Wasu Mohammed - ዋሱ መሀመድ

ደሴ - መንበረ ፀሃይ‼ "ሁለቱ ታዳጊዎችን አብረው ገደል ገብተዋል" ነዋሪዎች ደሴ ከተማ መንበረፀሃይ አካባቢ ዛሬ ታህሳስ 17/2018ዓ.ም የከተማው ደረቅ ቆሻሻ የሚወገድበት ቦታ ተደርምሶ የሁለት ሰዎች ህይወት ማለፉን ከስፍራው የደረሰኝ መረጃ ያመለክታል። "አንዱ አቶ አለነ ይባላል በህይወት ተርፏል ድምፅን ልከንልሃል።ሁለቱ ታዳጊዎች ግን የቆሻሻው ክምር ሲደረመስ ወደ አዝዋ ገደል ይዟቸው ወርዷል።በህይወት አይተርፉም።ከ5:00 ጀምረን ሞከርን የሚቻል አልሆነም"ሲሉ ነዋሪዎቹ ነግረውኛል።አቶ አለነ ሞላ ከአደጋው የተረፉ ናቸው የዓይን ምስክርነታቸው በድምፅ ተያይዟል።   በጉዳዩ ላይ የደሴ ከተማ አስተዳደር ፖሊስ መምሪያ አዛዥ ኮማንደር ጥላሁን ታደሰን በስልክ ጠይቂያቸው በሰጡኝ ማብራሪያ <<ክስተቱ ትክክል ነው አጋጥሟል።በቆሻሻ ክምሩ ላይ ለምን እንደወጡ ባናውቅም ሁለት ወጣቶች ቆሻሻው ወደታች ሲደረመስ አብረው ወርደዋል።ህይወታቸው አልፏል።ዛሬ የሚቻለው ሁሉ ተሞከረ ማውጣት ግን አልተቻለም።በሁኔታው አዝነናል።ነገ ተጨማሪ አማራጮችን ተጠቅመን ለማውጣት አስበናል።>>ብለዋል።ኮማንደር ጥላሁንን ለፈጣን ምላሻቸው እያመሰገንኩ ለሟች ቤተሰቦች መፅናናትን እመኛለሁ።