Gazeta.uz - O‘zbekiston yangiliklari

Qurilish vaziri Sherzod Hidoyatovning aytishicha, O‘zbekistonda uy-joylarni ulushdorlik asosida qurishda joriy etilayotgan eskrou tizimi ulushdorlarni to‘liq himoya qiladi — hech bir fuqaro aldanmaydi. Uning so‘zlariga ko‘ra, eskrou tizimi yangi yildan majburiy tarzda ishga tushirishga to‘liq tayyor. https://www.gazeta.uz/oz/2025/12/19/escrow/ Telegram | Instagram | YouTube

Toshkentda haydovchi ehtiyotsizligi oqibatida ikkita avtobus orasida qolib ketib halok bo‘ldi. Temiryo‘l kesishmasida to‘xtagan haydovchi transportni qo‘l tormoziga qo‘ymasdan pastga tushgan, natijada harakatlanib ketgan avtobus uni oldindagi transportga qisib qo‘ygan. https://www.gazeta.uz/oz/2025/12/21/bus-driver/ Telegram | Instagram | YouTube

Bojxona organlari 2025-yil boshidan beri qiymati 2,3 mlrd so‘mdan ziyod 7,25 mln donadan ortiq pirotexnika buyumini musodara qildi. Holatlarning 10 tasi bo‘yicha jinoyat ishi, 80 tasi bo‘yicha esa ma’muriy ishlar qo‘zg‘atilgan. https://www.gazeta.uz/oz/2025/12/20/pyrotechnics/ Telegram | Instagram | YouTube

O‘zbekistonda suratga olingan ilk to‘liq metrajli 3D multfilm — “Sehrlandiya: qahramonlik missiyasi” taqdim etildi. Unda Temur, Ulug‘bek, Jaloliddin va Boburning do‘stlari sehrli olamga tushib qoladi va yovuz Olabo‘jiga to‘qnash keladi. Premeraga Saida Mirziyoyeva va Xayma Vashington tashrif buyurdi. https://www.gazeta.uz/oz/2025/12/20/sehrlandiya/ Telegram | Instagram | YouTube

O‘zbekiston prezidenti va Yaponiya bosh vaziri “kelgusi avlodlar uchun kengaytirilgan strategik sheriklik”ni yo‘lga qo‘yishga kelishib oldi. Ta’lim, sog‘liqni saqlash, ekologiya, transport, shaharsozlik, turizm, agrar soha, tabiiy ofatlar xavfini kamaytirish bo‘yicha kelishuvlar imzolandi. https://www.gazeta.uz/oz/2025/12/20/uzbekistan-japan/ Telegram | Instagram | YouTube

Shavkat Mirziyoyevning Yaponiyaga rasmiy tashrifi yakunlandi. Davlat rahbari Yevroosiyo Oliy iqtisodiy kengashi yig‘ilishi va MDH yetakchilarining norasmiy sammitida ishtirok etish uchun Sankt Peterburgga yo‘l oldi. https://www.gazeta.uz/oz/2025/12/20/russia/ Telegram | Instagram | YouTube

Beepul’dan Yangi yil bonusi Beepul to‘lov ilovasi yangi foydalanuvchilarga Yangi yil bonusi — ro‘yxatdan o‘tgan kundan boshlab 30 kun davomida Beepul orqali 100 mln so‘mgacha kartadan kartaga komissiyasiz o‘tkazmalarni amalga oshirish imkoniyatini taqdim etmoqda. Bonusni olish uchun ushbu havola orqali Beepul ilovasini yuklab olish, ro‘yxatdan o‘tish va bank kartasini qo‘shish kifoya. Bonus avtomatik ravishda faollashadi. Yangi yilni yoqimli bonuslar bilan kutib olish mumkin. Beepul ilovasiga ulanib, Yangi yil sovg‘asini bugunoq qo‘lga kiritish imkoni mavjud. Aksiya 31-dekabrgacha amal qiladi. Batafsil. Reklama.

O‘zbekiston va Yaponiya ta’lim va fan bo‘yicha qo‘shma komissiya hamda innovatsiyalar bo‘yicha konsorsium tuzish niyatida. Bu haqda Shavkat Mirziyoyevning Yaponiya ta’lim vaziri bilan uchrashuvida so‘z bordi. O‘zbekistonda Sukuba universiteti bilan qo‘shma oliy ta’lim muassasasini tashkil etish to‘g‘risida memorandum imzolandi. https://www.gazeta.uz/oz/2025/12/20/tsukuba-uzbekistan/ Telegram | Instagram | YouTube

Navoiyning Karmana tumanida gazdan zaharlangan erkak vafot etdi. Uning ayoli va chaqalog‘i jonlantirish bo‘limida qolmoqda. Tuman hokimi ularning holidan xabar oldi. https://www.gazeta.uz/oz/2025/12/20/karmana/ Telegram | Instagram | YouTube

Mark Rizning “O‘tkan kunlar” asari tarjimasi O‘zDJTU kutubxonasidagi barcha kitoblar qatorida elektronlashtirilgan. Sud buni mualliflik huquqini buzish deb topib, jarima qo‘llagandi. “Yozuvchi kitobni jamiyat uchun ham yozadi, xalq bundan foydalanishi kerak”, — dedi Ilhom To‘xtasinov Gazeta`ga bergan izohida. https://www.gazeta.uz/oz/2025/12/20/bygone-days/ Telegram | Instagram | YouTube

