Qazaqstan.tv

🔴Алматыда жолаушы автобустан құлап, омыртқасын сындырып алды Оқиға қоғамдық көліктегі бейнебақылау камерасына түсіп қалған. Кадрда қоғамдық көлік жүргізушісі әйел адам есіктен шығып үлгермей жүріп кеткені көрінеді. Салдарынан құлап, омыртқа жотасынан жарақат алған. 📌Автопарк өкілдерінің мәліметінше, жүргізуші оны жеке көлікпен ауруханаға жеткізіп, рентген ақысын төлеп, қосымша шығындарына 50 мың теңге берген. 🖇Алматы қалалық Полиция департаменті оқыс жағдайға байланысты тергеу басталғанын хабарлады.

📌Биыл халықаралық олимпиадалар мен ғылыми байқауларға қатысқан әрбір екінші оқушы жүлдемен оралған Ал жиі айтылып жүрген жасанды интеллект 2025 жылы мектеп бағдарламасына ресми түрде енгізілді. ⏰Жалпы оқу-ағарту саласында жаңалық көп. Толығырақ 20:00-де «Ақпараттан» көріңіз!

❓Бауыржан Момышұлы жазған қандай шығарманы білесіз? 📚Бауыржан Момышұлының балалық шағынан сыр шертетін «Ұшқан ұя» повесті 1947 жылы жазылған. Автор кітапта өсіп – өнген ортасы мен алған таным – тағылымын, әжесінен естіген аңыз-әңгімелерін жазады. Ұлт азаттық көтерілісі, ашаршылық жылдары туралы да сөз қозғалған. Қалыңмал жойылып, «әйел теңдігі» туралы айтыла бастаған кезең сипатталған. ❓Повесть туралы тағы қандай мәлімет бар? Кеңес Одағының батыры, жазушы Бауыржан Момышұлының басқа қандай туындылары бар? 🎥Толығырақ видеодан көріңіз.

📞 Қасым-Жомарт Тоқаев АҚШ Президенті Дональд Трамппен телефон арқылы мазмұнды әңгіме өрбітті 🇰🇿🇺🇸Мемлекеттер басшылары екіжақты күн тәртібі мен халықаралық ахуал, соның ішінде Украина проблематикасы жөнінде пікір алмасты. Қасым-Жомарт Тоқаев биыл қараша айында Вашингтонға жасаған сапары кезінде қол жеткізілген уағдаластықтарды толық іске асыруға ниетті екенін айтты. Қазақстан Президенті Украина қақтығысын реттеудің күрделі сипатына назар аударды. Өйткені бұл шиеленісте территориялық келіспеушілік басты мәселеге айналып отыр. Сондықтан қазіргі нақты жағдайды ескере отырып, екі жақтың мәмілеге келуі маңызды. Еліміз барлық тарапты төзімділік, икемділік және кәсібилік танытып, бейбітшілік формуласын іздеуді жалғастыруға шақырады. Бұл ретте Қазақстан араағайын емес, бірақ қажет болған жағдайда келіссөз алаңын ұсынуға дайын. Қасым-Жомарт Тоқаев Дональд Трамптың көшбасшылық қасиеті арқасында бірқатар халықаралық әскери қақтығыс тоқтап, АҚШ-тың ішкі әлеуетін күшейтуде оң нәтижеге қол жеткізілгенін атап өтті. Мемлекет басшысы Америка Президентін өзіне қолайлы уақытта Қазақстанға сапармен келуге шақырды. Бұл екіжақты қарым-қатынастағы тарихи уақиға болатынына сенім білдірді.

