Еўрарадыё | Еврорадио

“Мы ж літоўцы, гэта ў нас у крыві”. Размова @euroradio з парамедыкіняй Палка Каліноўскага. Рыма “Сціч” Журайціс з нуля вывучылася ва Украіне на парамедыка. Цяпер яна ратуе беларускіх добраахвотнікаў. https://youtu.be/qaYpQHy37B0

Колькасць суіцыдаў непаўналетніх працягвае расці ў Беларусі. За апошнія некалькі тыдняў вядома пра як мінімум тры такія выпадкі.  Чаму здараюцца дзіцячыя суіцыды? Хто ў "групе рызыкі"? І як паспець звярнуць увагу на "чырвоныя сцяжкі"? @euroradio падрабязна абмяркоўвала гэтыя тэмы з псіхолагам і псіхатэрапеўтам: https://euroradio.fm/u-belarusi-rost-dzicyachykh-suicydau-shto-treba-vedac-backam-parady-ekspertau Спасылка, якая працуе без VPN

ШІ-гіганты ўзяліся за амерыканскую палітыку. Ужо з'явілася адразу некалькі суперкамітэтаў, якія будуць выдаткоўваць грошы ў падтрымку кандыдатаў, якія выступаюць за развіццё ШІ і максімальнае спрашчэнне заканадаўчых умоў для адпаведных кампаній. Суперкамітэты — некамерцыйныя арганізацыі, грошы з каторых ідуць на падтрымку тых ці іншых кандыдатаў і палітычных кампаній. Бізнесоўцы аддаюць грошы туды, а не непасрэдна палітыкам. У выніку ёсць персанальныя камітэты (пад канкрэтнага палітыка), а ёсць і тыя, якія займаюцца той ці іншай тэматыкай — напрыклад, лабізмам продажу агнястрэльнай зброі. The Washington Post піша пра як мінімум два такіх суперкамітэты — Leading the Future і Super PAC. Апошні фінансуе карпарацыя Meta. Таксама ўжо з'явіліся некалькі некамерцыйных арганізацый для палітычнай рэкламы на тэму ШІ, але яны не абавязаныя расказваць пра крыніцы грошай, бо не фінансуюць выбарчыя кампаніі.

Беларускі смартфон как прыкмета стану эканомікі краіны. Феерычны дыялог паміж Лукашэнкам і ягоным замам па УНС у эфіры @euroradio абмеркавалі Павел Свярдлоў і Аляксандр Кныровіч. Глядзіце цалкам: https://www.youtube.com/watch?v=IB00eFHtAiU

Украіна ведае, дзе будзе размешчаны "Арэшнік". А распавядзе пра гэта іншым.

"Завяршаецца перамяшчэнне "Арэшніка" на тэрыторыю Беларусі. Мы разумеем, дзе гэта будзе, дзе будзе размяшчэнне. Мы інфармацыю перадаём нашым партнёрам. Думаю, партнёры самі могуць ацаніць гэтую пагрозу і зразумець, як ім на гэта рэагаваць", — сказаў сёння ў Варшаве прэзідэнт Украіны Уладзімір Зяленскі.

Ён нагадаў, што Расія ўжо ўжывала "Арэшнікі" супраць Украіны, "але мы разумеем, як з гэтым змагацца". Калі ў Беларусь прывязуць "Арэшнік", гэта значыць, мы ўжо ядзерная дзяржава? Спойлер: не

200 гектараў зямлі, прыватныя інвестары. Лукашэнка сабраўся будаваць у Амане "беларускі турыстычны аб'ект". Далучыцца, па яго словах, гатовы арабскі мільярдэр, які "падбіраў" праект "Паўночны бераг" за братамі Карычамі. Пасля візіту Лукашэнкі ў Аман шэраг экспертаў, у тым ліку прадстаўніца АПК Аліса Рыжычэнка, выказвалі думку, што ягоная мэта — ізноў хаваць грошы сям'і. Велічэзнае будаўніцтва выглядае для такіх мэтаў ідэальна. Асабліва з прыцягненнем "прыватнага інвестара" з Эміратаў, дзе, як таксама казалі шэраг аналітыкаў, могуць быць асноўныя актывы Лукашэнак. Ці ўсё гэта можа быць проста канспіралогіяй і ў беларусаў з'явіца санаторый на беразе Індыйскага акіяну. Як лічыце?

