል።ይበቃል። “ 5️⃣ማስረሻ ሰጤ:- “ የማያባራ ግጭት ሁሉንም ማህበረሰባዊ እድገቶችን ይከለክላል። በመንገዶች፣ በት/ቤቶች፣ በጤና እና በቢዝነስ ላይ የሚሰራ እድገት በጦርነት ዘመቻ ላይ ባሉ አካባቢዎች በየጊዜው ይቆማል። እስከመቼ? ስለዚህ ሰላም የሁሉም ቁልፍ ነው።ሰላምን መርጠናል። “ 6️⃣ ማስረሻ ሰጤ:- “ፋኖ ያልተደራጀ የጦር ስብስብ ነው ለቋሚ ጠላቶች እና የውጭ ኃይሎች መሣሪያ እየሆነ ነው።ይህንን ከዚህ በኋላ አልቀበልም። “ 7️⃣ ማስረሻ ሰጤ:- “ወጣቶች በጦርነት ህይወታቸው እየተቀጠፈ ማየት ሰለቸኝ። ዘለው ያልጨረሱ ልጆች በትምህርት እና በስራ መጠንከር ሲገባቸው እንዲሁ ሲባክኑ ማየት ሰለቸኝ። እያለቁ ያሉ ወጣቶች ለቤተሰብ እና ለሀገር የሚጠቅሙ ናቸው።” 8️⃣ ማስረሻ ሰጤ:- የሕዝብ የምሬት እና የማንነት ጥያቄዎች ድምጽ አሁን በፋኖ ስም ከተዘረጋ ቡድን ምላሽ አያገኝም። የተቋማት ባለሙያዎች፣ ሃይማኖታዊ መሪዎች በሕጋዊ መንገድ የህዝብ ተወካዮች ናቸው—በዘመቻ ሳይሆን በሰላማዊ ትግል አቋማቸውን መግለጽ እና ማሳመን የሚያቅታቸው አይደሉም። አቅማቸውን አሟጠን አልተጠቀምንባቸውም ። 9️⃣ ማስረሻ ሰጤ:- “የአማራ ጉዳይ በመልካም ተግባራት እንጂ በግፍ ግድያዎች አይፈታም። ፍትህ በሰላም ይመጣል፤ ግፍ የትኛውንም ትክክለኛ ጉዳይ ያጨልማል ።” 🔟 ማስረሻ ሰጤ:- “ብርቱ ክልል በብርቱ ተቆጣጣሪ ተቋማት ይገነባል። የፖሊስ፣ የደህንነት እና የአስተዳደር ተቋማት ሁል ጊዜ የተሻለ ሰላማዊ ስርዓት ይፈልጋሉ፤ ይህን ስርዓት በመገዳደል ሊፈጥር የሚችል የተደራጀ ቡድን እንኳን በእውን በህልምም የለም።”

የትግራይ የጸጥታ ኃይሎች አባላት የጊዜያዊ አስተዳደሩን ቢሮ መክበባቸውን ለቢቢሲ ትግርኛ ገልፀዋል። የትግራይ የጸጥታ ኃይሎች አባላት “የደመወዝ ክፍያ ዘገየ” በሚል ቅሬታቸውን መሳሪያዎቻቸውን ይዘው የትግራይ ጊዜያዊ አስተዳደር ህንፃን ከበውታል። የአርሚ 31 ጦር 71 አባላት ትናንት ረቡዕ ምሽት ከአራጉሬ (እንደርታ) አካባቢ ወደ መቀሌ መጥተው አመፅ እንዳስነሱ ታውቋል። ዛሬ ጠዋት የአስተዳደር ህንፃውን ከበውታል። ከዚህ በተጨማሪ የ “አርሚ 31 ኮር 312 ክፍለ ጦር ረመፅ የሚባለው ዛሬ ህዳር 25/2018 ዓ.ም 5:05 የመሳሪያ ማስቀመጫ መጋዘን በመስበር ትጥቃቸውን በመታጠቅ ከነሩበት ቦታ ወደ መቀሌ በመገስገስ ላይ መሆናቸውን የአዩዘሀበሻ ምንጮች ጠቁመዋል። የፌደራል መንግሥቱ በጀት በወቅቱ ባለመልቀቁ በትግራይ ክልል ደመወዝ በወቅቱ መክፈል እንዳልተቻለ የትግራይ ጊዚያዊ አስተዳደር እንዲሁም ህወሃት በተናጠል ለፌደራል መንግስቱ ቅሬታ ማቅረባቸው ይታወሳል።