Мемлекет басшысы «Бәйтерек» ұлттық инвестициялық холдингінің басқарма төрағасы Рустам Қарағойшинді қабылдады ✔️Президентке холдингтің биыл атқарған қызметінің қорытындылары, сондай-ақ ұйымды трансформациялау және экономикалық дамудың стратегиялық басымдықтарын іске асыру аясында жүргізілген жұмыстар жөнінде баяндалды. Рустам Қарағойшин: ➤ биыл холдинг ел экономикасына жалпы сомасы 9 триллион теңге қолдау көрсеткенін айтты. ✔️Қаражат бизнеске жәрдем беруге, агроөнеркәсіп кешенін дамытуға, тұрғын үй құрылысы мен ипотекалық несиелерге бағытталған. ➤ осы жылы республика бойынша 25 мыңға жуық жоба қаржыландырылғаны жөнінде ақпарат берді. ➤ «Даму» қоры базасында құрылған кепілдік қорларының қызмет нәтижелерін таныстырды. ✔️Аталған қорлар шағын және орта бизнес жобаларын, сондай-ақ өңдеу өнеркәсібі мен инфрақұрылым салаларындағы ірі инвестициялық бастамаларға көмек көрсетеді. ➤ инвестициялық холдингтің жұмыс моделі туралы мәлімдеді. ✔️Бұл «Инвестицияға тапсырыс» қалыптастыру, ірі стратегиялық жобаларды сүйемелдеу, сондай-ақ тікелей шетелдік инвестицияларды тарту тетіктерін дамытуды қарастырады. ✔️Қазір жалпы құны 87 триллион теңгеге жуық, 1,5 мың инвестициялық жобадан тұратын пул жасақталды. Президент: ❗️инвестициялар тарту және экономиканың нақты секторын қаржыландыру аясын кеңейтудің маңызын атап өтті; 📌«Бәйтерек» холдингіне басым инвестициялық жобаларды одан әрі іске асыруды және экономикаға ұзақ мерзімді капитал тартуды қамтамасыз ету бойынша тапсырма берді.

Әйгілі актер Джеки Чан Олимпиада алауы эстафетасына қатысты Джеки Чан Миланда өтетін қысқы Олимпиада ойындарының алауы эстафетасына қатысты. Ол Олимпиада факелін ежелгі Помпей қаласында алып жүрді. Эстафетаны әрі қарай Италия футболының аңыздары Фабио Каннаваро мен Чиро Феррара Неапольде жалғастырады. Жаңа жыл мерекесі күндері алау Помпей аумағында уақытша тоқтайды. Қысқы Олимпиаданың ашылу салтанаты 6 ақпанда өтеді. Осы уақытқа дейін Олимпиада алауы Италияның 110 провинциясын қамтитын 12 мың шақырымдық жолдан өтеді.

💸Қарызы бар шағын кәсіп иелерінің шоттары бірден бұғатталмайды Енді шағын бизнес үшін салық берешегін өндіріп алу шегі көтерілді. Бұрын қарыз 26 мың теңгеден асса, шоттар бұғатталатын. Енді 87 мың теңгеге дейін тек хабарлама жіберіледі, шоттар жабылмайды. Бұл өзгерістер Үкімет отырысында талқыланды. Сонымен қатар, жоспарлы салық тексерулерінен бас тартылып, тексерулер тек тәуекелдер бойынша жүргізіледі, есептілік те қысқарады.

Президент Қасым-Жомарт Тоқаев Бас прокуратура, Мемлекеттік күзет қызметі, Ішкі істер министрлігі қызметкерлеріне пәтер кілтін табыстады 🟦Жаңа жыл қарсаңында прокуратура мен күштік құрылымның бір топ қызметкері баспаналы болды. 🟦Мемлекет басшысы Ақордада өткен салтанатты рәсімде сөйлеген сөзінде ұлт қауіпсіздігін қамтамасыз ету, азаматтардың құқығын қорғау және қоғамдық тәртіпті сақтау стратегиялық маңызы айрықша міндет екеніне назар аударды.

– Сіздер ел тыныштығын қырағы қорғап, тұрақтылықты сақтауға зор үлес қосып жүрсіздер. Қоғамда «Заң мен тәртіп» және әділдік қағидатын орнықтыру үшін табанды еңбек етіп келесіздер. Жұмыстарыңыз – оңай емес, күрделі. Соған қарамастан кәсіби білікті, жауапкершілігі жоғары маман ретінде елімізге адал қызмет етіп жатсыздар. Баршаңызға шынайы ризашылығымды білдіремін. Мінсіз қызмет қашанда жоғары бағалануға тиіс. Мемлекет өздеріңіз сияқты өз ісіне адал азаматтарды әрдайым қолдайды, – деді Қасым-Жомарт Тоқаев.

Президент Қасым-Жомарт Тоқаев Бас прокуратура, Мемлекеттік күзет қызметі, Ішкі істер министрлігі қызметкерлеріне пәтер кілтін табыстады 🟦Жаңа жыл қарсаңында прокуратура мен күштік құрылымның бір топ қызметкері баспаналы болды. 🟦Мемлекет басшысы Ақордада өткен салтанатты рәсімде сөйлеген сөзінде ұлт қауіпсіздігін қамтамасыз ету, азаматтардың құқығын қорғау және қоғамдық тәртіпті сақтау стратегиялық маңызы айрықша міндет екеніне назар аударды.

