Еўрарадыё | Еврорадио

Па спадарожнікавых здымках з Беларусі вызначылі меркаванае месца, дзе разгорнуты расійскі "Арэшнік". Гэта былы вайсковы аэрадром "Крычаў-6" у Магілёўскай вобласці — усяго за 5 км ад мяжы з Расіяй. Даследчыкі "на 90%" упэўненыя, што на здымках сэрвісу Planet Labs менавіта "Арэшнік". Крыніца Reuters паведаміла, што іх ацэнка супадае з высновамі амерыканскай разведкі. Аэрадром "Крычаў-6" не эксплуатаваўся з пачатку 1990-х гадоў. Але ў жніўні 2025 года там былі зафіксаваныя хуткія змены інфраструктуры. Па тэрмінах гэта супадае з заявамі пра падрыхтоўку вайсковай базы для "Арэшніка".

У Лунінцы выпускаюць ёгурты ў шкляных слоіках. Для іх стварылі беларускамоўны брэнд — "Асаблівы". Акрамя традыцыйных, сярод смакаў ёсць і экзатычныя. Напрыклад, лімон і чыа, кляновы сіроп, дубайскі шакалад. І некалькі відаў ёгуртаў са смакам салатных заправак!

Хлопец Крысціны Ціманоўскай зрабіў ёй прапанову рукі і сэрца ў Нью-Ёрку. Бягуха адказала "Так!" і пахвалілася кальцом ад Tiffany.

Ва Украіне ўсю ноч і раніцу трывае паветраная трывога. Гараць некалькі шматпавярховікаў у Кіеве, траціна жыхароў горада ў +1°С засталася без святла. Колькі дронаў Расія сёння выпусціла па сталіцы Украіны — цяпер падлічваюць. Адзін з іх трапіў у студэнцкі інтэрнат, яшчэ некалькі — у жылыя будынкі. Атака працягваецца і ў гэтыя хвіліны.

У Віцебскай вобласці перакуліўся аўтобус Брэст — Масква. Загінуў пасажыр, яшчэ 13 чалавек пацярпелі — у тым ліку двое кіроўцаў. Аварыя адбылася каля 02:40 у Талачынскім раёне. 43-гадовы кіроўца не даў рады на зімовай дарозе, з'ехаў у правы па ходу руху кювет і перакуліўся. У выніку 53-гадовая жанчына загінула. Астатнія 13 чалавек, якія былі ў салоне, на хуткіх былі дастаўленыя ў лякарні ў Талачыне і ў Оршы. Траіх пасля агляду адпусцілі. Астатнія шпіталізаваныя ў хірургію і траўматалогію, адзін — у рэанімацыю.

"А што вы ўвогуле робіце?" Лідарка дэмсіл Святлана Ціханоўская адказала крытыкам, якія не бачаць дасягненняў і яе асабістай працы, і намаганняў Офіса. Цалкам размову @euroradio з Ціханоўскай глядзіце тут: https://www.youtube.com/watch?v=W1QPzmEysqE

Як правільна частаваць птушак зімой? Дакладна не хлебам, бо ён не толькі прыводзіць да атлусцення, але і выклікае ў птушак смяротнае захворванне! Найлепшай ежай для качак будзе раздробленая кукуруза, ячмень, авёс ці аўсяныя шматкі, іншыя крупы ці зерне, парэзаная гародніна. Для іншых птушак самы ўніверсальны корм – несалёныя нясмажаныя семкі сланечніка. Таксама можна частаваць іх насеннем рапсу, лёну, гарбузовымі семкамі, арахісам, кавалачкамі яблыка ды ягадамі. Сініцы будуць рады кавалку несалёнага нясмажанага сала.

Беларусь чакае надзвычай халодны студзень. Метэаралагічныя прагнозы дэманструюць, што такое надвор'е будзе амаль па ўсёй Еўропе.

"Прагноз тэмпературнай анамаліі паказвае, што тэмпература паветра ў студзені на большай частцы кантынента будзе ніжэй за норму", — адзначае канал @nadvorie.

