Natnael Mekonnen

እስሩ ቀጥሏል! ከሀገራችን ባህልና ወግ ባፈነገጠ መልኩ የማህበራዊ ሚዲያን ሲጠቀሙ የነበሩ ግለሰቦች በቁጥጥር ስር ውለው ምርመራ እየተጣራባቸው መሆኑን የአዲስ አበባ ፖሊስ ጠቅላይ መምሪያ አስታወቀ። ከማህበራዊ ሚዲያ ፕላትፎርም አንዱ የሆነውን ቲክቶክ በመጠቀም ከሀገራችን ባህልና ወግ ያፈነገጡ መልዕክቶችና ምስሎችን ሲያስተላልፉ የነበሩ ግለሠቦችን በቁጥጥር ስር በማዋል ምርመራ እየተጣራባቸው ይገኛል። በቲክቶክ ስሙ Lil_jay ወይም ጎይጋር ኮት ውይዋል እና ከእርሱ ጋር ያልተገባ አፀያፊ ድርጊት ስትፈጽም የነበረችው ኸሊሌ ጊቦ አያና የተባሉ ግለሠቦች የቲክቶክ አካውንት በመጠቀም ለመልካም ጠባይና ስነ ምግባር ተቃራኒ የሆነ መልዕክትንና ተንቀሳቃሽ ምስልን በቀጥታ ሲያስተላልፉ በመገኘታቸው ታህሳስ 02 ቀን 2018 ዓ/ም በለሚ ኩራ ክ/ከተማ ወረዳ 9 ልዩ ቦታው ፍሊንትስቶን ሆምስ ከሚባል ቦታ በቁጥጥር ስር ውለዋል። በተመሳሳይ በቲክቶክ ስሙ ፕሬዚዳንት ማሜ ወይም ባህሩዲን ሙሰማ ከሀገራችን ባህልና ወግ ያፈነገጡ መልዕክቶችን ሲያስተላልፍ በቦሌ ክ/ከተማ ወረዳ 1 ልዩ ቦታው ቦሌ ሚካኤል ጃፋር መስጅድ አካባቢ በቁጥጥር ስር ውሏል። ፖሊስ “ ማህበራዊ ሚዲያን ለበጎ ተግባራትና ትውልድን ለማነጽ መጠቀም ሲገባ ትውልድን ወደ አላስፈላጊ ድርጊት እንዲገባ የሚያስተምሩና የሚገፋፉ መሠል እኩይ ተግባራትን በሚፈጽሙ ግለሠቦችና ቡድኖች ላይ የሚወሰደው ህጋዊ ርምጃ ተጠናክሮ ይቀጥላል “ ብሏል።

ዛሬ 3 ዘመናዊ ባለ 10 ወለል ስማርት የወረዳ የአስተዳደር ሕንፃዎችን ገንብተን ወደ ሥራ አስገብተናል። በከተማችን የመንግሥት አገልግሎት አሰጣጥን ለማሻሻል ከተከናወኑ በርካታ ተግባራት መካከል አንዱ ለህዝብ ቅርብ የሆኑ የወረዳ አገልግሎት መስጫዎችን ማዘመን፣ በበቂ የሰው ኃይል ማደራጀት፣ በቴክኖሎጂ መደገፍ፣ እንዲሁም ለአገልግሎት ሰጪውና ለተገልጋዩ ማኅበረሰብ ምቹ የስራ ቦታን መፍጠር ይገኝበታል። እነዚህ ስማርት የአስተዳደር ሕንፃዎች አገልግሎትን ወደ አንድ ማዕከል በመሰብሰብ፣ የተገልጋዩ ጊዜና ሀብት እንዳይባክን በማድረግ፣ እንግልትና ውጣ ውረድን በመቀነስ፣ በአንድ ማዕከል ፈጣንና ቀልጣፋ የወረዳ አገልግሎቶችን ማግኘት እንዲያስችሉ ተደርገው የተገነቡ ናቸው። ሕንፃዎቹ ዘመናዊ የመኪና ማቆሚያ፤ የልጆች ማቆያና መጫወቻ ስፍራ፤ ውብ፣ ጽዱና አረንጓዴ ቅጥር ጊቢ እንዲኖራቸው ተደርገው ተገንብተዋል። በተጨማሪም አካል ጉዳተኞችንና አቅመ ደካሞችን ታሳቢ ያደረጉ ሊፍቶች የተገጠሙላቸው ናቸው። በመሆኑም ዛሬ በልደታ እና ንፋስ ስልክ ላፍቶ ክፍለ ከተማ በሶስት ወረዳዎች ስራ ያስጀመርናቸው ባለ 10 ወለል ስማርት የአገልግሎት መስጫ የአስተዳደር ሕንፃዎች ከተማችንን ስማርት/ስሉጥ ከተማ ለማድረግ የጀመርነው ስራ አካል በመሆናቸው፣ በቀሪዎቹ ወረዳዎች ላይ የማስፋትና የማብዛት ሥራ በቀጣይም ተጠናክሮ ይቀጥላል። ፈጣሪ ኢትዮጵያን እና ሕዝቦቿን ይባርክ! ከንቲባ አዳነች አቤቤ