– Сіздер ел тыныштығын қырағы қорғап, тұрақтылықты сақтауға зор үлес қосып жүрсіздер. Қоғамда «Заң мен тәртіп» және әділдік қағидатын орнықтыру үшін табанды еңбек етіп келесіздер. Жұмыстарыңыз – оңай емес, күрделі. Соған қарамастан кәсіби білікті, жауапкершілігі жоғары маман ретінде елімізге адал қызмет етіп жатсыздар. Баршаңызға шынайы ризашылығымды білдіремін. Мінсіз қызмет қашанда жоғары бағалануға тиіс. Мемлекет өздеріңіз сияқты өз ісіне адал азаматтарды әрдайым қолдайды, – деді Қасым-Жомарт Тоқаев.

🎞Аты аңызға айналған «Тақиялы періште» фильміне – 56 жыл Жарты ғасырдан астам уақыт өтсе де, комедиялық туынды халқымыздың сүйікті фильмдерінің қатарынан түскен емес. ⚜️Қазақ киносының алтын қорына енген үздік туындыны 1 қаңтар ⏰23:20-да «Qazaqstan» телеарнасынан көріңіздер! 📹Instagram 📹TikTok 💬WhatsApp 📒Facebook

Қазақ елі Асанәлі Әшімовті ақтық сапарға шығарып салды Бүгін Алматыда абыз ақсақал, аңыз актер Асанәлі Әшімовті ақтық сапарға шығарып салу рәсімі өтті. Абай атындағы Қазақ ұлттық опера және балет театрында өткен қоштасу рәсіміне мәдениет пен өнер өкілдері, қоғам қайраткерлері, әріптестері, шәкірттері және қала тұрғындары жиналды. Қаралы жиында Мемлекеттік кеңесші Ерлан Қарин Президент Қасым-Жомарт Тоқаевтың көңіл айту жеделхатын оқыды. Қазақ өнерінің саңлағы, Халық әртісі Асанәлі Әшімов 88 жасында өмірден өтті. Ол шығармашылық жолында 30-дан астам рөл сомдап, «Қыз Жібек», «Атаманның ақыры», «Ермак», «Транссібір экспресі» секілді фильмдер арқылы қазақ киносының алтын қорында мәңгі қалды.

🏫Қазақстанда соңғы үш жылда 622 мектеп және 633 емхана салынды Қазақстан халқының саны жыл сайын шамамен 250 мың адамға артып келеді, өсім орташа есеппен - 1,2%. Бұл туралы Үкімет отырысының қорытындысы бойынша өткен баспасөз мәслихатында Премьер-министрдің орынбасары - Ұлттық экономика министрі Серік Жұманғарин мәлімдеді. 🔵Ол жыл сайын 350 мың бала өмірге келетінін, кейбір жылдары 400 мыңға дейін жететінін атап өтті. Бұл мектеп, балабақша, емхана салуды, педагогтер, дәрігерлер штатын ұлғайтуды қажет етеді. Сонымен бірге мұғалімдер мен медицина қызметкерлеріне еңбекақы төлеу шығыны да өсуде.

«Жыл сайынғы қажеттілік шамамен 145 мектеп пен 100 емхананы құрайды. Соңғы үш жылда біз 622 мектеп, жылына орта есеппен 207 мектеп және 633 емхана, жылына орта есеппен 211 емхана салдық», - деп атап өтті Серік Жұманғарин.

2025 жыл: Қазақстандық өнерпаздардың әлемдік сахнадағы жетістіктері 2025 жыл қазақ өнері үшін жарқын басталды. Димаш Құдайберген Нью-Йорктегі Madison Square Garden сахнасында жеке концерт беріп, қазақ өнерін әлемге танытты. Жыл жас өнерпаздар үшін де табысты болды: 🎵Ержан Максим – Sanremo Best Song–2025 (Дубай) Гран-при; 🎵Александр Лим – «Жаңа толқын–2025» (Қазан) Гран-при; 🎵Алмагүл Батталиева – «Славян базары» Гран-при; 🎵El Voice тобы – Soldier’s Envelope–2025 (Ставрополь) Гран-при; 🎵Мирас Нағашыбай – «Витебск» балалар байқауының жеңімпазы; 🎵Жасмин Түзелова – «Голос. Дети» финалисі; 🎵Amre (Ернар Садырбаев) – «Интервидение–2025» финалисі. 2025 жылы өнерпаздар әлемдегі ең ірі музыкалық байқауларда өнер көрсетті. 2025 жылы шығармашылық оқу орындары студенттерінің халықаралық және республикалық байқаулардағы жеңісі 14,9%-ға артты. 1511 студент лауреат пен дипломант атанды.

