د. سـنـد | 𝘁𝘂𝗺𝗯𝗹𝗿 𝕏

لمن تمر بفترة حزن "لا تعزل نفسك"، حتى اذا متحب تحجي مو مشكلة بس ابقى قريب من ناس تشعر وياهم بالامن النفسي، حتى لو وانت صامت. #دكتور_علي_السند

الخوف المستمر أو المتكرر من المستقبل... يدمر وظائف الجسم بالكامل! لأن الجسد لا يفرّق بين تهديد حقيقي وخيال ذهني، فيظل في حالة طوارئ دائمة، فتنهار المناعة، يضطرب الهضم، يتشوش النوم، ويُستنزف الدماغ. ●- القلق لت يحل مشكلات الغد، لكنه يدمر طاقات اليوم!. #الدكتور_علي_السند

✍️من العيادة: مريضة سألتني: “دكتور ليش اتعب بدون سبب؟ كلشي يجهدني، حتى التفكير" سألتها عن نومها، أكلها، حركتها، ضغطها… وآخر شي توقفت وسألتها: “منو يسمعلج هاليومين؟” سكتت وما جاوبت!.. #دكتور_علي_السند

شنو المواضيع الي تحبون نحچي بيها؟ شاركونا اقتراحاتكم، هنا او على البوت @Ho_pebot

فيتامين "C”، يُقلّل مدة المرض ويحفز الخلايا البلعمية المناعية بجسمك. البرتقال، الكيوي، الليمون، كلهم أصدقاء خلاياك المناعية. ملاحظة: المدخنون يحتاجون كمية اكبر من فيتامين C مقارنة بغير المدخنين!.. #الدكتور_علي_السند

"النفور التالي للحميمية" (Post-coital Dysphoria) انسحاب وشعور بالذنب والغرابة والانزعاج بعد العلاقة!.. وقد يكون نتيجة لـ: • ذاكرة جسدية قديمة لحدث مؤذٍ (حتى لو نسيته عقلياً) • أو ارتباط اللاوعي باللذة مع الذنب أو الخوف • أو غياب الأمان العاطفي رغم القرب الجسدي الدماغ مو دايماً يفرق بين المتعة والأذى، لذلك إذا ارتبطت العلاقة عندك بـ ألم قديم، راح “يحميك” بـ النفور. النفور هنا مو دليل كره،هو دليل إن اكو شي بداخلك مو مفهوم بعد، يحتاج لان يُفهم.

اذا سمحت لاراء الناس عنك ان تتحكم بتصرفاتك، لن تتطور شخصيتك ابدا!.. خض التجربة بغض النظر عن آراء الناس،حينها سوف تتعلم وتتطور..

لما تأكل خبز أبيض، جسمك يتعامل وياه كأنه سكر سريع الذوبان، يرتفع الإنسولين فجأة، وبعدين يسحب السكر فجأة! والنتيجة= تعب، نهم، وتخزين دهون، فهو مصدر غذائي فقير نوعيا.. بينما خبز الحبوب الكاملة يشبع أكثر، يهضم ببطء، يحافظ على سكر الدم مستقر، ويغذي بكتيريا أمعاءك النافعة.. #الدكتور_علي_السند

-تحليل الـD-Dimer -مرات يضطر جسمك لتكوين جلطة مؤقتة لحماية وضع طارئ (نزيف، إصابة، التهاب…) لكن بعد زوال الخطر، يقوم بحلّ او اذابة هذه الجلطة بنفسه، حتى ما تذهب وتغلق وعاء دموي مهم مثل شريان في القلب أو الرئة. -خلال عملية التفكيك للجلطة، تبقى شظايا صغيرة من الفيبرين في دمك -شظايا غير مؤذية- لكنها تشهد على معركة خفية دارت في أوعيتك. هذه الشظايا اسمها: D-dimer. إذا طلع طبيعي= غالبًا ما عندك جلطة. إذا مرتفع= يعني احتمال وجود جلطة، أو التهاب، أو شي كبير يستحق التحري. التحليل مو روتيني وينطلب فقط إذا كان عندك أعراض مقلقة (مثل ألم بالصدر، تورم بالأرجل، ضيق تنفس…) أو شك طبي في وجود جلطة لا سامح الله محروسين جميعا #دكتور_علي_السند

الوسواس القهري مو وساوس وسلوكيات فقط، هو قلق عميق لبس قناع المنطق! وخلاك تمارس طقوس حتى تطفي نار ما تنطفي!.. #الدكتور_علي_السند

❝ما بعد البوح… ليس كما قبله.❞ ‏ ‏في جلسة واحدة، يكتشف المراهق أن ما كان يسميه “جنونا” هو مجرد خوف ناقص التفسير. وأن صراعه مع بيئته… لم يكن “وقاحة”، بل محاولة بدائية ليقول: أنا موجوع، بس ما أعرف أحچي. العلاج النفسي مو حديث نُخب، ولا رفاهية مترفة. هو فرصة حقيقية لفهم الذات، قبل ما يعلق الإنسان وسط قرارات أكبر من عمره!. #الدكتور_علي_السند

الشاي بعد الوجبة= “راحة”، “مزاج”، “تقاليد”… لكنه علميًا: التانينات الموجودة في الشاي ترتبط بالحديد غير الهيمي (النباتي بالخصوص)، وتُمنع امتصاصه في الأمعاء بنسبة قد تصل لـ70%. والنتيجة= تعب مزمن، شحوب، تساقط شعر، وربما أنيميا مقاومة للعلاج!! خصوصًا إذا كنت: -نباتي/نباتية - أو امرأة في سن الإنجاب -أو طفل في طور النمو #الدكتور_علي_السند

اني تغيرت .. مو نفسي القديم.. كلمة حلوة وجميلة جدا عندما يتغير احد الاشخاص للافضل يكولها.. لكن اكو تفصيلة صغيرة لا تفوتك.. انت من تتغير العالم حولك ما متغير، فاكو خطر انتكاس ترجع على وضعك السابق.. فهلي التغير مالك بوعي وكول "انا تغيرت، رغم ان العالم حولي ما تغير.. وراح استمر".. #الدكتور_علي_السند

❝ Trauma is not in the story… it’s in the nervous system ❞ 🩺 الصدمة ما تنتهي بنهاية الموقف، تنتهي لما جهازك العصبي يقتنع أنك بأمان. لكن إن ظليتَ تتعامل مع العالم بنفس “لغة الخطر” القديمة فكل شي بسيط يبدو كـ تهديد لك.

“مو كل تعبك من قلة النوم، بعضه من قلة البروتين.” كثير من الناس يفكر أن الإرهاق الصباحي يعني نقص نوم… بس في الحقيقة: ممكن تكون نايم 8 ساعات لكن ماكو أحماض أمينية كافية تبني لك هرموناتك. جسمك يحتاج بروتين حتى يخلق: • الدوبامين (للتركيز والتحفيز) • السيروتونين (للمزاج والراحة) • الهرمونات الجنسية (للطاقة والدفعة الحياتية) فركز ان تضيف بروتين متوازن لاكلك. #د_علي_السند

🩺 من العيادة: “أنا أتعب من الناس بسرعة، حتى لو ماكو خلاف، بس أحسهم يسحبون من طاقتي.” برأيكم شنو الحل؟