Samarqand va Surxondaryo viloyatlarida Tojikistondan olib kelingan katta miqdordagi opiy musodara qilindi. Birinchi holatda — 79 kg dan ortiq, ikkinchisida — 30 kg dan ortiq. Jami olti kishi qo‘lga olindi. https://www.gazeta.uz/oz/2025/12/20/drugs/ Telegram | Instagram | YouTube

Poytaxtning Yashnobod tumanida rul boshqaruvini yo‘qotgan Lacetti haydovchisi yo‘lning qarshi tarafiga o‘tib ketdi. Nexia-3 bilan bo‘lgan to‘qnashuvda yo‘lovchi vafot etdi, har ikki haydovchi jarohatlandi. https://www.gazeta.uz/oz/2025/12/20/yth/ Telegram | Instagram | YouTube

Markaziy Osiyo Yaponiyaning mintaqadagi ishtirokini kengaytirishdan manfaatdor, dedi O‘zbekiston prezidenti “Markaziy Osiyo + Yaponiya” sammitida. U sanoat, texnologiya, transport, energetika, havo sifatini yaxshilash, seysmik xavfsizlik kabi yo‘nalishlarda hamkorlikni rivojlantirish tarafdori ekanini aytdi. https://www.gazeta.uz/oz/2025/12/20/central-asia-japan-summit-2025/ Telegram | Instagram | YouTube

2026-yildan QQS tushumlarining bir qismi Qoraqalpog‘iston, Toshkent va viloyatlar budjetiga o‘tkaziladi, bu hududlarda taxminan 4,3 trln so‘m qoldiradi va hokimliklarda soliq bazasini yaxshilashga qiziqishni oshiradi. Deputatlar biznesga bosim xavfini ta’kidladi, rasmiylar mexanizm to‘g‘ri ishlashiga va’da berdi. https://www.gazeta.uz/oz/2025/12/20/vat/ Telegram | Instagram | YouTube

Onkobemorlarga yordam ko‘rsatish masalasi yillar davomida “muzlatilgan” holatda qoldirilgandi. Ma’lum bo‘lishicha, 2026-yilgi davlat budjeti loyihasi muhokamalarida dastlab hospis qurish uchun mablag‘ ajratilmagan. Biroq deputat aralashuvidan so‘ng SSV ikkita hospis uchun 50 mlrd so‘m olmoqda. https://www.gazeta.uz/oz/2025/12/19/hospice/ Telegram | Instagram | YouTube

Ekologiya va iqlim o‘zgarishi milliy qo‘mitasi qoshida Davlat maqsadli jamg‘armasi tashkil etildi. Unga 2025-yil oxiriga qadar 900 mlrd so‘m, 2026-yilda esa milliy budjetdan qo‘shimcha 548 mlrd so‘m ajratiladi. U ekologiya va havo sifatini yaxshilash loyihalarini moliyalashtiradi. https://www.gazeta.uz/oz/2025/12/19/ecology/ Telegram | Instagram | YouTube

Saida Mirziyoyeva The Walt Disney vitse-prezidenti Hayma Vashington bilan uchrashuvda O‘zbekistonda mintaqaviy ofis, o‘zbek tilida bolalar kontentiga ega telekanal, Cinema Park va “Disneylend” ochishni taklif qildi. https://www.gazeta.uz/oz/2025/12/19/hayma-washington/ Telegram | Instagram | YouTube

Asialuxe Travel’ning ma’lum qilishicha, dekabr oyi 2026-yilda dam olishni rejalashtirish uchun maqbul oy bo‘lib qolmoqda. Erta band qilish maksimal foyda, mehmonxonalarning keng tanlovi va yuqori mavsum boshlanishidan oldin qismlarga bo‘lib to‘lash imkoniyatini beradi (reklama). https://www.gazeta.uz/oz/2025/12/19/asialuxe-travel/

Dam olish kunlari Toshkentda qayerlarga borish mumkin? (20–21-dekabr) “Avatar” va yana bir qancha kinonamoyishlar, Geek Con Tashkent, Anhor bog‘ida Yangi yil archasi ochilishi, Magic City’da shou-dasturlar, kitob yarmarkasi, teatrlardagi rang-barang spektakllar, “Setora” konserti, Van Gog ijodiga bag‘ishlangan ko‘rgazma, Respublika bolalar kutubxonasidagi to‘garaklar va dam olish kunlaridagi boshqa qiziqarli tadbirlar: https://www.afisha.uz/uz/gorod/2025/12/19/20-21-dekabr Telegram | Instagram | YouTube

MDH davlatlarining atom energiyasidan tinch maqsadlarda foydalanish bo‘yicha komissiyasi ilk bor Toshkentda yig‘ilish o‘tkazdi. Vakillar kichik atom reaktorlari, uran chiqindilari omborlari rekultivatsiyasi, shuningdek, pestitsidlar va batareyalar utilizatsiyasida tinch atomdan foydalanish masalalarini muhokama qildi. https://www.gazeta.uz/oz/2025/12/19/nuclear-power/ Telegram | Instagram | YouTube