"Гэта выгадна Лукашэнку". Так былы кіраўнік МЗС Літвы Габрыэлюс Ландсбергіс пракаментаваў рашэнне перадаць ахову Святланы Ціханоўскай паліцыі. "Нам трэба паглядзець на рэальную сітуацыю. Відавочна, што Святлана нязручная для рэжыму, і вы, верагодна, памятаеце, колькі разоў тагачасны дырэктар ДДБ [Дэпартамента дзяржаўнай] Яўнішкіс папярэджваў пра тое, колькі агентаў, звязаных з рэжымам і дзейных у Літве, лагічна ўяўляюць небяспеку для Святланы і яе дзейнасці ў Літве. Менавіта таму была неабходная абарона", — сказаў Ландсбергіс ELTA. Палітык падкрэсліў, што з тых часоў сітуацыя не палепшылася, а стала толькі горшай. Таксама Ландсбергіс выказаўся пра магчымы пераезд Офіса.

"Яна павінна ацаніць сітуацыю з бяспекай, бяспечна ёй знаходзіцца ў Літве ці не. Але рашэнне ўрада, перш за ўсё, выгадае Лукашэнку".

Украіна і Польшча падабраліся да вырашэння найбольш складанай у адносінах паміж краінамі тэм. Гаворка ідзе пра эксгумацыі ахвяр Валынскай разні 1943-га. "Польскі бок хоча паскорыць іх. Украінскі бок гатовы іх правесці. Гэта не заявы, а канкрэтныя дзеянні", — сказаў Уладзімір Зяленскі на прэс-канферэнцыі пасля сустрэчы з польскім калегам Каралем Наўроцкім.

"Мы даем Расіі нагоду паспрабаваць нас раздзяліць", — дадаў Наўроцкі.

Забойствы этнічных палякаў на Валыні вызнаныя генацыдам польскім Сеймам. Ва Украіне з такім тэрмінам не пагаджаюцца. Спрэчкі вакол магчымых прычын тых падзей ідуць дагэтуль.

"Спадзяюся, яшчэ крыху — і пабачымся!" З'явілася відэа размовы Святланы Ціханоўскай з Віктарам Бабарыкам і Марыяй Калеснікавай.

Папярэднік Шведа кіраваў Вярхоўным судом амаль 29 гадоў. 83-гадовы Валянцін Сукала наўрад ці атрымае новую пасаду і зможа адпачыць на пенсіі пасля шматгадовай працы па знішчэнні незалежнасці судовай сістэмы. Яшчэ раней Сукала кіраваў міністэрствам юстыцыі — то бок пры ім адбыліся адразу два лукашэнкаўскія рэферэндумы.

Змагар з генацыдам Андрэй Швед прызначаны кіраўніком Вярхоўнага суда. За яго кандыдатуру "прагаласавалі" на УНС. Ніякага досведу працы ў судовай вертыкалі Швед не мае.

Святлана Ціханоўская сазванілася з Марыяй Калеснікавай і Віктарам Бабарыкам, паведамілі ў прэс-службе дэмлідаркі.

Які нацыянальны міф у беларусаў? Пра гэта ў праграме "Ідэя Х" на @euroradio паразважаў сацыёлаг Філіп Біканаў. Глядзець цалкам тут: https://www.youtube.com/watch?v=UPHTbGyBhK0

