Еўрарадыё | Еврорадио

Як павіншаваць з Раством і Калядамі па-беларуску? Калі вы хочаце павіншаваць блізкіх на роднай мове, мы падрыхтавалі для вас найлепшыя віншаванні, вершы і ідэі для паштовак. Чытаць тут: https://euroradio.fm/vinshavanni-z-rastvom-na-belaruskay-move-vershy-i-pashtouki A гэтая спасылка адкрыецца і без VPN

Расія выкарыстоўвае кітайскія спадарожнікі для ўдараў па аб'ектах энергетыкі Украіны. Пра гэта заявіў прэзідэнт краіны Уладзімір Зяленскі:

Фіксуем павелічэнне сувязей Расіі з тымі суб'ектамі ў Кітаі, якія могуць прадастаўляць даныя касмічнай разведкі. Нажаль, былі карэляцыі паміж здымкамі тэрыторыі Ўкраіны кітайскімі спадарожнікамі і расійскімі трапленнямі па адпаведных аб'ектах энергетыкі. Разглядаем такія выпадкі як дзейнасць, якая дазваляе Расіі зацягваць вайну і рабіць падыходы да дыпламатыі менш сур'ёзнымі.

Джон Коўл зняпраўдзіў словы Валерыя Цапкалы. Той заяўляў, што абмяркоўваў са спецпасланнікам ЗША вызваленне палітвязняў.

Не, ён гэтага не зрабіў. Гэта зрабілі я, прэзідэнт Трамп, Крыс Сміт і выдатная каманда ўрада ЗША.

У івацэвіцкай калоніі палітвязняў прымушалі шыць форму для ваенных. Пра гэта пішуць праваабаронцы "Вясны". Апроч формы вязні ш'юць спальныя мяшкі, а ў сталярным цэху выраблялі драўляныя скрыні для боепрыпасаў.

100-годдзе адзначае Віня-Пых. Першую аповесць пра культавага мядзведзіка "Няправільныя пчолы" газета "London Evening News" апублікавала 24 снежня 1925 года. Створаны пісьменнікам Аланам Мілнам і мастаком Эрнэстам Шэпардам, Віня-Пых стаў сімвалам дабрыні, сяброўства і ціхай філасофіі жыцця. За сто гадоў гісторыі пра Віня-Пыха перакладзены на дзясяткі моваў (у тым ліку і на беларускую).

Арыфметыка па-беларуску: за час "памілаванняў" колькасць палітвязняў вырасла. Гэта падлічылі праваабаронцы. Цягам года ў Беларусі былі памілаваныя 342 чалавекі, а палітвязнямі за гэты час сталі 509 чалавек.

Збройны барон: што хаваюць на закінутым вайсковым аб’екце пад Мінскам? На гэтае ды іншыя пытанні ў эфіры @euroradio адказвае прадстаўнік ініцыятывы BELPOL Уладзімір Жыгар. https://www.youtube.com/watch?v=9E-elgjdaRU

Якім для вярнікаў і святароў быў 2025 год і ці можна казаць, што ўзровень рэпрэсій змяншаецца? Пра гэта і шмат што іншае мы разважаем у жывым эфіры @euroradio з тэалагіняй, эксперткай у галіне рэлігіі, палітыкі і абароны правоў Наталляй Васілевіч. https://www.youtube.com/watch?v=tgVn-Hgy1iM

Што зрабіла магчымым вызваленне палітвязняў і чаму працэс ідзе так марудна? На гэтыя ды іншыя пытанні ў эфіры @euroradio адказвае экспертка па палітычнай камунікацыі, сяброўка Кааліцыі за вызваленне палітвязняў Настасся Касцюгова. https://www.youtube.com/watch?v=1EiQQoQg2_I

Золата імперыі: як выглядае “сямейны бізнес” Лукашэнкі? На гэтае ды іншыя пытанні ў эфіры @euroradio адказвае журналістка-расследавальніца "Бюро Медыя" Ксенія Вязнікоўцава. https://www.youtube.com/watch?v=FZ2byN7S5bw

Амерыканскі юрыст Джон Коул падчас перагавораў у Мінску параўнаў міжнародную палітыку са школьнай сталовай. Ён сказаў, што Аляксандр Лукашэнка сядзіць за сталом для няўдачнікаў разам з Паўночнай Карэяй, Іранам і Венесуэлай. Але можа перасесці за "стол для крутых хлопцаў", піша ўплывовае амерыканскае выданне Wall Street Journal. Візіты амерыканскай дэлегацыі ў Беларусь пачаліся вясной 2025 года. Падчас гэтых перагавораў ЗША прадстаўляў менавіта Джон Коул. Ён ужо тры разы пабываў у Мінску.

