Еўрарадыё | Еврорадио

Шквалісты вецер знёс святочныя палаткі каля ёлкі ў Слуцку. На шчасце, гэта адбылося ноччу і ніхто не пацярпеў. Аранжавы ўзровень небяспекі будзе ў Беларусі да нядзелі: парывы да 20 м/с, а 28-га магчымыя да 24 м/с.

Дык хто па выніку вызваляе беларускіх палітвязняў? Офіс Ціханоўскай, Кавалеўскі, Цапкала, Пазняк? У эфіры @euroradio меркаваннем падзялілася спецыялістка па палітычнай камунікацыі Настасся Касцюгова. Глядзець цалкам тут: https://www.youtube.com/watch?v=1EiQQoQg2_I

"Шмат што можа вырашыцца да Новага года", — Уладзімір Зяленскі. Украінскі прэзідэнт плануе цягам некалькіх дзён сустрэцца з Дональдам Трампам. Ён зрабіў гэтую заяву пасля перамоў сакратара Савета нацыянальнай бяспекі і абароны Украіны Рустэма Умерава з амерыканскім бокам. Як піша са спасылкай на крыніцы Kyiv Post, сустрэча можа адбыцца 28 снежня ў рэзідэнцыі Трампа Мар-а-Лага ў Флорыдзе.

Калядны збор на дзетак палітвязняў працягваецца. Ужо сабраныя амаль €16 тысяч з 27,4 патрэбных. Вы таксама можаце падарыць дзеткам святы: https://bysol.org/be/bs/christmas_miracle_2025_26

Ці слухалі вы сапраўдныя беларускія калядкі? @euroradio публікуе запісы калядных песень з розных куткоў Беларусі. Паслухайце, як яны цудоўна гучаць: https://euroradio.fm/kalyadki-pra-hrystova-naradzhenne-kazu-dy-pyanuyu-kalyadu-audyyotekst. Спасылка, якая працуе без VPN

Ад "рыхтуйцеся да найгоршага" да "рыхтуемся да рэабілітацыі". Аляксандр Мілінкевіч па-ранейшаму ў лякарні — але ён перамог пнеўманію, якая пачалася пасля складанай аперацыі, і цяпер знаходзіцца на добрай дарозе, кажа жонка палітыка Іна Кулей.

"Шлях да поўнага адужвання не блізкі, але я веру. Веру безумоўна і бясконца. І ведаю, што свята яшчэ наперадзе".

Сёння роўна месяц пасля таго, як 78-гадовы Мілінкевіч перанес аперацыю на соннай артэрыі. Калі адтуль выдалілі тромб, пачаўся моцны крываток. Палітык трапіў у рэанімацыю ў цяжкім стане. "Увесь гэты месяц мы гойдаліся на эмацыйных арэлях: крок наперад — крок назад, — прызнаецца Іна Кулей. — Дарагія, усе хто чакае і верыць — свята яшчэ наперадзе. І здароўе, і вяртанне, і Беларусь".

Надвор’е напрыканцы гэтага тыдня: плюсавыя тэмпературы ўдзень і начныя завеі. Па паўднёвым захадзе — да -11°С. Прагноз: https://euroradio.fm/nadvore-naprykancy-getaga-tydnya-nachnyya-zavei-i-plyusavyya-temperatury-dnyom З Беларусі — без VPN

Вязні прасілі аўтограф — але ён тлумачыў, што праблемы ад гэтага будуць ва ўсіх. Праваабаронца Алесь Бяляцкі ў інтэрв'ю праекту "Ток" расказаў, як яго жыццё ў калоніі змянілася пасля прысуджэння Нобелеўскай прэміі. “У людзей часам гэта выклікала дысананс”: https://euroradio.fm/ales-byalyacki-pra-toe-yak-znyavolenyya-prasili-u-yago-autograf-paslya-nobeleuki З Беларусі — без VPN

Расіяне ўдарылі па пяціпавярховым жылым будынку ў Чарнігаве. Гэта адбылося на Каляды, проста пасярод дня 25 снежня. Дрон патрапіў у кватэру на трэцім паверсе і прынес значныя разбурэнні. У выніку загінула 80-гадовая жанчына. Яшчэ 8 чалавек параненыя. Трое з іх на гэты момант — у цяжкім стане.

Яшчэ ў 2001 годзе Пуцін быў апантаны ідэяй адраджэння СССР і, у прыватнасці, вяртання Украіны. Гэта вынікае з яго размоваў з прэзідэнтам ЗША Джорджам Бушам-малодшым, расшыфроўкі якіх апублікавала няўрадавая арганізацыя National Security Archive. "Расія добраахвотна аддала тысячы квадратных метраў тэрыторый, — казаў Пуцін у 2001 годзе, маючы на ўвазе распад СССР. — Гэта нешта неімавернае. Аддалі Украіну, якая стагоддзямі была часткай Расіі. Аддалі Казахстан. Аддалі таксама Каўказ. Гэта цяжка ўявіць, і гэта зрабілі партыйныя босы". А ў размове ад 6 красавіка 2008 года Пуцін казаў пра Украіну як пра "штучную дзяржаву, створаную ў савецкія часы". І дадаваў, што далучэнне Украіны да NATO "створыць у доўгатэрміновай перспектыве поле канфлікту паміж вамі і намі".