ሜሮን መብራህቱ የተባለች ወጣትን የገደለው ወንጀለኛ በእድሜ ልክ ፅኑ እስራት ተቀጣ። የፍርድ ውሳኔው ከሦስት ዓመት በላይ ጊዜ ፈጅቷል። የ23 ዓመቷ ሜሮን መብራህቱ የካቲት 18 /2015 ዓ.ም በመቐለ የአውቶቡስ መናሃሪያ አከባቢ ነው በባጃጅ ተገድላ ተጥላ የተገኘችው። በግድያው ተጠርጥሮ ክስ የተመሰረተበት በላይ ፀጋይ የተባለ ግለሰብ ነው። ጉዳዩን የያዘው የመቐለ ማእከላዊ ፍርድ በወጣት ሜሮን መብራህቱ ግድያ የተከሰሰውን ግለሰብ ወንጀለኛነቱን አረጋግጦ ዛሬ ሀሙስ ታህሳስ 2/2018 ዓ.ም የፍርድ ውሳኔ ሰጥቷል። ወንጀለኛው ግለሰብ ግድያውን ጨለማን ተገን በማድረግ መፈፀሙ የተገለጸ ሲሆን ይህ የጭካኔ ድርጊቱ አልበቃ ብሎት የፈጸመውን እኩይ ተግባሩን ለመደበቅ ጥረት ማድረጉ የፍርድ ቅጣቱን ከባድ አድርጎታል። ፍርድ ቤቱ ግለሰቡን በእድሜ ልክ ፅኑ እስራት እንዲቀጣ ወስኗል። ይህ የፍርድ ውሳኔ የተላለፈው ከሦስት ዓመት በላይ ጊዜ ከወሰደ በኋላ ነው። ምንጭ ቲክቫህ ኢትዮጵያ

ድሮም ጀሞሮ ባንዳነት አለ። የምናውቀው ነው። በጣሊያን ግዜ አገራቸውን ትተው ሕዝባቸውን ክደው ከጠላት ጋር የተሰለፉ ነበሩ። አሁንም በየቦታው ባንዳ ማየታችን ሊደንቀን አይገባም።

ሰሞኑን በቡድን ከነትጥቃቸው ሰላም ይሽለናል በማለት እጃቸውን ለመከላኪያ ሰራዊት የሰጡት የፋኖ አመራሮችና ታጣቂዎች በአሁን ሰአት በአዲስ አበባ መግለጭ እየሰጡ ይገኛሉ:: ሙሉ ዘርዝር መረጃውን ከሰዕታት በኃላ ይዤ እመለሳለሁ::

