Еўрарадыё | Еврорадио

Каля 20 палітвязняў, якіх вызвалілі 13 снежня, едуць у Вільню. Сярод іх — Павел Севярынец і Уладзь Лабковіч. Аўтобус ужо знаходзіцца на тэрыторыі Літвы. Яго прыбыццё чакаецца ў 12:15 Фота @euroradio

На час працы Усебеларускага народнага сходу хостынг-правайдары абмяжуюць доступ з-за мяжы да беларускіх сайтаў. Абмежаванні ўведзеныя да 23:59 19 снежня 2025 года. У HostFly адзначаюць, што праца рэсурсаў унутры краіны застанецца без зменаў. Аднак могуць адбывацца збоі ў праектах, інтэграваных з іншымі платформамі

22 гады пазбаўлення волі. Такое пакаранне прысудзілі беларусу Сяргею Ерамееву, абвінавачанаму ў тэрактах, якія адбыліся ў лістападзе 2023 года на Байкала-Амурскай магістралі. Пра гэта паведамляе 2-і Усходні акруговы вайсковы суд Расіі. Беларуса абвінавацілі ва ўдзеле ў тэрарыстычнай супольнасці, здзяйсненні тэрарыстычных актаў, праходжанні навучання ў мэтах ажыццяўлення тэрарыстычнай дзейнасці, незаконнай кантрабандзе выбуховых прылад і іх захоўванні.

Ноччу ратавальнікі працягвалі працаваць на месцы выбуху ў доме ў Гомелі. Жывых людзей пад заваламі не выяўлена.

Каго глядзець/слухаць сёння на @euroradio? Трымайце анонс эфіраў на чацвер (час пазначаны беларускі): 14:00 — сацыёлаг Філіп Біканаў у праграме "Ідэя Х" 15:00 — прадстаўніца АПК па эканоміцы і фінансах Аліса Рыжычэнка Глядзіце стрымы на ютуб-канале Еўрарадыё, задавайце пытанні!

Сустрэча Марыі Калеснікавай з сястрой. Яны не бачыліся больш за 5 гадоў. Прыкладна а 4-й раніцы 109 палітвязняў, якіх вывезлі ва Украіну, прыбылі ў Варшаву. У польскай сталіцы іх сустракалі родныя і блізкія. Відэа @euroradio

Важныя падзеі і сэнсы серады, 17 снежня, у праграме ЕЎРАЗУМ: 01:37 Лукашэнка марыць нарасціць экспарт у Афрыку да 1 млрд долараў. Але ці магчыма гэта ўвогуле? 09:25 Навіны спорту 12:12 Незалежныя медыі — гэта вам не Tinder. Расказваем, ці псуюць журналістаў гранты 26:16 Навіны шоу-бізу 29:32 Мусіў стаць Дзедам Марозам, але трапіў за краты. Гісторыя былога палітвязня Паўла Вінаградава

"Гэта было вельмі падобна на спробу праверыць, “свой ці чужы”. Мы папрасілі эксперта па медыях разабраць інтэрв'ю, якое Віктар Бабарыка даў украінскаму блогеру Уладзіміру Золкіну. "Бабарыка шмат разоў кажа, што не ведае сітуацыі": https://euroradio.fm/shto-geta-bylo-razbor-intervyu-babaryki-zolkinu-ad-medyyaeksperta З Беларусі — без VPN

⚡️ Вызваленыя 13 снежня палітвязні прыедуць у Варшаву ўночы на 18 снежня ці ўжо раніцай. Цяпер яны праходзяць афармленне на мяжы Украіны і Польшчы. Сустрэць іх можна будзе ля Цэнтра Беларускай Салідарнасці ў Варшаве па адрасе: вуліца Алеандруў, 6 (Oleandrów 6). Дакладны час стане вядомы пасля таго, як палітвязні перасякуць мяжу і апынуцца ў Польшчы. "Мы сустракаем людзей, якія вяртаюцца да жыцця пасля гадоў турэмна-палітычнага пераследу. Яны прайшлі вельмі цяжкі шлях, перажылі знясіленне і траўматычны досвед, наступствы якога не знікаюць у дзень вызвалення. Мы звяртаемся да беларусаў і беларусак, да журналістаў і да ўсёй грамадскасці з просьбай быць уважлівымі і асцярожнымі. Важна памятаць, што не для ўсіх сёння свята: побач застаюцца сем’і, чые родныя ўсё яшчэ знаходзяцца за кратамі", — папярэджваюць у Аб'яднаным пераходным кабінеце.

Алеся Бяляцкага ўзнагародзілі медалём Аб'яднанага пераходнага кабінета. Вызвалены 13 снежня Нобелеўскі лаўрэат атрымаў узнагароду падчас Каляднага прыёма Святланы Ціханоўскай. Вось кавалачак з яго прамовы: "Трэба дамагацца, каб беларускі рэжым спыніў запалоненне новых палітычных зняволеных, бо інакш гэты гандаль будзе працягвацца бясконца. Трэба дамагацца, каб сітуацыя ў Беларусі змянілася ў лепшы бок, і Беларусь стала сапраўды дэмакратычнай і незалежнай краінай. Нягледзячы на тое, што цяпер мы перажываем нялёгкія, драматычныя, цяжкія часы, і ўвесь беларускі народ цяпер знаходзіцца ў паняволі, я перакананы: нашае імкненне зрабіць Беларусь сапраўды еўрапейскай дасць свой плён".

Разблакаваў тэлефон, калі быў на допыце — атрымаў на яго шпіёнскую праграму. Стала вядома пра "ResidentBat", з дапамогай якога КДБ ужо чатыры гады сочыць за беларусамі. Шпіёнскае ПА дае доступ да ўсяго. Падрабязней: https://euroradio.fm/dlya-sachennya-praz-telefony-kdb-vykarystouvae-raney-nevyadomuyu-shpiyonskuyu-pragramu З Беларусі — без VPN

"Можна было б з вялікай нацяжкай патлумачыць абсурдныя выказванні адносна вайны, калі б Бабарыка рыхтаваўся да выбараў". Палітолаг Павел Усаў спрабуе зразумець, што адбылося на ўкраінскай прэс-канферэнцыі вызваленых палітвязняў. Ён лічыць, што ўседзець на двух крэслах у Віктара Бабарыкі не атрымаецца: "Сёння ты ці на баку людзей, якія гінуць за сваю айчыну, ці за агрэсара. Трэцяга шляху не існуе". Цалкам сённяшні стрым са спадаром Усавым глядзіце тут: https://www.youtube.com/watch?v=nKaghYjAFZg

У Мінску з'явілася сувязь 5G. Пакуль што літаральна на некалькіх вуліцах у цэнтры і ў квартале "Мінск-Свет". У лістападзе на канферэнцыі A1 TechDay 2025 першы намміністра сувязі Павел Ткач казаў, што сувязь новага пакалення ў тэставым рэжыме з'явіцца ў Беларусі ўжо сёлета. Ну і вось! Чытайце болей: сёлета ў Беларусі з'явяцца вышкі 5G расійскай вытворчасці

Расійскі акцёр Дзмітрый Нагіеў назваў "СВА" вайной і сказаў, што стаміўся ад вайсковых фільмаў. На яго імгненна накаталі данос. На прэм'еры навагодняй стужкі "Ялінкі 12" Нагіеў патлумачыў папулярнасць гэтай франшызы тым, што гледачы стаміліся ад шэрасці і бруду фільмаў пра вайну. А "Ялінкі" ствараюць ілюзію "мірнага шчаслівага жыцця". Далей журналістка запыталася ў яго пра "асабістыя авантуры і яркія падзеі ў жыцці за апошні год". Акцёр адрэагаваў так: — Ты ў мяне пытаешся на чацвёртым гозе вайны, якія авантуры адбыліся ў маім жыцці? Данос на Нагіева напісаў дэпутат Курскай абласной думы ад "Адзінай Расіі" Дзмітрый Гуліеў. Маўляў, выказванні акцёра ўсхвалявалі ўдзельнікаў "СВА" (так у Расіі называюць вайну ва Украіне). — Чарговае пудзіла вырашыла выказацца [...], вельмі цяжка яму жывецца за мяжой. А ў Курскай вобласці ўсё кайфуюць", — напісаў Гуліеў.

У Запарожжы расійская авіябомба патрапіла ў шматпавярховік. Параненыя 29 чалавек, сярод іх пяцёра дзяцей. Выратаваны адзін кот.

"На шакаладку грошай ужо не хапіла". Мы распыталі былых палітвязняў, як святкуюць Новы год у калоніі і ў турме. "Трэба пабываць у турме, каб зразумець, як гэтыя "маленькія радасці "змяняюць жыццё": https://euroradio.fm/na-shakaladku-groshay-uzho-ne-khapila-yak-svyatkavali-novy-god-u-kalonii-i-turme З Беларусі — без VPN

Рыцарскі клуб “Барысфен” з Магілёва прызналі “экстрэмісцкім фармірафаннем”. Яго кіраўніка Паўла Станкевіча, толькі нядаўна адпушчанага на волю пасля 30 дзён арышту, перазатрымалі.

У Барысаве без святла засталіся 9 шматкватэрных дамоў. Гэта адбылося праз двайную аварыю: спярша прарвала цепласеткі, а пасля вада з труб трапіла на токаводныя часткі трансфарматарнай падстанцыі. Яна застаецца адключанай. Энергетыкі працуюць над аднаўленнем электразабеспячэння.

Камісія па трансгендарным пераходзе дазволіла працэдуру 16 беларусам і беларускам. Гэта самы высокі паказчык за тры гады. Шмат для каго дазвол стаў нечаканасцю: https://euroradio.fm /u-belarusi-15-lyudzyam-dazvolili-transperakhod-geta-samy-vysoki-pakazchyk A гэтая спасылка адкрыецца і без VPN