🎉Жаңа жылға жап-жаңа iPhone 16 сыйлаймыз! ⤵️Байқау шарттары: 1. @qazaqstantv Instagram парақшасына жазылу; 2. Эфирде шығатын сыйлық қораптарының санын дәл анықтау; 3. Мына посттың астына 5 досыңды белгілеу. 31 желтоқсан 21:00-де «Жақсылықпен кел, жаңа жыл!» мерекелік бағдарламасы шығады. Бағдарлама барысында эфирден қызыл және сары түсті сыйлық қораптары көрсетіледі. Олардың санын дәл тауып, 5 қаңтар жарияланатын байқау туралы посттың астына өз жауаптарыңызды жазасыздар. Мысалы: 5 қорап, 3 қызыл, 2 сары ✈️Алғашқы әрі дұрыс жауап берген көрермен жеңімпаз атанады. Жеңімпазға iPhone 16 смартфоны сыйлыққа беріледі. 📌Ескерту: ҚР Салық кодексінің 327-бабына сәйкес, жеңімпаз ұтыстың 10%-ы көлемінде жеке табыс салығын төлеуі тиіс. 31 желтоқсан күні байқау басталғаны туралы қосымша хабарландыру болады. 🪄Баршаңызға сәттілік тілейміз! 📹Instagram 📹TikTok 💬WhatsApp 📒Facebook

🎺 Қазақстанның әскери музыканттары Дохадан жүлдемен оралды Қазақстан Қарулы күштерінің әскери музыканттары Дохада өткен І Халықаралық әскери музыка фестивалінде сәтті өнер көрсетті. Шетелдік көрермендер әскери және ұлттық әуендерді, саптық сымбат пен хореографияны үйлестіре білген қазақстандық әртістердің кәсібилігін жоғары бағалады. Фестивальде орталық әскери оркестр, би тобы, Ұлттық әскери-патриоттық орталық, фольклорлық-этнографиялық оркестр және Қорғаныс министрлігінің Құрмет қарауыл ротасы өнер көрсетті. Байқауға Қазақстанмен қатар Ұлыбритания, АҚШ, Түркия, Ирландия, Иордания, Оман және Катардың элиталық әскери оркестрлері қатысты.

🏘Маңғыстауда 100 мыңнан астам адам тұрғын үй жеңілдіктерінен айырылды Маңғыстау облысында шенеуніктердің салғырттығынан 100 мыңнан астам тұрғын уақытша тұрғын үй жеңілдіктерін ала алмаған. Тексеру барысында тұрғын үй жеңілдіктеріне құқығы бар азаматтар санаты заңнамаға енгізілген өзгерістерге сәйкес 2-ден 12 санатқа дейін кеңейтілгені белгілі болды. Алайда облыстық мәслихат бұл өзгерістерді өз шешіміне уақтылы енгізбеген. Соның салдарынан мыңдаған адам тұрғын үй бағдарламалары аясында бастапқы жарнаны төлеу мен пәтер құнының бір бөлігін өтеу кезінде мемлекеттік қолдауды пайдалана алмаған.

ШҚО-да жүкті әйел тікұшақпен облыс орталығына жеткізілді Шығыс Қазақстандағы Алтай қаласында шұғыл медициналық көмекке мұқтаж жүкті әйел тікұшақпен Өскеменге жеткізілді. Босану мерзімі жақындаған анаға жедел жәрдеммен жол жүру денсаулығына байланысты мүмкін болмаған. Сонымен қатар ауа райының қолайсыздығына байланысты Өскемен–Алтай–Үлкен Нарын–Қатонқарағай бағытындағы автожол жабық болды. Осыған орай ТЖМ-нің «Қазавиаспас» тікұшағы жұмылдырылып, санитарлық авиация дәрігерлері әуеде медициналық көмек көрсетті.