አሻም ቴሌቪዥን ሙሉ በሙሉ ስርጭት ማቆሙን አሳወቀ ከአሻም ሚዲያ ትሬዲንግ አክሲዮን ማህበር የቦርድ አባላት የተሰጠ ይፋዊ መግለጫ እንደሚከተለው ቀርቧል። አሻም ሚዲያ ትሬዲንግ አክሲዮን ማህበር ከተመሰረተችበት ባለፉት 8 ዓመታት ጀምሮ በማህበራዊ ፣ ኢኮኖሚያዊና ፖለቲካዊ ጉዳዮች ዙሪያ በዜናና ወቅታዊ እንዲሁም በመዝናኛ ዝግጅቶች መረጃዎችን በቴሌቪዥን እና በተለያዩ የማህበራዊ ሚዲያ አማራጮቿ ስታደርስ ቆይታለች፡፡ ይሁን እንጂ አሻም ሚዲያ ትሬዲንግ አክሲዮን ማህበር ስራዋን ለመቀጠል አቅም ስለሌላት በቴሌቪዥንም ሆነ በየትኛውም የማህበራዊ ሚዲያ አማራጮቿ ከዛሬ ታህሳስ 01 ቀን 2018 ዓ.ም ጀምሮ ሙሉ በሙሉ በይፋ ስርጭት ማቆሟን ለማሳወቅ እንወዳለን፡፡ ስለሆነም ከተጠቀሰው ጊዜ ጀምሮ የአሻም ሚዲያ መታወቂያ በመያዝ ወይም የሚዲያዋን ሎጎ በመጠቀም በየትኛውም ሁነት (Event) ፣ በእቅድ ዜና ወይም ፕሮግራም ፣ በስልጠና መድረክ ፣ ቃለ-መጠይቅ እና በመሰል ጉዳዮች ላይ የሚገኙ (የሚሳተፉ) ባለሞያዎች የሚዲያ ተቋሙን እንደማይወክሉ ለሁሉም የግልና መንግስታዊ ተቋማት እንዲሁም ግለሰቦች ጭምር በትህትና ለማሳወቅ እንወዳለን፡፡ ባለፉት 8 ዓመታት ከአሻም ሚዲያ ትሬዲንግ አክሲዮን ማህበር ጋር አብራችሁ ለዘለቃችሁ ለውድ ተመልካቶቻችንና ተከታታዮቻችን ልባዊ ምስጋናችን ላቅ ያለ ነው፡፡

የኢትዮጵያ ፌደራል ፖሊስ አዶናይ ብርሃነ ሀ/ሚካኤል የተባለ ተጠርጣሪን በቁጥጥር ሥር አውሎ ምርመራ እያጣራ መሆኑን ገለፀ ‎የኢትዮጵያ ፌደራል ፖሊስ አዶናይ ብርሃነ ሀ/ሚካኤል የተባለ ተጠርጣሪን በቁጥጥር ሥር አውሎ ምርመራ እያጣራ መሆኑን ገልጿል። አዶናይ ብርሃነ ሀ/ሚካኤል በቁጥጥር ሥር ሊውል የቻለው ‎ከኢትዮጵያ ሕዝብ ባህል እና መልካም ሥነ-ምግባር በተቃራኒ በሕዝብ ዘንድ ተቀባይነት የሌለው አስነዋሪ አለባበስ ለብሰው በአደባባይ እና በቴሌቪዥን ቀጥታ ስርጭት የታዩት አምስት ተጠርጣሪዎች በቁጥጥር በዋሉበት የወንጀል ጉዳይ ጋር በተያያዘ መሆኑን የኢትዮጵያ ፌደራል ፖሊስ አስታውቋል። ዕውቅና እና ገንዘብ ለማግኘት ብቻ በማሰብ ሚዲያዎችን ኃላፊነት በጎደለው አኳሃን እየተጠቀሙ በተለይ ወጣቱ ትውልድ በመልካም ሥነ ምግባር ተቀርጾ ሀገርን የሚጠቅሙ ተግባራትን እንዳያከናውንና በተቃራኒው በትውልዱ ላይ ርካሽ ባህልን ለመጫ የሚደረገው ተግባር ለመከላከል የኢትዮጵያ ፌደራል ፖሊስ የጀመረውን ምርመራ አጠናክሮ እንደሚቀጥል ያስታውቃል።

ቲክቶከሮቹ አዶናይ እና ጃኒ ዛሬ አመሻሽ ታስረዋል። አዶናይ እና ጃኒ ማምሻውን በጸጥታ ሀይሎች ቁጥጥር ስር መዋላቸው ታውቋል።”ስግጥ ፍምስ” በሚል የሚታወቀው አዶናይ ከጃኒ ጋር ዛሬ በፖሊስ ተይዘው ታስረዋል።

🇪🇹 እንኳን ደስ አለን! 🎉 የወላይታ ህዝብ የዘመን መለወጫ በአል ጊፋታ በዩኔስኮ የማይዳሰሱ የአለም ቅርሶች ተመዘገበ! በህንድ ኒው ደልሂ እየተካሄደ የሚገኘው የዩኔስኮ 20ኛው ጉባኤ ጊፋታን የአለም ቅርስ አድርጎ መዝግቧል። ይህንን ድንቅ ባህል ጠብቆ ላቆየው፤ ላዳበረው፤ ለተረከበው የወላይታ ህዝብ እና ለመላው ኢትዮጵያን በሙሉ እንኳን ደስ አለን! የኢትዮጵያን ውብ ባህል፣ ተፈጥሮና ታሪክ ለአለም ገልጠን የምናሳይበት ወቅት አሁን ነው! የቱሪዝም ሚኒስትር ሰላማዊት ካሳ

