PORTAL24 | Расмий канал

Қўқон шаҳар Пўстиндўз кўчаси 6-уй 2-хонадонда рўйхатда турган, доимий яшаш жойига эга бўлмаган 45 ёшли Нилуфар Сайидалиева 2024 йилнинг июнь ойларида номаълум томонга чиқиб кетиб, бедарак йўқолган. Ушбу ҳолат юзасидан ИИБ томонидан қидирув ишлари олиб борилмоқда. Аёл ҳақида маълумотга эга бўлган шахслардан ИИБГА мурожаат қилиш сўралган.

"Коррупция – давлат тараққиётига тўсиқ бўладиган, адолат ва қонун устуворлигини издан чиқарадиган, жамиятда ишонч муҳитини заифлаштирадиган энг жиддий таҳдид. Коррупцияга йўл қўйиш эса ислоҳотларимизга хиёнатдир! Бу иллатга қарши курашиш бўйича 2026 йилда «фавқулодда ҳолат» эълон қиламиз", – деди давлат раҳбари. Барча идораларда комплаенс ва коррупцияга қарши ички назоратга масъул ўринбосар лавозими жорий этилади. Ҳисоб палатасининг вакили фаолияти йўлга қўйилади. Ушбу раҳбарлар – тизимдаги нопок шахсларни аниқлаш, шунингдек, бюджет маблағи талон-торож бўлиши ва мансабни суиистеъмол қилиш ҳолатларини олдини олиш бўйича таъсирчан назорат ўрнатади ва Президент олдида ҳисобот беради.

2026 йилдан бошлаб техникумларда “дуал таълим” асосида таълим олаётган 100 минг ўқувчига илк бор стипендия тўланади Шунингдек, “аъло” баҳоларга ўқиётган, танлаган касбини пухта эгаллаётган фарзандларимизга эса оширилган миқдордаги стипендиялар берилади.

Энди барча давлат идораларининг вазифа ва ваколатлари Ягона рақамли платформага интеграция қилинади. Платформага келиб тушган мурожаатлар сунъий интеллект орқали амалга оширилади.

Шавкат Мирзиёевнинг сўзларига кўра, бунда хавфсизлик хизмати, ички ишлар, прокуратура, солиқ, божхона, молия тизими, банклар, йирик давлат корхоналари, вазирликлар ва ҳокимликлар — бирортаси ҳам назоратдан четда қолмайди. "Комплаенс хизмати фаолиятига тўсқинлик қилган ҳар қандай шахс коррупцияга шерик деб баҳоланади ва қонун доирасида жавобгарликка тортилади", — деди Давлат раҳбари.

Зарарли моддалар чиқарадиган эски автомашиналарнинг пойтахт, вилоят марказлари ва шаҳарларга кириши чекланади. Эски машинасини янгисига алмаштирган фуқароларга автокредит фоизларининг бир қисми давлат томонидан қоплаб берилади. Шунингдек, автомашинасига махсус фильтр ўрнатиб, зарарли чиқиндиларни камайтиришга тайёр бўлган ҳайдовчиларга харажатларнинг бир қисми субсидия асосида қопланади. Электромобиллар учун алоҳида имтиёзлар жорий этилади: маҳаллий электромобилларга 12 фоиз, хорижий электромобилларга 16 фоиз автокредит ажратилади. Электромобилларни қувватлаш станцияларини ташкил этувчи тадбиркорларга 10 фоизли имтиёзли кредитлар берилади. Бундан ташқари, қувватлаш станцияларида автомашиналарни зарядлашда 1 кВт·соат электр энергияси нархининг 300 сўмдан ошган қисми давлат бюджети ҳисобидан қоплаб берилади.

Бу эса инсон омилини камайтиришга хизмат қилади, деди президент. Шунингдек, тергов судьяларига санкция бериш ва мажбурлов чораларини қўллаш ҳамда бекор қилиш ваколатлари берилади. Бундан ташқари, Халқ вакиллари ҳаёти институти жорий этилади: жамоатчилик аҳамиятига эга бўлган жиноятлар бевосита жамоатчилик вакиллари иштирокида тафтиш этилади.