Казкі Лукашэнкі з УНС: чым дыхае пратухлая вярхушка "вертыкалі ўлады"? Абмяркоўваем важныя беларускія тэмы ў сусветным кантэксце з блогерам Аляксандрам Кныровічам На Усебеларускім народным сходзе 2025 года Лукашэнка гаварыў пра "збеглых" нашмат больш, чым звычайна. Ну не даюць яму спакойна спаць беларусы, якія з'ехалі за мяжу! Адначасова выраслі патрабаванні да беларусаў, што застаюцца жыць у Беларусі. Медыкам трэба прырасці да месцаў, куды іх размеркавалі, жанчынам — нараджаць траіх дзяцей і больш, а дрэваапрацоўцы, у "мадэрнізацыю" якой 15 гадоў таму ўбухалі $1 млрд, нарэшце стаць прыбытковай. Усё гэта, а таксама трывожны міжнародны кантэкст абмяркоўваем з блогерам Аляксандрам Кныровічам. Мы, дарэчы, прыдумалі назву для гэтых штотыднёвых стрымаў: "Дарагая Беларусь!". Як вам? Глядзіце тут, дзяліцеся меркаваннямі: https://www.youtube.com/watch?v=IB00eFHtAiU

Пуцін заяўляе, што Уладзімір Зяленскі рабіў відэа не ў Купянску, а ў кіламетры ад яго. Але гугл-карты дэманструюць, што гэта не так — стэла, вядома, не ў цэнтры горада, аднак наўпрост на ўездзе, а не недзе ўбок. І іншае пытанне: то-бок кіраўнік Украіны знаходзіўся літаральна ў некалькіх сотнях метраў ад расійскіх вайскоўцаў, і тыя нічога не зрабілі?

Уладзімір Зяленскі ўпершыню сустрэўся з новым прэзідэнтам Польшчы Каралем Наўроцкім.

На базе польскай СПА затрымалі п'янага беларуса. Цяпер пракуратура спрабуе высветліць, як ён апынуўся на вайсковым аб'екце. Інцыдэнт здарыўся яшчэ ў другой палове лістапада, але пра яго стала вядома толькі цяпер. Паведамляецца, што позна 23 лістапада ўвечары на базе СПА заўважылі трох пабочных асоб. Затрымаць патруль здолеў толькі аднаго з іх — грамадзяніна Беларусі. Мужчына быў п'яны — ён казаў, быццам заблукаў і не ведаў, што знаходзіцца на вайсковым аб'екце. У яго мабільніку аказалася фота марскога порта. Таксама выявілі сведчанні, што ён шукаў нейкую пасылку. Як мужчына трапіў на тэрыторыю вайсковай базы — невядома: слядоў, якія паказваюць на ягоны шлях, не знайшлі.

На афіцыйным пасведчанні Лукашэнкі як дэлегата УНС — фота 20-гадовай даўніны. Упершыню гэты здымак прадэманстравалі на выбарах 2006-га. Больш актуальных партрэтаў, верагодна, не знайшлі.

Еўрасаюз выдасць Украіне крэдыт у 90 млрд еўра. Але не за кошт расійскіх актываў. Еўрасавет вырашыў даць вялікую пазыку пад забеспячэнне бюджэтных сродкаў ЕС, самі грошы будуць знойдзеныя на рынках капіталу. Ідэя выдаць крэдыт пад забеспячэнне расійскіх замарожаных актываў правалілася, з ёй не былі згодныя некалькі краін, а дзеля такога рашэнне патрэбны быў кансэнсус. Сярод аргументаў крытыкаў варыянту — гэта можа негатыўна паўплываць на давер да ЕС на рынку і прывесці да негатыўных наступстваў. У схеме фінансавання Украіны праз крэдыт не будуць удзельнічаць Венгрыя, Славакія і Чэхія. Расійскія актывы застануцца замарожанымі да таго часу, пакуль не скончыцца вайна і Украіне не будзе выплачана кампенсацыя. Адпаведна, крэдыт афіцыйны Кіеў пачне выплачваць пасля атрымання рэпарацый.

ЗША прыпыняюць латарэю грын кард. Пра гэта паведаміла міністарка ўнутраных спраў краіны Крысці Ноэм. Нагода для спынення візавай латарэі — па ёй у ЗША ў 2017-м трапіў чалавек, якога падазраюць у страляніне ва Універсітэце Браўна на гэтым тыдні. Латарэя Green Card дазваляла людзям атрымаць візу DV1. Праграма існуе з 1970-х, кожны год магчымасць пераехаць у ЗША і праз пяць гадоў атрымаць грамадзянства мелі каля 50 тысяч чалавек у свеце. У Беларусі шанец на выйгрыш звычайна мае адна на 50-60 анкет.