የመሬት ልማትና አስተዳደር ቢሮ በብልሹ አሰራር ውስጥ ተዘፍቀው በተገኙ አመራሮችና ባለሙያዎች ላይ እርምጃ እየወሰድኩ ነው ብሏል። ይህን እኩይ ተግባር ለመከላከል የሚደረገውን ጥረት ህብረተሰቡ ተጨባጭ መረጃዎችን በጥቆማ መቀበያ ነፃ የስልክ መስመር 7079 አልያም በአካል ቀርቦ መረጃ በመስጠት እንዲያግዝም ተጠይቋል። ብልሹ አሰራር በሀገር ኢኮኖሚ ላይ ከሚያደርሰው ተፅዕኖ ጎን ለጎን የህብረተሰቡን የመልማት ፍላጎት በመንፈግ የመልካም አስተዳደር ችግር ይሆናል። የአዲስ አበባ ከተማ አስተዳደር መሬት ልማትና አስተዳደር ቢሮም በየጊዜው የሚነሱ ብልሹ አሰራሮችንና የመልካም አስተዳደር ችግሮችን ለመቅረፍ አሰራርን በማዘመን አገልግሎቶች በቴክኖሎጅ እንዲታገዙ አድርጓል። ከዚህ ጎን ለጎንም የመልካም አስተዳደር መንስኤ የሆኑና በብልሹ አሰራር ውስጥ በተዘፈቁ አመራሮችና ባለሙያዎች ላይም የእርምት እርምጃ ወስዷል እየወሰደም ነው። ቢሮው የሰነዳቸው መረጃዎች እንደሚያመላክቱት በ2017/18 በጀት ዓመት በብልሹ አሰራር ውስጥ ተዘፍቀው የተገኙ 138 አመራርና ሠራተኞችን በመለየት 66ቱን ከስራ ማሰናበትን ጨምሮ በከባድ የዲሲፕሊን ቅጣት የተቀሩት ደግሞ በቀላል የዲስፕሊን ቅጣት እንዲቀጡ አድርጓል። ከዚህ በተጨማሪም በተለያየ መንገድ ጥቆማ ቀርቦባቸው ማስረጃ ያልተገኘባቸውን 84 የተቋሙ ሰራተኞች ከነበሩበት ክፍለ ከተማ እንዲዘዋወሩ ተደርጓል። በቀጣይም በሀገር እድገት ላይ ፀር የሆነውን ይህን ብልሹ አሰራር እንደ ተቋም ሙሉ ለሙሉ ለማስቆም እየተደረገ ያለውን ዘርፈ ብዙ ተግባር ህብረተሰቡም ተጨባጭ መረጃዎችን በጥቆማ መቀበያ ነፃ የስልክ መስመር 7079 አልያም በአካል ቀርቦ መረጃ በመስጠት እንዲያግዝ ቢሮው ጥሪ አቅርቧል።

የእስር ዜና፡ ቲክቶክሩ እና ድምፃዊ ጆሲ በፖሊስ ቁጥጥር ስር ዋለ:: በቲክቶክ ማኅበራዊ ሚዲያ መድረክ ላይ ባለው ስራው እና በሙዚቃ ሥራዎቹ የሚታወቀው ወጣት ጆሲ (Josie) ትላንትና አመሻሽ ላይ በፌዴራል ፖሊስ ቁጥጥር ስር መዋሉ ተዘገበ። ሪፖርቶች እንደሚያመለክቱት፣ የጆሲ መታሰር ምክንያት በቅርቡ በተካሄደው የቲክቶክ ሽልማት (TikTok Awards) ሥነ-ሥርዓት ላይ ሙሉ ቀይ ቀለም ያለው ልብስ ለብሶ መቅረቡ ነው። የጆሲ ማብራሪያ፡ አርቲስቱ አለባበሱን የመረጠበት ዋናው ዓላማ ስለ ሴቶች የወር አበባ ጤና (menstrual health) ግንዛቤ ለማስጨበጥ መሆኑን ገልጿል ነበር ከዛ ይቅርታ ማለቱ ተመላክቷል:: ጆሲ ከዚህ ቀደም በተመሳሳይ ‘አግባብ ያልሆነ አለባበስ’ በሚል ምክንያት በቁጥጥር ስር ውለው ከነበሩ ሌሎች ቲክቶከሮች ጋር ተደባልቆ መታሰሩ ታውቋል። የፌዴራል ፖሊስ ከዚህ ቀደም የቲክቶክ ሽልማት ሥነ-ሥርዓት ላይ የታዩ ከባህል የወጡ የአለባበስ ጉዳዮችን እየመረመረ መሆኑን ፍንጭ ሰጥቶ የነበረ ሲሆን፣ አሁን የተወሰደው እርምጃም የዚያ ክትትል አካል እንደሆነ ተዘግቧል።