“Дунё тажрибасидан келиб чиқиб, автомобиллар чиқараётган зарарли моддалар даражасига қараб, экологик ст‌икерлар тизими жорий этилади. Катта миқдорда зарарли моддалар чиқарадиган автомашиналарнинг пойтахт ва вилоят марказлари ҳамда шаҳарларга кириши чекланади. Бундай транспорт воситаларини янгисига алмаштириш ёки уларга филтр ўрнатиш учун давлат томонидан қўллаб-қувватлаш чоралари кўрилади”, — Президент.

Президент Шавкат Мирзиёев Мурожаатномада жиноий тўдалар фаолиятига нисбатан қатъий позиция билдирди. Уларнинг тадбиркорларга босим ўтказиши, бизнесни эгаллашга уриниши, молиявий жиноятлар ва ноқонуний аралашувлари иқтисодиётга зарар етказаётгани таъкидланди. Айрим спортчилар “осон пул” илинжида жиноий гуруҳларга қўшилиб қолаётгани, шунингдек, айрим тўдаларнинг чет давлатларда ҳам фаолият юритаётгани қайд этилди. Президентнинг сўзларига кўра, бундай жиноий тўдаларга қарши курашишга давлатнинг етарли куч-қудрати бор ва уларга албатта чек қўйилади. Шу билан бирга, фуқаролар, тадбиркорлар ва инвесторлар қонун билан ишончли ҳимоя қилиниши урғулаб ўтилди.

Президент Шавкат Мирзиёев Мурожаатномада гиёҳвандлик ва нарко-жиноятларга қарши курашишни кучайтириш зарурлигини таъкидлади. Бу йил 14 мингдан ортиқ нарко-жиноят қайд этилган бўлиб, 3 мингга яқини ёшлар ҳиссасига тўғри келади. Наркотик савдосининг трансчегаравий ва виртуал тус олаётгани замонавий усул ва билимларни талаб этмоқда. Шу боис, нарко-жиноятларга қарши курашиш умуммиллий ҳаракат сифатида ташкил этилади. Республика ишчи гуруҳи наркотик манбаларини чеклаш, истеъмолчиларни эрта даволаш ва жамиятга қайтариш бўйича яхлит тизим яратиши белгиланди. Нарко-жиноятларга қарши курашиш — давлат билан бирга жамиятнинг умумий масъулияти экани алоҳида қайд этилди.

Президент Шавкат Мирзиёев Ўзбекистон тарихида илк бор миллий сунъий йўлдош ва биринчи ўзбек фазогирини учириш ишлари бошланганини маълум қилди. Бу қадам Янги Ўзбекистоннинг илмий ва технологик тараққиётида янги босқич бўлиши таъкидланди. Шунингдек, 2028 йил Самарқандда Халқаро астронавтика конгрессини ўтказиш режалаштирилган.

Келгуси беш йилда эркин иқтисодий зоналарга дунёнинг машҳур брендлари жалб қилинади, улар учун махсус инвестициявий, солиқ, божхона ва ҳуқуқий режимлар жорий этилади. Бу орқали 180 миллиард долларлик хорижий инвестиция ҳисобига 1 миллион юқори даромадли иш ўринлари яратилиши режалаштирилган. Шунингдек: Ҳар бир келишув лойиҳага айлантирилади ва сармоялар қисқа фурсатларда жалб қилинади. Инвестиция ва маҳаллий саноат тизимлари учун алоҳида самарали тизимлар йўлга қўйилади. Иқтисодиёт, молия, инвестициялар, саноат ва савдо вазирликлари фаолияти тубдан қайта кўриб чиқилади.

Мирзиёев Иқтисодиёт ва молия ҳамда Инвестициялар, саноат ва савдо вазирликларининг фаолияти тубдан қайта кўриб чиқилишини маълум қилди. Бу иқтисодиётни рақобатдош қилиш, инвестициялар самарадорлигини ошириш ва саноат тармоқларини технологик трансформация қилишга қаратилган. Шунингдек: Эркин иқтисодий зоналарга дунёнинг машҳур брендлари жалб қилинади. Ушбу зоналардаги корхоналар халқаро техник регламентлар, экологик ва меҳнат стандартларини қўллаши мумкин бўлади. Улар учун максус инвестициявий, солиқ, божхона ва ҳуқуқий режим жорий этилади, арбитраж низоларини кўриб чиқиш имконияти яратилади. Бу чоралар 180 миллиард долларлик хорижий инвестиция ҳисобига 1 миллион юқори даромадли иш ўрни яратишга хизмат қилади. Ҳар бир келишув лойиҳага айлантирилади, сармояларни қисқа фурсатларда жалб қилиш ва уларнинг самарадорлигига масъул алоҳида тизим яратилади.