У Беларусі выбудоўваюць цэлую галіну прамысловасці. Улады плануюць, што яна мусіць працаваць на вайну, патлумачыў у эфіры @euroradio прадстаўнік БЕЛПОЛ Уладзімір Жыгар. Глядзіце стрым цалкам па спасылцы: https://www.youtube.com/watch?v=9E-elgjdaRU

Жыхарам пашкоджаных пры выбуху дома ў Гомелі кватэр выплацяць у "сярэднім каля 100 тысяч рублёў". Пра гэта жыхарам пашкоджанага шматпавярховіка паведаміў мэр горада Уладзімір Прывалаў. Размер кампенсацыі будзе залежыць ад памеру шкоды, піша "Белка". Акрамя таго, некаторыя жыхары пашкоджаных кватэр ужо заяўлялі пра планы звярнуцца да страхавых кампаній па выплаты. Але страхоўкі на жытло былі, вядома, далёка не ва ўсіх.

Мірны план гатовы на 90%, заявіў прэзідэнт Украіны Уладзімір Зяленскі. У ім 20 пунктаў.

"Наша задача — рабіць так, каб усё было гатова на 100%. Гэта не проста, і ніхто не кажа, што 100% адразу будзе", — цытуе @hromadske_ua словы Заленскага.

Афіцыйнай рэакцыі ад Расіі Украіна не атрымлівала, адзначыў Зяленскі. Ён падкрэсліў, што ўкраінскі бок камунікуе выключна з амерыканцамі, а тыя ў сваю чаргу камунікуюць з расіянамі.

Маці Кацярыны Ваданосавай у крытычным стане. У аўторак 74-гадовая Нэлі Ваданосава перанесла інсульт у аўторак. У сераду жанчыну падключылі да апарату штучнай вентыляцыі лёгкіх і да іншых сістэм забеспячэння жыццядзейнасці.

"Але мозг пашкоджаны незваротна, у нас застаўся толькі адзіны шлях. Я не ведаю, колькі ў мяне засталося часу. Можа, 5 хвілін, можа, 5 дзён, пакуль яе цела яшчэ прымае кісларод", — піша Кацярына.

"Я не ведаю, ці змагу дамагчыся яе забеспячэння. Я не ведаю, ці будзе яна жывая да панядзелка. Рахунак за аперацыю ды іншыя маніпуляцыі - ад дзясяткаў да соцень тысяч злотых. Не ведаю пакуль дакладна, але парадкі лічбаў такія", — дадае яна і не выключае, што ўпершыню можа адкрыць збор на BYSOL. У верасні і кастрычніку Нэлі Ваданосава перанесла неймаверны стрэс: яе хацелі дэпартаваць з Польшчы ў Літву праз тое, што перад эміграцыяй яна зрабіла літоўскую візу. Але ў выніку суд адмяніў гэтае рашэнне.

"Выбухоўка запаволенага дзеяння". Расійскія цягнікі, што ідуць праз Літву ў Калінінград, выклікаюць усё больш занепакоенасці ў НАТА, піша Die Welt. Усе 227 кіламетраў, што цягнікі едуць па Літве, іх суправаждаюць верталёты і дроны краін NATO.

Галоўную рызыку бачаць у магчымым інцыдэнце з цягніком — любым, ад тэхнічнага да правакацыйнага. Расія зможа выкарыстаць гэта дзеля эскалацыі адносін і распальвання ўсё больш гарачага канфлікту, у тым ліку "дзеля абароны" тых, хто ездзіць цягніком.

Цяпер гэтыя цягнікі бачаць "слабым звяном", якое можа прывесці да крызісу. Цягнікі ў Калінінград працягваюць хадзіць праз пагадненне паміж Літвой і Расіяй, якое дзейнічае з 2003 года. Па гэтым маршруце ходзяць і пасажырскія, і грузавыя саставы.

Чыноўнікі плануюць узмацніць ідэалагічную працу з прыватным бізнесам. Гэта вызначылі як адзін з напрамкаў працы Міністэрства антыманапольнага рэгулявання і гандлю (МАРГ) на 2026 год, звярнуў увагу @pozirkonline. Плануюцца “ўзмацненне ідэалагічнай работы ў галіне гандлю, грамадскага харчавання і бытавога абслугоўвання” і  “далучэнне прыватнага сектара да ідэалагічнай працы”.