አዲሱ የሌቦች ዘዴ ኢትዮጵያ ውስጥ የመንግስት ባለስልጣናት የሚገኙበትን ማንኛውንም ስብሰባና Event ልክ እንደመንግስት አካል ተከታትለው የሚሳተፉ የመንግስት ሰዎች ነን የሚሉ ግን ምንም ውስጥ የሌሉ ግለሰቦች በዝተዋል። አላማቸው በቦታው ከሚገኙ ባለስልጣናት ጋር ፎቶ በመነሳት ከመንግስት ጋር ግንኙነት እንዳላቸው ለህዝቡ ማሳየት ነው። ሰሞኑን እየሰማሁ ያለሁት ነገር ይገርማል። የዘመኑ አጭበርባሪዎች ፋሽን የመንግስት ሰዎችን ስለማውቅ ጉዳይህን ልግደልልህ የሚል ሆኗል። ከተማው ላይ ሁሉም ቦታ የምታገኟቸው ግለሰቦች፣ በማይመለከታቸው ስብሰባና መድረክ ዘንጠው ከፊት የሚቀመጡ ሰዎች፣ ባለሃብት ነን ብለው ሚዲያ ላይ በማጮህና የመንግስት ባለስልጣናትን በማስጨነቅ አብረዋቸው ምሳ በመብላትና ፎቶ በመነሳት ከነሱ ጋር የተለየ ግንኙነት እንዳላቸው በማስመሰል ራሳቸውን አድራጊ ፈጣሪ አድርገው በህዝብ ጭንቅላት ውስጥ በመሳል ሰዎችን "ይህንን ጉዳይ ላስፈፅምላችሁ፣ እገሌ ከሚባለው ባለስልጣን ጋር ላስተዋውቃችሁ" በማለት በሚሊየን የሚቆጠር ገንዘብ የሚዘርፉ ብዙ ሰዎችን እያየን ነው። ተደርሶባቸውም በቅርቡ የታሰሩ አሉ። በዚህ ብቻ አይበቃም። እነዚህ ሰዎች መንግስትን የሚደግፉ መስለው ጠቅላይ ሚኒስትሩን ወይም ክብርት ከንቲባዋን ብቻ በመነጠል ለሰው ልጅ የማይቀርብ ሙገሳና ከንቱ ውዳሴ ሲደረድሩ በመዋል፣ ከባለሃብቶች ጉዳይ እናስፈፅምላችሁ፣ ሚኒስትር እገሌ በግል ያናግረኛል፣ የእንትን ሚኒስትሩ ጓደኛዬ ነው በማለት መንግስት ላይ እንደተውሳክ ተጣብቀው የግል ፍላጎታቸውን የሚያካሂዱ ብዙዎችን እያየን ነው። በደምብ እስከማውቀው ድረስ ጠቅላይ ሚኒስትሩም ሆኑ ሌሎቹ አመራሮች ከንቱ ውዳሴና አምልኮ ቀረሽ ሙገሳን አብዝተው የሚጠየፉ ናቸው። መሪን ማክበርና መንግስትን መደገፍ ልክና ስርአት አለው ከዚያ ባለፈ ግን መስመር የዘለለ ማሽቃበጥ በመጀመሪያ ደረጃ ራሳቸው መሪዎቹን ምቾት ይነሳል ሲቀጥል ደግሞ ከልብ ያልሆነ ውዳሴ ስለሆነ የውሸት ነው። አሁን ኩላሊቱ እጅግ ጤነኛ ለሆነ መሪ ከመሬት ተነስተው "አስፈላጊ ከሆነ ለአብቹ የአካል ክፍሌን ቆርጬ እሰጣለሁ" የሚሉ ሰዎች ችግር ቢፈጠር ፍሬቻ ሳያበሩ የሚታጠፉ አጭበርባሪዎች ናቸው። ከዚህ ባለፈ እንዲህ አይነት መስመር የዘለለ ከንቱ ውዳሴ ሐገሪቱ በአንድ ግለሰብ ብቻ የምትመራ አድርጎ ከመሳል ያለፈ አንዳች ፖለቲካዊ ትርፍ የለውም። እንደነዚህ አይነት ሰዎች ለመንግስት ጠላት ከመፈብረክና ሐገረ መንግስቱን በተለየ መልክ ከመሳል ያለፈ አንዳች ጥቅም የላቸውም። በዚህ አመት ፖሊስ እየወሰደ ያለው እርምጃ የመንግስትን አቋም በደምብ ያሳያችሁ ይመስለኛል። ባለሃብት ነኝ ብለህ በየሄድክበት የመንግስት ደጋፊነትህን ስለተናገርክ በወንጀል ከመጠየቅ አታመልጥም። መንግስትን እደግፋለሁ ብለህ በብሔር ውስጥ በመሸሸግ ህዝብና ህዝብን ስታባላ ከተገኘህ ብልፅግናን ከመደገፍ አልፈህ ብታመልከውም ትታሰራለህ። (ዳለቻን አስታውስ) የመከላከያን ልብስ ለብሰህ መሬት እስኪጠብህ ብትንጎማለል፣ ቀን ከሌት የጠቅላይ ሚኒስትሩን ስም እያወደስክ ብትውል፣ ከፈለከው ሚኒስትርና ከፍተኛ ባለስልጣን ጋር ምሳ የምትበላ ሰው ብትሆን፣ በመንግስት ደጋፊነት ስም ምስኪኑ ህዝብ ላይ የፈለኩትን የማድረግ ልዩ ፍቃድ አለኝ ያልክ ቀን ራስህን እስር ቤት ታገኘዋለህ። በኢትዮጵያ ምድር ሁሉም ሰው በህግ ፊት እኩል ነው። እዚህ ጋር ሳልናገር የማላልፈው በተለይ ባለሃብቶች እገሌ ከመንግስት ጋር ግንኙነት አለው በማለት ሚዲያ ላይ ከአስሩ ባለስልጣን ጋር እየተለጠፈ ፎቶ ለተነሳ ሁሉ አታሸርግዱ። እኔ ያለኝ መብት፣ አንድ ባለስልጣን ያለው መብት፣ አንድ ደሃ ያለው መብት፣ በኢትዮጵያ ሰማይ ስር እኩል ነው። እኩልም ሊሆን ይገባል። የራሱን ፎቶ ከጠቅላይ ሚኒስትሩ ጋር እያቀናበረ የቤተመንግስት ባለሟል እንደሆነ የሚያስመስል ቀጣፊ የመንግስት ደጋፊ ነኝ ባይ አንዳች የሚፈይድላችሁ ነገር የለም። አብዛኞቹ መሬት ጠበበን የሚሉ ሰዎችን እላይ ያሉ ሰዎች ከነመፈጠራቸውም አያውቋቸውም። እኔን ጨምሮ ከመንግስት ጋር የተለየ ግንኙነት ያለን የሚመስሏችሁ ሰዎች ከየትኛውም ባለስልጣንና የጦር መሪ ጋር ምንም አይነት ግንኙነት እንደሌለን ልነግራችሁ እፈልጋለሁ። አትሞኙ። መብታችሁ የሆነን ጉዳይ በህጋዊና በህጋዊ መንገድ ብቻ ሄዳችሁ ጨርሱ። ምንም ያህል መንገዱ ከባድ ቢሆን መብታችሁን ለሆነ ግለሰብ አሳልፋችሀየ አትስጡ። ከዚህ ውጪ ለመንግስት የበኩር ልጅ ነን በሚሉ ሰዎች ሃብት ንበረታችሁን እንዳታጡ እመክራችኋለሁ። ሌሎቻችሁም አደብ ግዙ። ዶክተር አብይን እንደምትሉት ከልብ የምትወዱ ከሆነ ሃላፊነት የሚሰማው ዜጋ ሁኑለት። እነዚህ እይታዎቼ ላለፉት 3 አመታት ኢትዮጵያ በብዛት ስመላለስ የታዘብኳቸው እና ያየኃቸው እውነታዎች ናቸው::