Келгуси йилда илк бор маҳалла инфратузилмасини ривожлантириш учун 20 триллион сўм вилоятларнинг ўзига берилади. Маблағлар аҳоли учун қўшилган қиймат яратадиган лойиҳаларга йўналтирилади, жумладан, маҳаллада иш ўринлари яратиш ва даромадли лойиҳаларни амалга ошириш. Шунингдек: Буджет маблағларини самарали ишлатишда лойиҳавий ёндашув жорий этилади. Урбанизация ва шаҳарларни барқарор ривожлантириш бўйича янги ислоҳотлар бошланади. Шаҳарларнинг тартибсиз кенгайишига чек қўйилади, экин майдонлари асоссиз қисқармайди. 45 та агломерация ҳудуди белгиланади. “Барқарор шаҳар” платформаси ишга туширилиб, “яшаш учун қулайлик индекси” юритилади ва ҳар бир маҳалладаги муаммолар аниқланиб, ечимлар таклиф қилинади.

Ҳар бир вилоятда 2-3 тадан туманни танлаб, ҳамма маҳалласидаги барча муаммоларни бир вақтнинг ўзида ҳал қиладиган тизим яратилади. Уларда бир вақтнинг ўзида тадбиркорлик инфратузилмаси ҳам ривожлантирилади. Ушбу мақсадлар учун барча манбалар ҳисобидан 8,5 триллион сўм маблағ ажратилади. Депутатларга ўз округидаги муаммоларни ҳал этиш учун 500 миллиард сўм берилмоқда. Бу борада “яшил ҳудуд”, “яшил боғ” яратиш бўйича ҳар бир депутатнинг ташаббусига қўшимча 330 миллион сўмдан йўналтирилиши белгиланди. Бундай ёндашув орқали 2030 йилгача шароити оғир барча туманлардаги маҳаллаларга Янги Ўзбекистон қиёфаси олиб кирилиши таъкидланди.

Истеъдодли ўғил-қизларимиз таълим, илм-фан, маданият, санъат, спорт ва бошқа соҳаларда эришган катта ютуқлари билан ҳам Янгги Ўзбекистонимиз равнақига муносиб ҳисса қўшмоқда. Ўқувчи ва талабаларимиз жорий йилда халқаро фан олимпиадаларида 51 та олтин, 101 та кумуш, 126 та бронза медалини қўлга киритиб, билим ва салоҳиятини бутун дунёга намойиш этди. Маълумки, Ўзбекистон келгуси йилда 46-Бутунжаҳон шахмат олимпиадасига, 2027 йилда 20 ёшгача бўлган футболчилар ўртасидаги жаҳон чемпионатига, 2029 йилда эса Ёшлар Осиё ўйинларига мезбонлик қилади. Шу билан бирга, 2026 йилда юртимизда илк бор мактаб ўқувчилари ўртасида нуфузли халқаро кимё ва информатика олимпиадалари, Шанхай ҳамкорлик ташкилотига аъзо давлатлар талабалари ўртасида муҳандислик йўналишларида, Туркий давлатлар техникум ўқувчилари ўртасида касб йўналишларида халқаро олимпиада ўтказилади.

Ўзбекистоннинг халқаро майдондаги обрў-эътибори ва нуфузи, халқаро рейтинглардаги ўрни тобора мустаҳкамланиб бормоқда. Хусусан, етакчи халқаро рейтинг агентликлари мамлакатимизнинг суверен рейтинрини “BB-”дан “BB” поғонасига кўтарди. “Бу сўзлар кўпчиликка оддий фактдек туюлиши мумкин. Лекин иқтисодчилар, инвестор ва банклар бу ўзгаришнинг қанчалик катта натижалар ҳақида кетаяптиганини яхши тушунишади. Биргина ана шу ўзгариш туфайли четдан жалб қилинадиган ресурсларнинг фоиз ставкаси 1-1,5 пунктга пасайиб, ташқи қарз харажати йилга 250-300 миллион долларга камаяди”, — деди Президентимиз . Шунингдек, Жаҳон банки эълон қилиб борадиган Давлатларнинг технологик етуклик индексда Ўзбекистон 71 поғона юқори кўтарилиб, дунёнинг ТОП-10 мамлакатлари қаторидан жой олди.