Каго глядзець/слухаць сёння на @euroradio? Трымайце анонс эфіраў на сераду (час пазначаны беларускі): 13:00 — журналістка-раследавальніца Ксенія Вязнікоўцава 14:00 — экспертка па палітычнай камунікацыі Анастасія Касцюгова 15:00 — экспертка па пытаннях рэгілій Наталля Васілевіч 16:00 — прадстаўнік BELPOL Уладзімір Жыгар Глядзіце стрымы на ютуб-канале Еўрарадыё, задавайце пытанні!

Калядкі пра Хрыстова нараджэнне, Казу ды п'яную Каляду: з якімі песнямі ісці калядаваць? @euroradio выбрала пяць калядных песень з розных рэгіёнаў Беларусі, з якімі можна выправіцца па суседзях і павіншаваць іх са Святамі. Чытаць тут: euroradio.fm/kalyadki-pra-hrystova-naradzhenne-kazu-dy-pyanuyu-kalyadu-audyyotekst А гэтая спасылка адкрыецца і без VPN

Беларуса, які ваяваў ва Украіне на баку Расіі, асудзілі на радзіме. У Беларусі Максіма Зезюльчыка прызналі вінаватым у "здрадзе дзяржавы" і "найміцтве", піша @dissidentBY Судовы працэс праходзіў у закрытым рэжыме, а сама крымінальная справа засакрэчаная. Прысуд склаў не менш за 10 гадоў пазбаўлення волі. Вядома, што Зезюльчык ваяваў у складзе прыватнай вайсковай кампаніі "Рэдут". Ва ўкраінскім палоне ён знаходзіўся з верасня 2022 года. У 2024-м Украіна ў межах абмену перадала яго Расіі. Мужчыну затрымалі ў тым жа годзе пры пярэсячэнні мяжы з Беларуссю.

У маці Кацярыны Ваданосавай здарылася кровазліццё ў мозг. Пра гэта тэлевядучая і спявачка паведаміла ў Facebook:

У маёй маці кровазліццё ў мозг. Здарыўся сёння інсульт на вачах у Яна. Яны былі ўдвоx дома. Мы прыехалі за 10 хвілін. Маму прааперавалі. Яе паралізавала. Не прыходзіць у свядомасць. Сутаргі. Сказалі, шанцаў мала. Хто можа, памаліцеся.

Важныя падзеі і сэнсы аўторка, 23 снежня, у праграме ЕЎРАЗУМ: 01:07 Вызваленні не роўна адліга: калі чакаць пераменаў у Беларусі 18:01 Навіны спорту 21:08 Святлана Ціханоўская — пра Марыю Калеснікаву і мужа 33:41 Навіны шоу-бізу 37:17 Пяткевіч прыдумала, як павялічыць нараджальнасць: ці спрацуе “25 кадр”?

15 гадоў пазбаўлення волі. Такое пакаранне прысудзілі ва Украіне агенту беларускага КДБ. Як паведамляе пракуратура Валынскай вобласці, 25‑гадовы мужчына ў 2024 годзе пагадзіўся супрацоўнічаць КДБ. Ён фатаграфаваў і здымаў на відэа абарончую інфраструктуру побач з дзяржаўнай мяжой Украіны. Атрыманую інфармацыю ён перадаваў сваім куратарам і атрымліваў за гэта грашовую ўзнагароду на банкаўскую карту. Шпіёнская дзейнасць працягвалася да траўня 2025 года. Суд прызнаў мужчыну вінаватым у дзяржаўнай здрадзе ва ўмовах ваеннага становішча.

Праўленне БАЖ прыняло рашэнне па справе намесніка старшыні арганізацыі Барыса Гарэцкага. Яго абвінавачвалі ў харасменце. Вось да якога рашэння прыйшла "Беларуская асацыяцыя журналістаў" пасля разбіральніцтва:

1. Прызнаць, што дзеянні намесніка старшыні БАЖ Барыса Гарэцкага маглі быць успрынятыя як двухсэнсоўныя і інтэрпрэтаваныя як харасмент. 2. Прыняць меры дысцыплінарнага характару ў дачыненні да Б. Гарэцкага ў выглядзе адхілення яго ад выканання прадстаўнічых і кіруючых функцый тэрмінам на 12 месяцаў.

Цалкам рашэнне можна прачытаць тут.

Цяпер пра кожнага можна сказаць што заўгодна і яго адменяць феміністкі? На гэтае пытанне ў эфіры @euroradio адказвае фемактывістка Наста Базар. Цалкам стрым тут: youtube.com/watch?v=7pTeWsuWbGk

"Сёння правялі ўскрыццё. Вынікі экспертызы будуць праз некалькі месяцаў". Блогер Саша Івулін падзяліўся апошнімі навінамі пра Мікіту Мелказёрава. Мелказёраў раптоўна пайшоў з жыцця ўночы на 21 снежня. Сябры блогера кажуць пра праблемы з сэрцам. Дакладнай інфармацыі пра прычыны смерці пакуль што няма.