Operativ Media

Hazırda Bakıda müşahidə edilən yağışlı hava şəraiti ilə əlaqədar olaraq Zığ dairəsi-Hava Limanı yolunda bəzi zolaqlar üzrə sürət həddi 20 km/saat endirilib.

⚡️İranın xarici işlər naziri bu gün Azərbaycana gələcək Sabah Abbas Əraqçının bir sıra yüksəksəviyyəli görüşlər keçirəcəyi və siyasi məsləhətləşmələr aparacağı bildirilir.

⚡️The Economist: Evdə və məktəbdə süni intellekt uşaqlığı dəyişir ● Uşaqlar süni intellektin həm öncülləri, həm də sınaq obyektləridir. Süni intellekt real istifadəçi davranışlarını, sual tiplərini və ünsiyyət formalarını müşahidə edib öyrənir. ● Amerikalı yeniyetmələr həm evdə, həm də məktəbdə valideynlərindən daha çox süni intellektdən istifadə edirlər. ● Tədqiqatlar göstərir ki, süni intellektlə işləyən şagirdlərin beyin fəaliyyəti azalır və yazdıqları mətni daha zəif xatırlayırlar. ● Süni intellekt uşaqların ev həyatı və əyləncəsini də dəyişir. Yeniyetmələr arasında süni intellekt “dostları” geniş yayılıb, bəziləri hətta şəxsi mövzuları real insanlardan çox süni intelleklə bölüşürlər. ● Hökumətlər artıq uşaqlar üçün süni intellekt məhdudiyyətləri hazırlayır.

Prezidenti İlham Əliyev Qırğız Respublikasının Nazirlər Kabineti sədrinin müavini Bakıt Torobayevin rəhbərlik etdiyi nümayəndə heyətini qəbul edib.

⚡️Mingəçevirdə 1 yaşlı körpəni binanın zirzəmisinə atan valideyn saxlanılıb Faktla bağlı cinayət işi başlanıb

⚡Biləsuvarın Bağbanlar kəndində "Lexsus" markalı minik avtomobilinin kanala aşması nəticəsində 5 nəfər ölüb.

Hikmət Hacıyev Körfəz Əməkdaşlıq Şurasının (KƏŞ) baş katibi Casim Məhəmməd əl-Budeyvi ilə görüşüb.

Qurban Qurbanov: "Ayaks"ın oyunlarına baxmışıq. Son matçda sistemdə dəyişiklik etdilər. Ola bilər ki, əvvəl etdiyimiz təhlil dəyişsin, tam fərqli düşüncədə olaq. Belə olanda əlavə düşüncə lazım olacaq. Şansa gəldikdə, qarşıda bundan əlavə iki oyunumuz da var. Bakıda oynayırıq, yaxşı nəticə üçün hər şeyi etməyə çalışacağıq. Amma rəqib də bunu düşünür. Çalışacağıq ki, intizamlı oynayaq və nəticə qazanaq".

⚡️Dohada keçirilən panel müzakirəsində çıxış edən Prezidentin köməkçisi Hikmət Hacıyev Zəngəzur dəhlizindən danışıb: ● Armen Qriqoryan bildirib ki, Vaşinqton sammitində əldə olunan razılaşmaya əsasən Ermənistan bu yolu “TRIPP” adlandırır. Ermənistan əmindir ki, TRIPP təkcə region üçün yox, onun hüdudlarından kənarda olan ölkələr və biznes üçün də böyük imkanlar açacaq. ● Hikmət Hacıyev qeyd edib ki, 8 avqust razılaşması mühüm əhəmiyyətə malikdir. Bu kontekstdə Azərbaycan “Zəngəzur dəhlizi” terminindən istifadə edir: "Ermənistan tərəfinin bu məsələyə fərqli yanaşmasından xəbərdarıq. Ümid edirik ki, iki ölkə arasında yeganə problem terminologiya olacaq".

⚡️Paşinyan: Biz Azərbaycanın ərazi bütövlüyünü tanıdıq ki, özümüz də ölkəmizin ərazi bütövlüyünü tanıya bilək

⚡️Donald Tramp İlham Əliyevə məktub ünvanlayıb

Prezident Birləşmiş Ərəb Əmirliklərinin bir sıra şirkətlərinin rəhbərlərini qəbul edib

Suriya ilə Türkiyə, eləcə də Türkiyə ilə Azərbaycan arasında enerji dəhlizi gələcəkdə son dərəcə sərfəli ola bilər Bu barədə ABŞ-ın Türkiyədəki səfiri Tom Barak bildirib. O, Türkiyə ilə əlaqələrin Azərbaycan və Ermənistan üçün həlledici rol oynadığını vurğulayıb. Diplomatın sözlərinə görə, Bakı ilə İrəvan arasında sülh sazişi imzalandıqdan sonra Ermənistan-Türkiyə sərhədinin açılmasına ümid yaranacaq.

⚡️Armen Qriqoriyan: ● Əgər iki il əvvəl biz Azərbaycanla ziddiyyətli narrativləri müzakirə edirdiksə, indi çox oxşar narrativlərimiz var. ● Hazırda İrəvan və Bakı arasında bəzi mövqelər üst-üstə düşməsə də, əminəm ki, tərəflər əməkdaşlığı möhkəmləndirəcəklər. ● Hər iki tərəfin siyasi iradəsi lazımdır və beynəlxalq ictimaiyyət sülhün qurulmasına dəstək göstərə bilər.

SOCAR prezidenti "Söndür və Qazan" trendinə qoşulub Energetika Nazirliyinin enerji qənaətinin təşviqinə yönəlmiş "SöndürVəQazan" kampaniyasına yüksək vəzifəli şəxslər də qoşulmağa başlayıb. Operativ Media xəbər verir ki, onlardan biri SOCAR prezidenti Rövşən Nəcəfdir. Paylaşımda qeyd olunur ki, enerjidən səmərəli istifadə gələcək üçün ən dəyərli investisiyalardan biridir. O, gündəlik davranışlarda kiçik dəyişikliklərin böyük təsir yarada biləcəyini vurğulayaraq, cəmiyyəti enerji səmərəliliyini həyat tərzinə çevirməyə çağırıb.

⚡️Dəməşq hava limanını SOCAR yanacaqla təmin edəcək.

Azərbaycan və Rusiya Baş nazirləri arasında telefon danışığı olub.