Папа Леў у сваім першым Калядным звароце заклікаў да міру ва Украіне. Пантыфік казаў пра адказнасць — асабістую і калектыўную — за пераадоленне граху, нянавісці і гвалту. Праз прабачэнне і дыялог: https://euroradio.fm/papa-leu-u-svyatochnym-zvaroce-zaklikau-da-miru-va-ukraine З Беларусі — без VPN

Вольга Мазуронак фінішавала трэцяй на марафоне ў Тайбэі. 36-гадовая беларуска саступіла толькі дзвюм эфіопскім бягухам — і больш як на чатыры хвіліны апярэдзіла групу з чартырох спартовак з Кеніі. Дыстанцыю ў 42 км 195 м Мазуронак пераадолела за 2 гадзіны 29 хвілін 39 секунд. Вольга Мазуронак выйграла марафон у Ганконгу

Хлопец вырас у Вільні, пераехаў у расійскі Пскоў — і сутыкнуўся з тым, што навакольныя часам не разумеюць яго рускую мову. Аказваецца, не ўсе рускія мовы аднолькавыя! Прысніць, бурачок... Некаторыя словы, якія выклікаюць пытанні ў жыхароў Пскоўшчыны (якая, дарэчы, зусім недалёка — з ёю мяжуе Віцебская вобласць), пададуцца нам усім знаёмымі і звыклымі!

Як напісаць план на год і паслядоўна яго выконваць? Парады псіхалагіні Ліліі Хедзінай, актуальныя і сёлета! Ператварайце жаданні ў мэты, разбівайце іх на этапы, будзьце гнуткімі: https://euroradio.fm/yak-napisac-plan-na-god-i-dabivacca-pastaulenykh-metau-parady-psikholaga З Беларусі — без VPN

Макс Знак за кратамі пераклаў на беларускую мову "Yesterday" — славуты лірычны хіт The Beatles, які шматкроць названы лепшай песняй XX стагоддзя. Знак правёў у зняволенні больш за пяць гадоў. Але пальцы палітвязня памятаюць, як граць на гітары.

Адкуль бяруцца гранты? Гэта заходнія краіны змовіліся, каб скінуць Лукашэнку, і таму фінансуюць яго праціўнікаў? Прапаганда рве на сабе скуру, каб усіх у гэтым пераканаць. Але, вядома ж, усё не так. Дык а як? Расказвае рэдактар @euroradio Павел Свярдлоў і аўтары падкаста "Безнадзейна з Паўлюком" Надзея Белахвосцік і Паўлюк Быкоўскі. Цалкам глядзіце тут: https://www.youtube.com/watch?v=xbeT4ZXhZE4

"Раніцай па радыё сказалі пра сустрэчу Лукашэнкі з Коўлам. А пасля абеду да нас закіулі новенькіх. І мы давай пытацца ў іх: "Ну, каго там выпусцілі?", — вязень, які 13 снежня яшчэ быў у зняволенні, расказаў, як за кратамі даведаліся пра апошняе на гэты момант вызваленне вялікай групы палітвязняў. Асноўнай крыніцай навінаў у ізалятарах і калоніях з'яўляюцца дзяржаўныя медыі. Радыё часам увогуле не выключаецца, і яго "кантэнт" даводзіцца "спажываць" прымусова. Прапагандысты адлюстроўваюць рэальнасць у адпаведнасці з інтарэсамі беларускіх уладаў. А дэталі пра сапраўдны стан справаў можна даведацца, напрыклад, у новых затрыманых. На жаль, нават праз 5 гадоў пасля выбараў-2020 іх не робіцца меней.

Фінскае тэлебачанне паведаміла, што што Санта Клаўс выправіўся ў палёт, каб дастаўляць падарункі. Журналісты кажуць, што саням Санты не перашкодзіць ні турбулентнасць, ні расійскія GPS-глушылкі. Не здзіўляйцеся: https://euroradio.fm/na-finskim-telebachanni-skazali-shto-santa-klaus-uzho-palyaceu-dastaulyac-padarunki З Беларусі — без VPN

Уночы адбылася хакерская атака на сайт анлайн-бібліятэкі Kamunikat.org. Невядомыя атрымалі адміністратарскі доступ да сэрвісу і выдалілі некалькі тысяч публікацый. Дэструктыўныя дзеянні атрымалася спыніць у 2:30. Цяпер камапда сайта працуе над яго аднаўленнем — большасць тэкстаў ужо вернутыя на месца. "Хакеры не прызнаюць Калядаў, — каментуе заснавальнік "Камуніката" Яраслаў Іванюк. — Пакуль мы не ведаем, хто стаяў за гэтай атакай".

Зразумець, што Беларусь належыць табе, а ты — Беларусі. Амерыканіст, дарадца Агенцтва еўраатлантычнага супрацоўніцтва Антон Пянькоўскі ў свежым выпуску "Ідэі X" Пытанне нацыянальнага будаўніцтва для беларусаў здаўна было складаным. Не так шмат людзей лічылі гэты працэс важным. Але 2020 год усё змяніў, і сёння мы значна бліжэй да сябе як да цэльнай нацыі, чым раней, перакананы Антон Пянькоўскі. Пра тое, ці ёсць падабенству паміж беларусамі і амерыканцамі, ці можна будаваць нацыю ў эміграцыі і ці можна стаць беларусам пад прымусам, рэдактар @euroradio Зміцер Лукашук разважае з ім у свежым выпуску праграмы “Ідэя Х”: https://youtu.be/ceZvB49gl90